3/18/2024
Today from Hiiraan Online:  _
Wararka Maanta- Sabti, Feb 2 , 2013
Bannaabax lagu taageerayo midnimada Soomaaliya oo Buuhoodle ka dhacay (SAWIRRO)


Sabti, February 02, 2013(HOL): Isu soo bax lagaga soo horjeedo kala goynta  Soomaaliya isla markaana lagu taageerayo midnimada umada Soomaaliyeed inay tahay mid lama taabtaan ah ah ayaa lagu qabtay magaaladda Buuhoodle gobolka Cayn.

 

Isu soo baxan oo ay soo qaban qaabiyeen qaar ka mid ah Bulshad degaanka Buuhoodle ku dhaqan siiba bahda taageerta maamulka Khaatumo ayaa waxaa ay socod ku soo marreen jidadka magaaladda Buuhoodle iyadoo ugu danbaytii ay  fagaare  dugsiga Darwiish  ay kala hadleen qaar ka mid ah dadka degaankaasi magaca ku leh oo ay ka mid ahaayeen maamulka Khaatumo.

 

Madaxweynaha maamul Goboleedka Khaatumo Maxamed Yuusuf Jaamac Indhasheel oo halkaasi ka hadlay ayaa waxa uu wax lala yaabo  ku tilmaamay hadalka ka soo yeedhay madaxweynaha maamul goboleedka Puntland C/raxmaan Sheekh Maxmuud  Faroole oo uu ku sheegay waxaan bulshad reer Puntland marna ku riyoon.

 


Hadalkan oo madaxweyne Faroole uu ku sheegay in uu wadahadal u socdo Puntland iyo Somaliland  si ay go'aan mida uga qaataan ayaa Indhasheel uu ku tilmaamay inuu yahay hadalka shaydaanka, isagoo sii sharxayana waxaa uu tilmaamay in qofka haatan kalagoyn ummada Soomaaliyeed ka shaqaynayaa uu yahay Shaydaan.

 

Indhasheel waxa uu ugu baaqay dadweynaha reer Puntland ka hortagaan wixii waxyeelaya rabitaankooda ku wajahan Soomaalinimada, ayna ka digtoonaadaan shirqooladda la maleegayo.

 

Waxaa madashaasi ka hadlay dad badan oo magac iyo mansab ku leh degaanka Buuhoodle oo dhamaantood dhacdo layaableh ku tilmaamay hadaladda madaxweynaha Puntland uu ku diidan yahay Dawlada Soomaaliyeed isla markaan inuu gooni u gooyo qayb kale uu ku baadidoonaayo.

 

Si kastaba ha ahaatee waxaa dad badan yaab ku keenay in qayb labaad ay ku dhawaaqdo ama ku hanjabto inay Soomaaliya ka goosanayaan xili caalamku ku hawlan yahay in la soo celiyo Somaliland oo 21 sano ka hor ku dhawaaqday inay ka goday Soomaaliya inteeda kale, taas oo maara u weydey inay caalamka ka dhaadhiciyaan in laga aqbalo aqoonsi.




  

Saynab Cabdi Warsame, Hiiraan Online

[email protected]

Laascaanood, Gobolka Sool













Click here
2/2/2013 4:35 PM EST
Sabti, February 02, 2013(HOL): Waxaa goor dhaw ka billaabatay Hoolka Central Hall Westminster, xaflad si weyn loo soo qaabeeyay oo lagu soo dhaweynayay Madaxweynaha Soomaaliya Xasan Shiikh Maxamuud iyo wafdigiisa oo beryahan ku sugnaa magaalada London ee caasimadda dalka Britain.

2/2/2013 11:32 AM EST
Sabti, February 02, 2013-Madaxweynaha Jamhuuriyadda Federaalka Soomaaliya Xasan Sheekh Maxamuud iyo wafdi heersare ah oo howl shaqo u jooga London ayaa maanta kulamo la qaatay saraakill sar sare oo ka tirsan dowladda Ingriiska.

2/2/2013 8:08 AM EST
Sabti, Feberaayo 02, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa markii ugu horaysay ciidamadda Somaliland ee kala duwan siiyey darajooyin, waxaanay noqonaysaa muddo 22 sanno ka dib inay somaliland qaybiso darajooyinka ciidanka, kuwaas oo ku qaadan doona mushaharkoodda, isla markaana miisaaniyadda sanadkan lagu daray in mushaharka lagu siiyo sarkaal waliba darajadda uu sito.

2/2/2013 8:05 AM EST
Sabti, Feberaayo 02, 2013 (HOL) — Golaha ammaanka ee Qaramada Midoobay ayaa go’aan ka qaadanaya cunno-qabteynta hubka ee saaran Soomaaliya 21-kii sano ee lasoo dhaafay, si dib loogu dhiso ciidamada xoogga dalka oo dagaal kula jira xoogagga Al-shabaab.

2/2/2013 7:18 AM EST
Sabti, Feberaayo 02, 2013 (HOL) — Maxkamadda gobolka Banaadir ayaa dib u dhigtay manta dacwadda loo haysto shan ruux oo ku eedeysan inay ka been abuureen ciidamada dowladda, kuwasoo ay ku jiraan wariye Koronto, haweeney sheegtay inay kufsadeen ciidamada dowladda iyo saddex ruux oo kale, kuwaasoo uu ku jiro sayga haweeneyda la kufsaday.

2/2/2013 7:14 AM EST
Sabti, Feberaayo 02, 2013 (HOL) — Suldaan Muuse Faarax Muuse oo ahaa suldaanka guud ee beelaha Ugaar Saleebaan, ayaa barqanimadii maanta lagu toogtey bartamaha magaalada Boosaaso ee xarunta gobolka Bari.

2/2/2013 6:59 AM EST
Sabti, Feberaayo 02, 2013 (HOL) — Ciidamada dowladda Soomaaliya ee maamulka gobollka Hiiraan iyo kuwa midowgga Africa AMISOM ee ka socda dalka Jabuuti ayaa dhaq dhaqaaqyo militari ka wada deegaanno hoostaga magaalada Baladweyne ee xarunta gobollka Hiiraan.

2/2/2013 6:52 AM EST
Sabti, Feberaayo 02, 2013 (HOL) — Wasiirka wasaaradda qorshaynta iyo horumarinta qaranka Dr. Sacad Cali Shire ayaa sheegay in xukumaddu wado qorshe ay kor u qaadayso wax soo saarka dalka si looga baxo cuntadda dibadda laga keensaddo.

2/2/2013 6:51 AM EST
Sabti, Feberaayo 02, 2013 (HOL) — Buug cusub oo lagu soo koobay taariikhdii Sheekh Isxaaq Binu Axmed ayaa xalay lagu soo bandhigay hoolka hoteel Maansoor ee magaalada Hargeysa ee xarunta Somailland.

2/2/2013 2:20 AM EST
Sabti, Feberaayo 02, 2013 (HOL) —Kooxo hubeysan ayaa xalay weerar banbaano ku qaaday saldhig ay ciidamada Booliska Soomaaliyeed ku lahaayeen degmada Xamarweyne ee gobolka Banaadir, iyadoona weerarkaasi uu sababay dhaawaca sedex qof oo laba kamid ah ay katirsanyihiin ciidamada dowladda.

2/2/2013 1:15 AM EST
Sabti, Feberaayo 02, 2013 (HOL) — Dowladda Kenya ayaa sheegtay in duqeyn diyaaradeed oo ay ka geysatay gobolka Gedo ee Koonfurta dalka Soomaaliya ay ku dishay tiro ka mid ah xoogagga Al-shabaab, sidoo kalena ay ku burburisay gaadiid dagaal iyo kuwo xamuul.

2/2/2013 12:56 AM EST
Sabti, Feberaayo 02, 2013 (HOL) — Wasiirka arrimaha gudaha Somailand, Maxamed Nuur Carraale (Duur) oo warbaahinta la hadlay ayaa sheegay in heegan buuxa la geliyay ciidamada Somaliland, si loo adkeeyo ammaanka guud ee deegaannada uu maamulka Somaliland ka taliyo.

2/2/2013 12:45 AM EST
Sabti, Feberaayo 02, 2013 (HOL) — Madaxweynaha Soomaaliya, Xasan Sheekh Maxamuud oo ku sugan dalka Britain ayaa ugu baaqay Soomaalida dibadaha ku nool inay dib ugu laabtaan dalkooda, si ay uga qaybqaatan dib u dhiska dalka iyo sugidda ammaankiisa.