3/28/2024
Today from Hiiraan Online:  _
Wararka Maanta- Khamiis, Feb 7 , 2013
Qaramada Midoobay oo ka codsaday Dowladda Somalia inay dib u furo Kiiska Wariyaha iyo Haweeney la xukumay


Khamiis, Feberaayo 07, 2013 (HOL) — Qaramada Midoobay ayaa dowladda Soomaaliya ugu baaqday inay dib u furto kiiska wariye C/casiis Koronto iyo haweeneydii la kufsaday ee uu wareystay oo ay maalmo ka hor ay maxkamadda gobolka Banaadir ku xukuntay min hal sano oo xabsi ah.

Madaxa xaquuqda aadanaha ee Qaramada Midoobay, Navi Pillay ayaa sheegtay in xukunkaas uu ahaa mid ay aad ula yaabeen, iyadoo sheegtay in taasi ay u muuqanayso in looga horjeedo ka hortagga falalka kufsiga ah ee ka dhaca gudaha Soomaailya.

“Xadgudubyada kufsiga ah ee ka dhaca kaamamka ay ku nool yihiin dadka soo barakacay waa arrin jirta, waxaana u aragnaa in xukunkan uu yahay mid dhiirrigelinaya dambigaas,” ayay tiri Pillay. Iyadoo intaas raacisay: “Waa arrin xadgudub ah in haweeney la kufsaday la ciqaabo, sidoo kalena la ciqaabo wariyihii soo wareystay.”

Dowladda Soomaaliya ayaa bishii hore soo xirtay haweeneyd sheegtay inay ciidammo ka tirsan kuwa dowladda Somaaliya kufsadeen bishii Septmber ee lasoo dhaafay, taasoo ku noolayd kaam ku yaalla deegaanka Tarabuunka ee Muqdisho. Sidoo kale waxaa la xiray wariyihii wareystay haweeneydaas, laba qof oo kale oo lala xiriiriyay kiiska ayaa iyagana la xiray, inkastoo kuwaas lasii daayay.

Wariye C/casiis C/nuur Ibaahim ayaa lagu eedeeyay inuu faafiyay warar aan sal iyo raad lahayn oo lagu cambaareynayo ciidamada dowladda, sidoo kale haweeneyda dhibbanaha ahayd ayaa lagu eedeeyay inay sheegtay in askar ka tirsan ciidamada dowladda ay kufsadeen.

“Toban casho ka hor ayaan kala hadlay arrintan xukuumadda Soomaaliya,” ayay tiri Pillay oo intaas ku dartay. “Haddan waxaan ugu baaqayaa dowladda Soomaaliya inay si dhaqso ah dib ugu furto dacwadda, ayna u maareyso si cadaaladi ku jirto, lalana xisaabtamo kuwii dhibaatada geystay.”

Sidoo kale, sarkaaladdu waxay hoosta ka xariiqday in arrintan ay khatar ku tahay xorriyadda hadalka iyo madax-bannaanida saxaafadda dalka. Iyadoo la ogyahay in suxufiyiinta si toos ah loola beegsado dilal qorsheysan.

“Ficillada kufsiga waa arrin u furan suxufiyiinta inay baaraan. Looma xirir karo suxufiyiinta loomana xukumi karo arrin ku saabsan howshan,” ayay tiri madaxa xuquuqda aadanaha ee Qaramada Midoobay.

Mrs. Navi Pillay waxay sheegtay inay ka walaacsan tahay saameynta uu ku yeelan karo xukunka haweeneyda la kufsaday haweenka kale ee Soomaaliyeed ee lagula kaco kufsiga, iyadoo la ogyahay bay tiri in kufsigu uu aad ugu sii kordhayo gudaha Soomaaliya.

Hadalkan ayaa kusoo beegmaya iyadoo maalintii shalay ahayd uu xoghayaha guud ee Qaramada Midoobay uu niyad-jab ka muujiyay xukunka lagu riday wariyaha iyo haweeneyda dhibbanaha ah, isagoo xukuumadda ugu baaqay inay arrintaan dib u eegis ku sameyso.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/7/2013 12:54 PM EST
Khamiis, Feberaayo 07, 2013 (HOL) — Xaflad ballaaran oo lagu caleemo saarayay guddoon cusub oo uu yeesho golaha salaaddiinta, dib u heshiisiinta iyo wacyi-gelinta Soomaaliyeed oo ay ku mideysan yihiin odayaasha dhaqanka Soomaaliyeed ayaa maanta looga dhawaaqay Hotel City Palace ee magaalada Muqdisho.

2/7/2013 12:25 PM EST
Khamiis, Feberaayo 07, 2013 (HOL) — Madaxweynaha Soomaaliya, Mudane Xasan Sheekh Maxamuud ayaa qudbad ka jeediyay shirka ururka Islaamka (OIC) oo Qaahira maanta lagu soo gaba-gabeeyay.

2/7/2013 12:23 PM EST
Khamiis, Feberaayo 07, 2013 (HOL) — Kooxo hubeysan ayaa siyaabo kala duwan ugu dilay xeryaha Qoxootiga Dhadhaab ee dalka Kenya iyo degmada Gaarisa ee gobolka Waqooyi-bari ee Kenya, iyadoo weerarradaas dhaawacyo loogu geystay dhowr qof oo kale.

2/7/2013 12:21 PM EST
Khamiis, Feberaayo 07, 2013 (HOL) — Madaxweynaha Somaliland Mudane Axmed Maxamed Maxamuud Siilaanyo iyo wefidigii uu hogaaminayay ayaa la sheegay inuu maanta kulan la yeeshay Danjiraha Dawlada Maraykanka u fadhiya Dalka Kenya Ambassador Ropert F. Godec iyo masuuliyiin kale oo uu ka mid yahay Brian Phipps, oo ah madaxa waaxda safaaradda u qaabilsan Soomaliya iyo Marwo Hodan Hassan oo ah agaasimaha hay’ada USAID.

2/7/2013 9:45 AM EST
Khamiis, Feberaayo 07, 2013 (HOL) — Golaha wasiirrada xukuumadda Soomaaliya ayaa shirkoodii maanta uga hadlay qodbo dhowr ah oo ay ka mid ahaayeen warbixin la xariirta safarka ra’iisal wasaaruhu ku shalay ku tagay magaalada Beledweyne ee gobolka Hiiraan, dib u eegis lagu sameeyey guddiga shaqaalaha rayidka iyo erey bixin cusub oo loo sameeyey dhismaha maamulada gobollada dalka.

2/7/2013 9:32 AM EST
Khamiis, Feberaayo 07, 2013 (HOL) — Xukuumadda Ingiriiska ayaa sheegtay in koox yar oo ciidamadeeda ka mid ah ay u dirayso Soomaaliya taasoo billow u ah iskaashi dhinaca milateriga ah oo ay la yeelanayso dalal ay ku jirto Soomaaliya.

2/7/2013 7:49 AM EST
Khamiis, Feberaayo 07, 2013 (HOL) — Guddoomiyaha baarlamaanka dalka isla markaana ah ku simaha madaxweynaha Soomaaliya, Prof. Maxamed Sheekh Cismaan Jawaari ayaa maanta oo Khamiis ah kula kulmay xarunta golaha shacabka boqolaal qof oo ka socday ururrada shaqaalaha dalka. Isagoo ka dhageystay baahida ay qabaan.

2/7/2013 6:52 AM EST
Khamiis, Feberaayo 07, 2013 (HOL) — Ciidammo Itoobiyaan ah oo kasoo baxay magaalada Ceelberde oo sahay u soo waday ciidamadooda ku sugan magaalada Xudur ee gobolka Bakool ayaa waxay dagaal culus kula kulmeen meel u dhaxaysa Ceelbarde iyo Xudur oo layiraahdo Teed, iyadoo khasaare isugu jira dhimasho iyo dhaawac ay soo kala gaareen labada dhinac.

2/7/2013 6:34 AM EST
Khamiis, Feberaayo 07, 2013 (HOL) —Xildhibaanno kasoo jeeda beelaha Digil iyo Mirifle ayaa shir jaraa’id oo ay ku qabteen magaalada Baydhabo ayaa waxay ku sheegeen inay kasoo horjeedaan maamulka cusub loo soo magacaabay gobolka Bay.

2/7/2013 12:51 AM EST
Khamiis, Feberaayo 07, 2013 (HOL) — Xukuumadda Jabuuti ayaa xabsiga dhigtay hoggaamiyaha isbahaysiga MRD ee dalka dalkaas, kaddib markii lagu eedeeyay inuu dowladda Eritrea ka dalbaday inay xoog ku gasho dalka Jabuuti si xukuumadda Geelle loo rido.

2/7/2013 12:51 AM EST
Khamiis, Feberaayo 07, 2013 (HOL) — Gaadiidka gurmadka deg-degga ah ee Ambalaasta ah ayaa Muqdisho ka billaabay howlo ay ugu gurmanayaan xilliyada habeenkii ah oo aanu gaadiidka jirin haweenka uurka leh ee ku jira xilliga foosha iyo caruurta xanuunsan.