3/19/2024
Today from Hiiraan Online:  _
Wararka Maanta- Jimco, Feb 8 , 2013
Maxkamadda Ciidamada Qalabka sida ee Magaalada Baladweyne oo Xukunno isugu jira dil iyo Xabsi ku riday Eedeysaneyaal

Jimco, Feberaayo, 08, 2013 (HOL) -- Mas’uuliyiinta maxkamadda ciidamada qalabka sida dowladda Soomaaliya oo maalintii shalay gaaray magaalada Baladweyne ee xarunta gobollka Hiiraan ayaa maanta xukunno isugu jira dil toogasho iyo xabsi waxaa ay ku riday eedeysanayaal la hor keenay maxkamadda.

Maxkamadda ciidamada qalabka sida oo maalintii shalay guda gashay dhageysiga dacwado kala duwan oo lagu soo oogay ilaa 19 eedeysane oo in mudo ah ku xirnaa saldhigga magaalada Baladweyne, ayaa maanta go’aan ka gaartay dhamaan dacwadihii la hor keenay.

Liibaan Cali Yarow guddoomiyaha darajada koowaad ee maxkamadda ciidamada qalabka sida oo xukunka ku dhawaaqay ayaa Afar ka mid ah eedeysanayaasha oo lagu eedeeyay in ay geysteen dilal bareer ah waxaa uu sheegay in lagu xukumay dil toogasho ah, halka sagaal kalena lagu xukumay xabsi u dhaxeeya 25 sano ilaa Lex bilood, waxaana dacwadahooda dib loo dhigay Lix ruux.

''Dadka la soo eedeeyay waxaa ay gaarayeen 19 ruux, Afar ka mid ah oo si bareer ah dil u geystay waxaa ay maxkamaddu ku xukuntay dil toogasho ah, Sagaal kalana waxaa lagu riday xukun xabsi ah oo u dhaxeeya 25 sano ilaa 6 bilood, waxaan dib u dhignay dacwadahooda Lex ka mid ah dadka la soo eedeeyay oo wali kiisaskooda la soo kala cadeyn,'' ayuu yiri Liibaan Cali Yaroow.

Afarta ruux ee maxkamada ciidamada qalabka sida ku riday xukunka dilka ah ayaa waxaa ka mid ah gacan ku dhiigle 27 November sanadkii 2012 ku toogtay magaalada Baladweyne guddoomiyihii gollaha guurtida gobollka Hiiraan nabadoon Max’ed Sheekh Xusseen Maryacade, halka sadax kalana ay ka tirsanayeen ciidamada dowladda.

Dadka ku dhaqan magaalada Baladweyne ayaa siweyn u soo dhaweeyay xukunka ay riday maxkamada ciidamada qalabka sida, iyaga oo sheegay talaabada noocan oo kale ah tahay mid ay dadka ku kala badbaadayaan.

C/raxmaan Diini, Hiiraan Online
[email protected] 
Baladweyne, Soomaaliya













Click here
2/8/2013 12:07 PM EST
Jimco, Feberaayo 08, 2013 (HOL) — Madaxweynaha dowladda Soomaaliya, Xasan Sheekh Maxamuud oo ka hadlay ciidamada ay Xukuumadda Britain sheegtay inay u dirayso Soomaaliya ayaa sheegay in ciidamadaas aysan wax lug ah ku yeelan doonin howgallada milateri ee dalka ka socda.

2/8/2013 12:02 PM EST
Jimco, Feberaayo 08, 2013 (HOL) — Xisbiga mucaaradka ah ee WADANI ayaa xukuumadda ku dhaliilay wada shaqayn la’aan kaliftay in arrimihii amniga wax laga sheego iyo khilaaf uu sheegay inuu ka dhex jiro madaxweynaha iyo madaxweyne ku xigeenka oo maalmihii u dambeeyey la hadal hayey.

2/8/2013 11:16 AM EST
Jimco, Feberaayo 08, 2013 (HOL) — Muddaaharaad muddo kooban socday oo looga soo horjeedo madaxweynaha Puntland, C/raxmaan Sheekh Maxamed Maxamuud (Faroole) ayaa maanta ka dhacay magaalada Boosaaso ee xatunyta gobolka Bari.

2/8/2013 11:14 AM EST
Jimco, February 08, 2013(HOL): Waxaa magaaladda Buuhoodle ee Gobolka Caymeed laga bilaabay dhisme isbitaal lagu xanaanaynayo dadka dhimrka wax ka qaba, kaas oo loogu magac daray Dr. Xabeeb.

2/8/2013 10:54 AM EST
Jimco, February 08, 2013(HOL): Wararka naga soo gaaraya Magaalada Baydhabo ee xarunta u ah Gobolka Bay ayaa waxay sheegayaan in xaaladda magaaladaas ay aad u kacsan tahay kaddib markii ay la weeraray hotel uu magaalada Baydhabo ka deganaa guddoomiyaha cusub ee ay dowladda Soomaaliya u magacawday Gobolka Bay.

2/8/2013 7:56 AM EST
Jimco, Feberaayo 08, 2013 (HOL) —Madaxweeynaha dowladda Federaalka Soomaaliya Mudane Xasan Sheekh Max’uud iyo wafdigii uu hogaaminayay ayaa maanta dib ugu soo laabtay dalka kadib safarro kala duwan oo ay kusoo kala bixiyeen qaar katirsan wadamada caalamka.

2/8/2013 7:07 AM EST
Jimco, Feberaayo 08, 2013 (HOL) —Maamulka KMG ee magaalada Kismaayo ayaa sheegay in ay socdaan dadaallo ay ugu jiraan sidii xooogagga Al-shabaab ay uga saari lahaayeen qeybaha ay uga suganyihiin gobollada Jubooyinka.

2/8/2013 6:03 AM EST
Jimco, Feberaayo 08, 2013 (HOL) —Qarax xooggan ayaa saaka gudaha magaalada Kismaayo lagula eegtay gaari ciidan oo ay wateen askar katirsan ciidamada dowladda, xilli uu marayay xaafadda Calanleey ee magaalada Kismaayo.

2/8/2013 1:50 AM EST
Jimco, Feberaayo 08, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo safar shaqo ku jooga adlka Masar ayaa xalay magaalada Qaahira kula kulmay jaaliyadda Soomaaliyeed ee ku nool dalka Masar.

2/8/2013 1:39 AM EST
Jimco, Feberaayo 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in hay’adaha garsoorka dalka ay ka madaxbannaan yihiin hay’adaha kale ee xukuumadda, isagoo xusay in maxkamaduhu ay iyaga u madaxbannaan yihiin xukunnada ay ridayaan.