3/18/2024
Today from Hiiraan Online:  _
Wararka Maanta- Arbaco, Feb 6 , 2013
Madaxweynaha Soomaaliya oo gaaray Magaalada Qaahira halkaasoo uu kaga qaybgeli doono shirka Ururka Islaamka

 Somali president Hassan Sheikh Mohamud
Arbaco, Feberaayo 06, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hogaaminayo ayaa xalay gaaray magaalada Qaahira ee xarunta dalka Masar, halkaasoo uu uga qaybgalayo shirka ururka Islaamka (OIC) kasoo ay kasoo qayb-galayaan 59 dowladdood oo Islaam ah.

Wafdiga madaxweynaha ayaa waxaa ka mid ah wasiirka arrimaha dibadda iyo iskaashiga caalamiga, Fawziyo Yuusuf Xaaji Aadan, wasiir u dowlayaasha wasaaradda arrimaha dibadda iyo madaxtooyada, la-taliyaha xagga amniga ee madaxweynaha, Cabdiraxmaan Sheekh Ciise iyo agaasimaha guuud ee madaxtooyada, Kamaal Daahir Xasan.

Shirka ururka Islaamka ayaa maanta oo Arbaco ah ka furmaya magaalada Qaahira waxaana madaxweyne Xasan Sheekh uu ka jeedin doonaan shirka warbixin ku saabsan arrimaha Soomaaliya iyo kaalmada ay caalamka ka doonayaan.

Dalalka Islaamka ayaa waxay shirkooda kaga doodi doonaan dhibaatooyinka ka taagan dalalka Islaamka. Waxaana si gaar ah diiradda loo saari doonaa arrimaha dalka Soomaaliya, Mali, Sudan iyo Suuriya.

Madaxweynaha iyo wafdigiisa ayaa waxay socdaallo kusoo mareen dalalka Itoobiya oo uu kaga qaybgalay shirkii Midowga Afrika, dalka Belgium oo uu kula kulmay madaxda Midowga Yurub iyo dalka Ingiriiska oo uu kula shiray ra’iisul wasaaraha dalkaas iyo jaaliyadda Soomaaliyeed.

Warsaxaafadeed kasoo baxay madaxtooyada Soomaaliya ayaa lagu sheegay in safarrada madaxweynaha ay yihiin kuwo lagu xoojinayo xiriirka ka dhexeeya Soomaaliya iyo beesha calaamka.

Safarka madaxweynaha Soomaaliya oo noqonayoa kii ugu dheeraa oo tan iyo markii la doortay uu dalka dibaddiisa ugu maqnaado, isagoo sidoo kale ay noqonayso markii ugu horreysay oo saddex dal uu isku maro isagoo aan kusoo laaban Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/6/2013 1:09 PM EST
Wareysi gaar ah madaxweyne Xasan Sheekh uu siiyay Hiiraan Online ayuu uga waramay qodobo muhiim oo ay ka mid yihiin Shirka bisha May ee magaalada London, socdaalkiisa London iyo arrimo kale.

2/6/2013 11:53 AM EST
Arbaco, Feberaayo 06, 2013 (HOL) — Waxaa maanta magaalada Boorame ee xarunta gobolka Awdal booqasho maalin ah ku yimid taliye ku xigeenka koowaad ee ciidamada booliiska Somaliland, Jen. C/raxmaan Axmed Liibaan (Fooxle), iyadoo booqashadan lagu sheegay mid loogu kuurgalayay ciidanka booliiska ee ku sugan degmada.

2/6/2013 11:52 AM EST
Arbaco, Feberaayo 06, 2013 (HOL) — Haweenka gobolka Banaadir, gaar ahaan labada urur ee SSWC iyo HINA ayaa maanta ku qabtay magaalada Muqdisho munaasabad ay deeq lacageed oo tabarucaad ah ku siinayeen haween dan-yar ah oo gaaraya illaa 30 si ay ugu shaqeystaan.

2/6/2013 9:33 AM EST
Arbaco, Feberaayo 06, 2013 (HOL) — Isbaheysiga nabadda Soomaaliya ayaa cadaalad-darro ku tilmaamay xukunkii maxkamada gobolka Banaadir ay shalay ku riday weriye, Cabdicasiis Cabdinuur Ibraahim (Koronto) iyo Luul Cali Cusmaan oo ah haweeney Soomaaliyeed oo sheegtay in la kufsaday.

2/6/2013 7:49 AM EST
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hogaaminayo ayaa maanta ka qeyb galay shirka Ururka Islaamka (OIC) oo ka furmay caasimadda Qaahira.

2/6/2013 7:29 AM EST
Arbaco, Feberaayo, 06, 2013 (HOL) – Ra’iisal wasaaraha xukuumada Soomaaliya Cabdi Faarax Shirdoon Saacid iyo wafdi balaaran oo uu horkacayo ayaa maanta gaaray magaalada Baladweyne ee xarunta gobollka Hiiraan.

2/6/2013 7:24 AM EST
Arbaco, Feberaayo 06, 2013 (HOL) — Dowaldda Mareykanka ayaa Qaramada Midoobay ugu baaqay inay tixigeliso codsidii dowladda Soomaaliya ee ahaa in cunno-qabteynta hubka laga qaado si ay dib ugu dhisto ciidamadeeda si ay dalka oo dhan ammaank ugu soo rogto.

2/6/2013 6:58 AM EST
Arbaco, Feberaayo 06, 2013 (HOL) — Wasiirka wasaaradda amniga ee Puntland Col. Khaliif Ciise Mudan oo maanta shir-saxaafadeed ku qabtay xarunta wasaaradda ee magaalada Boosaaso ayaa ka hadlay arimo badan.

2/6/2013 6:34 AM EST
Arbaco, Feberaayo 06, 2013 (HOL) — Madaxweynaha Somaliland Md. Axmed Maxamed Maxamuud (Siilaanyo) ayaa safar shaqo ugu anbabaxay dalka Ingiriiska si uu ugala soo hadlo wasaaradda Arrimaha dibadda ee dalkaasi amni daradii ay ku sheegeen Somaliland iyo sidii ay cilaaqaadka labadda dhinaca uga dhexeeya usoo hagaajin lahaa.

2/6/2013 6:28 AM EST
Arbaco, Feberaayo 06, 2013 (HOL) — Ciidamada ammaanka Puntland ee gobolka Mudug ayaa xalay magaalada Gaalkacayo ee xarunta gobolka Mudug ka sameeyey howlgal ballaaran oo lagu soo qabtay in ka badan 200 oo qof.

2/6/2013 3:22 AM EST
Arbaco, Feberaayo 06, 2013 (HOL) — Iyadoo tan iyo wixii ka danbeeyay burburkii dowladii hore ee Soomaaliya ay dalka Soomaaliya ka dhaceen colaado u dhexeeyay qabaa’illada Soomaaliyeed kuwaasoo sababay in la isku ugaarsado qaab qabiil iyo weliba in lakala dhaco hanti ayay dowladda Soomaaliya shaaca ka qaaday in ay dhiseyso guddi qaran oo kasoo talo bixiya habka ugu haboon ee dib loogu celin karo hantida ay kala heystaan dadka Soomaaliyeed.

2/6/2013 2:20 AM EST
Arbaco, Feberaayo 06, 2013 (HOL) — Wafdi uu horkacayo ra’isul wasaaraha xukuumadda federaalka Soomaaliya Dr. Cabdi Faarax Shirdoon (Saacid) ayaa goor dhow gaaray magaalada Baladweyne ee xarunta gobolka Hiiraan.