3/19/2024
Today from Hiiraan Online:  _
Wararka Maanta- Arbaco, Feb 6 , 2013
Xukuumadda Soomaaliya oo kala celineeysa hantida ay kala heystaan dadka Soomaaliyeed

Arbaco, Feberaayo 06, 2013 (HOL) — Iyadoo tan iyo wixii ka danbeeyay burburkii dowladii hore ee Soomaaliya ay dalka Soomaaliya ka dhaceen colaado u dhexeeyay qabaa’illada Soomaaliyeed kuwaasoo sababay in la isku ugaarsado qaab qabiil iyo weliba in lakala dhaco hanti ayay dowladda Soomaaliya shaaca ka qaaday in ay dhiseeyso guddi qaran oo kasoo talo bixiya habka ugu haboon ee dib loogu celin karo hantida ay kala heystaan dadka Soomaaliyeed.

Xukuumadda Soomaaliya ayaa sheegtay in maalmaha foodda nagu soo hayo ay dhiseyso guddigaasi, oo kasoo talo bixin doona habka ugu haboon ee loo celin karo hantida maguurtada ah ee ay kala heystaan dadka Soomaaliyeed, arintaasoo ay dowladdu sheegtay in ay tahay mid dhiiri gelin doonta kalsoonidii dadka iyo weliba in ay dib ugu soo laabtaan dalkooda.

Wasiirka arimaha gudaha iyo amniga qaranka Mudane C/xakiim Xuseen Guuleed oo la hadlayay boqollaal qof oo katirsan qurba joogta dib ugu soo laabatay dalka ayaa sheegay in maalmaha soo socdo ay xukuumaddu ku dhawaaqi doonto gudigaasi, si dib loogu celiyo hantida ay dadku kala heystaan.

“Ma dhici doonto qof Soomaaliyeed oo magaalada Muqdisho jooga in hantidiisa lagu heeysto, marna ma dhici doonto iyo gobollada dalka oo dhanba,” ayuu yiri masuulkani.

Sidoo kale wasiirka ayaa ugu baaqay qurba joogta Soomaaliyeed in ay ka qeybqaataan dib u dhiska dalka, islamarkaasina ay maalgeshi ku sameeyaan dalka, isagoona sheegay in taasi ay horseedi karto in dalku dago, lana gaaro horumar.

“Hadaan nahay xukuumadda Soomaaliya waxaan soo dhaweyneynaa cid kasta oo Soomaaliyeed oo oo dalka inay maalgashato diyaar u ah,” ayuu wasiirku hadalkiisa raaciyay.

Hadalkan kasoo yeeray xukuumadda Soomaaliya ayaa kusoo beegmaya xilli ay jiraan guryo iyo hanti fara badan oo mudadii burburka jiray ay kala heysteen dadka Soomaaliyeed, waxaana dad badan ay aaminsanyihiin in tallabadani ay tahay mid dowladda Soomaaliya ay ku kasban karto taageerada shacabka Soomaaliyeed.

……………
Xasan Nuur, Hiiraan Online
[email protected]
Muqdisho, Soomaaliya


 













Click here
2/6/2013 1:09 PM EST
Wareysi gaar ah madaxweyne Xasan Sheekh uu siiyay Hiiraan Online ayuu uga waramay qodobo muhiim oo ay ka mid yihiin Shirka bisha May ee magaalada London, socdaalkiisa London iyo arrimo kale.

2/6/2013 11:53 AM EST
Arbaco, Feberaayo 06, 2013 (HOL) — Waxaa maanta magaalada Boorame ee xarunta gobolka Awdal booqasho maalin ah ku yimid taliye ku xigeenka koowaad ee ciidamada booliiska Somaliland, Jen. C/raxmaan Axmed Liibaan (Fooxle), iyadoo booqashadan lagu sheegay mid loogu kuurgalayay ciidanka booliiska ee ku sugan degmada.

2/6/2013 11:52 AM EST
Arbaco, Feberaayo 06, 2013 (HOL) — Haweenka gobolka Banaadir, gaar ahaan labada urur ee SSWC iyo HINA ayaa maanta ku qabtay magaalada Muqdisho munaasabad ay deeq lacageed oo tabarucaad ah ku siinayeen haween dan-yar ah oo gaaraya illaa 30 si ay ugu shaqeystaan.

2/6/2013 9:33 AM EST
Arbaco, Feberaayo 06, 2013 (HOL) — Isbaheysiga nabadda Soomaaliya ayaa cadaalad-darro ku tilmaamay xukunkii maxkamada gobolka Banaadir ay shalay ku riday weriye, Cabdicasiis Cabdinuur Ibraahim (Koronto) iyo Luul Cali Cusmaan oo ah haweeney Soomaaliyeed oo sheegtay in la kufsaday.

2/6/2013 7:49 AM EST
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hogaaminayo ayaa maanta ka qeyb galay shirka Ururka Islaamka (OIC) oo ka furmay caasimadda Qaahira.

2/6/2013 7:29 AM EST
Arbaco, Feberaayo, 06, 2013 (HOL) – Ra’iisal wasaaraha xukuumada Soomaaliya Cabdi Faarax Shirdoon Saacid iyo wafdi balaaran oo uu horkacayo ayaa maanta gaaray magaalada Baladweyne ee xarunta gobollka Hiiraan.

2/6/2013 7:24 AM EST
Arbaco, Feberaayo 06, 2013 (HOL) — Dowaldda Mareykanka ayaa Qaramada Midoobay ugu baaqay inay tixigeliso codsidii dowladda Soomaaliya ee ahaa in cunno-qabteynta hubka laga qaado si ay dib ugu dhisto ciidamadeeda si ay dalka oo dhan ammaank ugu soo rogto.

2/6/2013 6:58 AM EST
Arbaco, Feberaayo 06, 2013 (HOL) — Wasiirka wasaaradda amniga ee Puntland Col. Khaliif Ciise Mudan oo maanta shir-saxaafadeed ku qabtay xarunta wasaaradda ee magaalada Boosaaso ayaa ka hadlay arimo badan.

2/6/2013 6:34 AM EST
Arbaco, Feberaayo 06, 2013 (HOL) — Madaxweynaha Somaliland Md. Axmed Maxamed Maxamuud (Siilaanyo) ayaa safar shaqo ugu anbabaxay dalka Ingiriiska si uu ugala soo hadlo wasaaradda Arrimaha dibadda ee dalkaasi amni daradii ay ku sheegeen Somaliland iyo sidii ay cilaaqaadka labadda dhinaca uga dhexeeya usoo hagaajin lahaa.

2/6/2013 6:28 AM EST
Arbaco, Feberaayo 06, 2013 (HOL) — Ciidamada ammaanka Puntland ee gobolka Mudug ayaa xalay magaalada Gaalkacayo ee xarunta gobolka Mudug ka sameeyey howlgal ballaaran oo lagu soo qabtay in ka badan 200 oo qof.

2/6/2013 6:26 AM EST
Arbaco, Feberaayo 06, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hogaaminayo ayaa xalay gaaray magaalada Qaahira ee xarunta dalka Masar, halkaasoo uu uga qaybgalayo shirka ururka Islaamka (OIC) kasoo ay kasoo qayb-galayaan 59 dowladdood oo Islaam ah.

2/6/2013 2:20 AM EST
Arbaco, Feberaayo 06, 2013 (HOL) — Wafdi uu horkacayo ra’isul wasaaraha xukuumadda federaalka Soomaaliya Dr. Cabdi Faarax Shirdoon (Saacid) ayaa goor dhow gaaray magaalada Baladweyne ee xarunta gobolka Hiiraan.