3/19/2024
Today from Hiiraan Online:  _
Wararka Maanta- Jimco, Feb 8 , 2013
Xisbiga WADANI oo eedo u soo jeediyay Xukuumadda Somaliland kana hadlay Khilaaf Madaxweynaha iyo ku xigeenkiisa

Jimco, Feberaayo 08, 2013 (HOL) — Xisbiga mucaaradka ah ee WADANI ayaa xukuumadda ku dhaliilay wada shaqayn la’aan kaliftay in arrimihii amniga wax laga sheego iyo khilaaf uu sheegay inuu ka dhex jiro madaxweynaha iyo madaxweyne ku xigeenka oo maalmihii u dambeeyey la hadal hayey.

“Waxaa baryahan iska soo daba dhacaayey baaqyo waxyaabo amniga lagaga dayrinaayo , waxaana taas keenay ayaanu u aragnaa xisbi ahaan inay  jirto hoos u dhac weyn oo ka yimi dhankii wada shaqaynta xukuumadda talada haysta iyo hay’adda amniga ee caalamiga ah “ayuu yidhi Afhayeenka Xisbiga Waddani Xildhibaan Ibraahim Mahdi Buubaa oo dhaliillo usoo jeediyey xukuumadda madaxweyne Siillaanyo.

Waxaanu intaas ku daray ” Waxay gaadhay meeqaamkii ugu hoosaysay ee la gaadho waana ta keentay in ay beesha caalamku amnigii ka walaacaan waana waxay aragtay beesha caalamku, Xukuumaddu waxay baal martay sunihii ay mari jirtay Somaliland ee ahaa in ay wax kasta lagu xaliyo qaab madax dhaqameedku dhex gali jireen, iyo culima awdiinta”.

Afhayeenka xisbiga WADANI Buubaa oo ka hadlaya khilaaf la sheegay inuu ka dhex jiro madaxweynaha iyo ku xigeenkiisa waxa uu yidhi “Waxaad ogtihiin inuu jiro khilaaf soo kala dhex-galay madaxweynaha iyo ku-xigeenkiisa oo gaadhay in uu madaxweyne ku-xigeenku sii sagootiyi waayo madaxweynaha oo safar u baxaya , waxaan leeyahay may ahayn in uu madaxweynuhu dhoofo isaga oo arrinku halkaasi maraya “.

Maalmihii u dambeeyey ayaa la sheegaya inuu khilaaf soo kala dhex galay madaxweynaha iyo madaxweyne ku xigeenka, inkastoo ilaa hadda la garanayn waxa uu ka dhashay khilaafkaasi, balse waxa la sheegayaa inkhilaafkaasi keenay in madaxweynuhu maalintii Salaasadda ee uu dhoofayey aanu madaxweyne ku xigeenku la qaadan salaantii ciidamadddu sinayeen, taas oo la dareemay inuu khilaaf huursani jiro.

Dhinca kale,  waxa iyaguna gacanta iskula tagay Maareeyihii hore wadooyinka Somaliland Cabdiwaaxid Cabdiqaadir oo  salaasaddii xilka laga qaaday  iyo taliyihii hore ee sirdoonka Somaliland Xuseen Kiiniyaati, waxaana la sheegayaa inuu dagaalkaasi uu gacanta ku horeeyey maareeyihii hore ee wadooyinka.

Warar aan la xajiin ayaa sheegayaa in maareeyaha xilka laga qaaday kadaba socday taliyihii hore ee sirdoonka  arrimo salka ku haya xilligii uu taliyaha ahaa ee dawladda Daahir Rayaale, wakhtigaasi oo lagu eedeeyey arrimo argagixiso isaga iyo wasiirka Madaxtooyadda Somaliland Xirsi Xaaji Cali inkastoo aan maxkamad la hor keenin. Haseyeeshee waxa la sheegaya in shakiga waagaas dhashay ka hadhi waayey masuuliyiintan oo u arkay in ilaa hada eedaasi daba socoto, iyadoo masuuliyiin xukuumadda Axmed Siillaanyo ka tirsani aaminsan yihiin in saraakiisha hore ee sirdoonka dagaaal kula jiraan xukuumadda ayna ka dambeeyaan eedaha ka soo yeedhay Maraykanka iyo ingiriiska ee ku saabsan amaanka, inkastoo aanay si toos ah u cadeyn.

Labaddan masuul oo isku gacan qaaday hoteel Maansoor habeen hore ayaa labadooba ciidanka amnigu xabsiga u taxaabeen.

Barkhad-Ladiif  M. Cumar, Hiiraan Online
[email protected] 
Hargeysa, Somaliland













Click here
2/8/2013 12:07 PM EST
Jimco, Feberaayo 08, 2013 (HOL) — Madaxweynaha dowladda Soomaaliya, Xasan Sheekh Maxamuud oo ka hadlay ciidamada ay Xukuumadda Britain sheegtay inay u dirayso Soomaaliya ayaa sheegay in ciidamadaas aysan wax lug ah ku yeelan doonin howgallada milateri ee dalka ka socda.

2/8/2013 11:16 AM EST
Jimco, Feberaayo 08, 2013 (HOL) — Muddaaharaad muddo kooban socday oo looga soo horjeedo madaxweynaha Puntland, C/raxmaan Sheekh Maxamed Maxamuud (Faroole) ayaa maanta ka dhacay magaalada Boosaaso ee xatunyta gobolka Bari.

2/8/2013 11:14 AM EST
Jimco, February 08, 2013(HOL): Waxaa magaaladda Buuhoodle ee Gobolka Caymeed laga bilaabay dhisme isbitaal lagu xanaanaynayo dadka dhimrka wax ka qaba, kaas oo loogu magac daray Dr. Xabeeb.

2/8/2013 10:54 AM EST
Jimco, February 08, 2013(HOL): Wararka naga soo gaaraya Magaalada Baydhabo ee xarunta u ah Gobolka Bay ayaa waxay sheegayaan in xaaladda magaaladaas ay aad u kacsan tahay kaddib markii ay la weeraray hotel uu magaalada Baydhabo ka deganaa guddoomiyaha cusub ee ay dowladda Soomaaliya u magacawday Gobolka Bay.

2/8/2013 7:56 AM EST
Jimco, Feberaayo 08, 2013 (HOL) —Madaxweeynaha dowladda Federaalka Soomaaliya Mudane Xasan Sheekh Max’uud iyo wafdigii uu hogaaminayay ayaa maanta dib ugu soo laabtay dalka kadib safarro kala duwan oo ay kusoo kala bixiyeen qaar katirsan wadamada caalamka.

2/8/2013 7:17 AM EST
Jimco, Feberaayo, 08, 2013 (HOL) -- Mas’uuliyiinta maxkamadda ciidamada qalabka sida dowladda Soomaaliya oo maalintii shalay gaaray magaalada Baladweyne ee xarunta gobollka Hiiraan ayaa maanta xukunno isugu jira dil toogasho iyo xabsi waxaa ay ku riday eedeysanayaal la hor keenay maxkamadda.

2/8/2013 7:07 AM EST
Jimco, Feberaayo 08, 2013 (HOL) —Maamulka KMG ee magaalada Kismaayo ayaa sheegay in ay socdaan dadaallo ay ugu jiraan sidii xooogagga Al-shabaab ay uga saari lahaayeen qeybaha ay uga suganyihiin gobollada Jubooyinka.

2/8/2013 6:03 AM EST
Jimco, Feberaayo 08, 2013 (HOL) —Qarax xooggan ayaa saaka gudaha magaalada Kismaayo lagula eegtay gaari ciidan oo ay wateen askar katirsan ciidamada dowladda, xilli uu marayay xaafadda Calanleey ee magaalada Kismaayo.

2/8/2013 1:50 AM EST
Jimco, Feberaayo 08, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo safar shaqo ku jooga adlka Masar ayaa xalay magaalada Qaahira kula kulmay jaaliyadda Soomaaliyeed ee ku nool dalka Masar.

2/8/2013 1:39 AM EST
Jimco, Feberaayo 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in hay’adaha garsoorka dalka ay ka madaxbannaan yihiin hay’adaha kale ee xukuumadda, isagoo xusay in maxkamaduhu ay iyaga u madaxbannaan yihiin xukunnada ay ridayaan.