3/28/2024
Today from Hiiraan Online:  _
Wararka Maanta- Khamiis, Feb 7 , 2013
Dagaal culus oo Ciidamada Itoobiya iyo Xarakada Al-Shabaab ku dhex-maray deegaan u dhexeeya Xudur iyo Ceelbarde


Khamiis, Feberaayo 07, 2013 (HOL) — Ciidammo Itoobiyaan ah oo kasoo baxay magaalada Ceelberde oo sahay u soo waday ciidamadooda ku sugan magaalada Xudur ee gobolka Bakool ayaa waxay dagaal culus kula kulmeen  meel u dhaxaysa Ceelbarde iyo Xudur oo layiraahdo Teed, iyadoo khasaare isugu jira dhimasho iyo dhaawac ay soo kala gaareen labada dhinac.

Magaalada Xudur waa magaalo go'doon ku jirta, waayo waxaa ku wareegsan xoogagga Al-shabaab oo u diiddan inay galaan baabuurta raashinka ganacsi wada, sida lasoo sheegaya waxaa ka jira macluul iyo nolol xumo ba’an.

Raashinka keliya ee taga magaalada Xudur waa mid ay dadka dhabarkooda kaga qaataan deegaannada ku dhow-dhow, iyadoo kiiladii sokorta ah ay ka joogto 150,000 oo shillin Soomaali ah; halka magaalada Baydhabo ay ka tahay 16,000 oo shillin Soomaali ah.

Xarakada Al-shabaab iyo ciidamada Itoobiya ayaa la sheegay inay weli isku horfadhiyaan deegaankii ay ku dagaalameen, iyadoo aan la ogeyn khasaaraha rasmiga ah ee ka dhashay dagaalkaas.

Degmooyinka Xudur iyo Ceelbarde ayaa ah labada degmo ee keliya oo ay ciidamada dowladda iyo kuwa Itoobiya kaga sugan yihiin gobolka Bakool, iyadoo inta kale ay ka taliso Al-shabaab.

Wararka ka imaanaya Xudur ayaa waxay sheegayaan in degmada Xudur ay ka jirto xaalad bani’aadamnimo oo aad u daran, taasoo gudaha magaaldaas ku haysata dadka rayidka ah ee ku nool.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/7/2013 12:54 PM EST
Khamiis, Feberaayo 07, 2013 (HOL) — Xaflad ballaaran oo lagu caleemo saarayay guddoon cusub oo uu yeesho golaha salaaddiinta, dib u heshiisiinta iyo wacyi-gelinta Soomaaliyeed oo ay ku mideysan yihiin odayaasha dhaqanka Soomaaliyeed ayaa maanta looga dhawaaqay Hotel City Palace ee magaalada Muqdisho.

2/7/2013 12:25 PM EST
Khamiis, Feberaayo 07, 2013 (HOL) — Madaxweynaha Soomaaliya, Mudane Xasan Sheekh Maxamuud ayaa qudbad ka jeediyay shirka ururka Islaamka (OIC) oo Qaahira maanta lagu soo gaba-gabeeyay.

2/7/2013 12:23 PM EST
Khamiis, Feberaayo 07, 2013 (HOL) — Kooxo hubeysan ayaa siyaabo kala duwan ugu dilay xeryaha Qoxootiga Dhadhaab ee dalka Kenya iyo degmada Gaarisa ee gobolka Waqooyi-bari ee Kenya, iyadoo weerarradaas dhaawacyo loogu geystay dhowr qof oo kale.

2/7/2013 12:21 PM EST
Khamiis, Feberaayo 07, 2013 (HOL) — Madaxweynaha Somaliland Mudane Axmed Maxamed Maxamuud Siilaanyo iyo wefidigii uu hogaaminayay ayaa la sheegay inuu maanta kulan la yeeshay Danjiraha Dawlada Maraykanka u fadhiya Dalka Kenya Ambassador Ropert F. Godec iyo masuuliyiin kale oo uu ka mid yahay Brian Phipps, oo ah madaxa waaxda safaaradda u qaabilsan Soomaliya iyo Marwo Hodan Hassan oo ah agaasimaha hay’ada USAID.

2/7/2013 9:45 AM EST
Khamiis, Feberaayo 07, 2013 (HOL) — Golaha wasiirrada xukuumadda Soomaaliya ayaa shirkoodii maanta uga hadlay qodbo dhowr ah oo ay ka mid ahaayeen warbixin la xariirta safarka ra’iisal wasaaruhu ku shalay ku tagay magaalada Beledweyne ee gobolka Hiiraan, dib u eegis lagu sameeyey guddiga shaqaalaha rayidka iyo erey bixin cusub oo loo sameeyey dhismaha maamulada gobollada dalka.

2/7/2013 9:32 AM EST
Khamiis, Feberaayo 07, 2013 (HOL) — Xukuumadda Ingiriiska ayaa sheegtay in koox yar oo ciidamadeeda ka mid ah ay u dirayso Soomaaliya taasoo billow u ah iskaashi dhinaca milateriga ah oo ay la yeelanayso dalal ay ku jirto Soomaaliya.

2/7/2013 7:49 AM EST
Khamiis, Feberaayo 07, 2013 (HOL) — Guddoomiyaha baarlamaanka dalka isla markaana ah ku simaha madaxweynaha Soomaaliya, Prof. Maxamed Sheekh Cismaan Jawaari ayaa maanta oo Khamiis ah kula kulmay xarunta golaha shacabka boqolaal qof oo ka socday ururrada shaqaalaha dalka. Isagoo ka dhageystay baahida ay qabaan.

2/7/2013 6:34 AM EST
Khamiis, Feberaayo 07, 2013 (HOL) —Xildhibaanno kasoo jeeda beelaha Digil iyo Mirifle ayaa shir jaraa’id oo ay ku qabteen magaalada Baydhabo ayaa waxay ku sheegeen inay kasoo horjeedaan maamulka cusub loo soo magacaabay gobolka Bay.

2/7/2013 6:16 AM EST
Khamiis, Feberaayo 07, 2013 (HOL) — Qaramada Midoobay ayaa dowladda Soomaaliya ugu baaqday inay dib u furto kiiska wariye C/casiis Koronto iyo haweeneydii la kufsaday ee uu wareystay oo ay maalmo ka hor ay maxkamadda gobolka Banaadir ku xukuntay min hal sano oo xabsi ah.

2/7/2013 12:51 AM EST
Khamiis, Feberaayo 07, 2013 (HOL) — Xukuumadda Jabuuti ayaa xabsiga dhigtay hoggaamiyaha isbahaysiga MRD ee dalka dalkaas, kaddib markii lagu eedeeyay inuu dowladda Eritrea ka dalbaday inay xoog ku gasho dalka Jabuuti si xukuumadda Geelle loo rido.

2/7/2013 12:51 AM EST
Khamiis, Feberaayo 07, 2013 (HOL) — Gaadiidka gurmadka deg-degga ah ee Ambalaasta ah ayaa Muqdisho ka billaabay howlo ay ugu gurmanayaan xilliyada habeenkii ah oo aanu gaadiidka jirin haweenka uurka leh ee ku jira xilliga foosha iyo caruurta xanuunsan.