3/19/2024
Today from Hiiraan Online:  _
Wararka Maanta- Jimco, Feb 8 , 2013
RA’IISUL WASAARE SAACID: “Garsoorka Somalia waa mid ka Madax-Bannaan Hay’adaha kale ee Dowladda”


Jimco, Feberaayo 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in hay’adaha garsoorka dalka ay ka madaxbannaan yihiin hay’adaha kale ee xukuumadda, isagoo xusay in maxkamaduhu ay iyaga u madaxbannaan yihiin xukunnada ay ridayaan.

Hadalkan ayuu ra’iisul wasaaraha kaga jawaabayay hadallo kasoo baxay beesha calaamka oo ku saabsan in xukunkii lagu riday wariyaha iyo haweeney sheegtay in la kufsaday uu ahaa mid cadaalad-darro ah.

“Soomaaliya waxay leedahay garsoor madaxbannaan, maxkamaduna iyada ayaa qaadatay go’aankeeda, balse xukuumaddu dib u eegis ayay ku sameyn doontaa go’aankaas,” ayuu yiri ra’iisul wasaare Saacid.

Ra’iisul wasaaruhu wuxuu sheegay in garsoorka Soomaaliya uu yahay mid ka madaxbannaan hay’adaha kale ee dowladda, sidaas daraadeedna go’aanka ay gaaraan uu yahay mid ay iyagu u madaxbannaan yihiin.

“Dowladda Soomaaliya waxaa ka go’an inay ilaaliso xuquuqda aadanaha, waxaana sameynay koox madaxbannaan oo baaritaanno ku sameeya tacdiyada xuquuqda aadanaha eek a dhacay dalka 12-kii bilood ee lasoo dhaafay,” ayuu hadalkiisa raaciyay.

Mudane Saacid ayaa sidoo kale in tiirarka ay ku shaqeynayso xukuumadda uu madaxda uu yahay ay ka mid yihiin in la ilaaliyo xuquuqda aadanaha ayna ka hortagto wax walba oo lagu dhibaateynayo shacabka.

Qaramada Midoobay iyo dalalka calaamka qaarkood ayaa ku tilmaamay mid laga xumaado xukun min hal sano ah oo maxkamadda gobolka Banaadir ay ku xukuntay haweeney sheegtay inay kufsadeen ciidammo ka tirsan kuwa dowladda iyo wariyihii wareystay.

Madaxweynaha Soomaaliya, Xasan Sheekh ayaa isaguna dhawaan sheegay in garsoorka dalka uu yahay mid madax-bannaan oo sharciga dalka uusan u ogoleyn inay faragelin ku sameeyaan howlaha garsoorka. Balse dowladda ayaa laga sugayaa inay ka jawaabto dalabka beesha caalamka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/8/2013 12:07 PM EST
Jimco, Feberaayo 08, 2013 (HOL) — Madaxweynaha dowladda Soomaaliya, Xasan Sheekh Maxamuud oo ka hadlay ciidamada ay Xukuumadda Britain sheegtay inay u dirayso Soomaaliya ayaa sheegay in ciidamadaas aysan wax lug ah ku yeelan doonin howgallada milateri ee dalka ka socda.

2/8/2013 12:02 PM EST
Jimco, Feberaayo 08, 2013 (HOL) — Xisbiga mucaaradka ah ee WADANI ayaa xukuumadda ku dhaliilay wada shaqayn la’aan kaliftay in arrimihii amniga wax laga sheego iyo khilaaf uu sheegay inuu ka dhex jiro madaxweynaha iyo madaxweyne ku xigeenka oo maalmihii u dambeeyey la hadal hayey.

2/8/2013 11:16 AM EST
Jimco, Feberaayo 08, 2013 (HOL) — Muddaaharaad muddo kooban socday oo looga soo horjeedo madaxweynaha Puntland, C/raxmaan Sheekh Maxamed Maxamuud (Faroole) ayaa maanta ka dhacay magaalada Boosaaso ee xatunyta gobolka Bari.

2/8/2013 11:14 AM EST
Jimco, February 08, 2013(HOL): Waxaa magaaladda Buuhoodle ee Gobolka Caymeed laga bilaabay dhisme isbitaal lagu xanaanaynayo dadka dhimrka wax ka qaba, kaas oo loogu magac daray Dr. Xabeeb.

2/8/2013 10:54 AM EST
Jimco, February 08, 2013(HOL): Wararka naga soo gaaraya Magaalada Baydhabo ee xarunta u ah Gobolka Bay ayaa waxay sheegayaan in xaaladda magaaladaas ay aad u kacsan tahay kaddib markii ay la weeraray hotel uu magaalada Baydhabo ka deganaa guddoomiyaha cusub ee ay dowladda Soomaaliya u magacawday Gobolka Bay.

2/8/2013 7:56 AM EST
Jimco, Feberaayo 08, 2013 (HOL) —Madaxweeynaha dowladda Federaalka Soomaaliya Mudane Xasan Sheekh Max’uud iyo wafdigii uu hogaaminayay ayaa maanta dib ugu soo laabtay dalka kadib safarro kala duwan oo ay kusoo kala bixiyeen qaar katirsan wadamada caalamka.

2/8/2013 7:17 AM EST
Jimco, Feberaayo, 08, 2013 (HOL) -- Mas’uuliyiinta maxkamadda ciidamada qalabka sida dowladda Soomaaliya oo maalintii shalay gaaray magaalada Baladweyne ee xarunta gobollka Hiiraan ayaa maanta xukunno isugu jira dil toogasho iyo xabsi waxaa ay ku riday eedeysanayaal la hor keenay maxkamadda.

2/8/2013 7:07 AM EST
Jimco, Feberaayo 08, 2013 (HOL) —Maamulka KMG ee magaalada Kismaayo ayaa sheegay in ay socdaan dadaallo ay ugu jiraan sidii xooogagga Al-shabaab ay uga saari lahaayeen qeybaha ay uga suganyihiin gobollada Jubooyinka.

2/8/2013 6:03 AM EST
Jimco, Feberaayo 08, 2013 (HOL) —Qarax xooggan ayaa saaka gudaha magaalada Kismaayo lagula eegtay gaari ciidan oo ay wateen askar katirsan ciidamada dowladda, xilli uu marayay xaafadda Calanleey ee magaalada Kismaayo.

2/8/2013 1:50 AM EST
Jimco, Feberaayo 08, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo safar shaqo ku jooga adlka Masar ayaa xalay magaalada Qaahira kula kulmay jaaliyadda Soomaaliyeed ee ku nool dalka Masar.