2014-08-28
Today from Hiiraan Online:  _
Wararka Maanta- Sabti, Feb 2 , 2013
Weerar Bambaano oo xalay lagu qaaday saldhig booliis oo ku yaalla Degmada Xamar-weyne ee Gobolka Banaadir


Sabti, Feberaayo 02, 2013 (HOL) —Kooxo hubeysan ayaa xalay weerar banbaano ku qaaday saldhig ay ciidamada Booliska Soomaaliyeed ku lahaayeen degmada Xamarweyne ee gobolka Banaadir, iyadoona weerarkaasi uu sababay dhaawaca sedex qof oo laba kamid ah ay ka tirsanyihiin ciidamada dowladda.

Weerarka ayaa la sheegay in ay fuliyeen kooxo hubeysan oo sitay gaadiid, kuwaasoo bambaanooyin dhowr ah ku tuuray saldhig ay ku sugnaayeen askar katirsan ciidamada booliska Soomaaliyeed, waxaana dhaawacyada dadkii ku waxyeeloobay weerarkaasi la dhigay Isbitalka Madiino.

Gudoomiyaha  Degmada Xamarweyne C/laahi Sahal Gardhuub oo warbaahinta la hadlay ayaa sheegay in kooxo sitay gaari nooca Homy-da loo yaqaan ay bambooyin ku tureen saldhig ay ciidamada dowladda ku lahaayeen nawaaxiga bacadlaha degmada Xamarweyne.

Gudoomiyaha ayaa sheegay in weerarkaasi uu sababay dhaawac soo gaaray sedex qof oo laba kamid ah ay katirsanaayeen ciidamada dowladda, wuxuuna xusay in ciidamadu ay rasaas ku fureen gaarigii ay saarnaayeen kooxaha weerarka soo qaaday islamarkaasina ay ka banjariyeen taayarada, wuxuuna intaa ku daray in kooxihii gaariga saarnaa ay baxsadeen.

Masuulkani ayaa sidoo kale sheegay in ciidamada Booliskua ay wadaan baaritaanno xooggan oo la doonayo in lagu soo qabto dadkii ka danbeeyay weerarka, wuxuuna xusay in ay gacanta kusoo dhigi doonaan.

Weerarkan xalay lagu qaaday degmada Xamarweyne ayaa kusoo beegmaya xilli ciidamada booliska, kuwa Nabadsugidda iyo Militariga ay maalmihii u danbeeyay howlgallo ammaanka lagu sugayo ka wadeen degmooyinka kala duwan ee gobolka Banaadir.

Xasan Nuur, Hiiraan Online
Hnur@hiiraan.com
Muqdisho, Soomaaliya





Post your comments

2013-02-02 4:35 PM EST
Sabti, February 02, 2013(HOL): Waxaa goor dhaw ka billaabatay Hoolka Central Hall Westminster, xaflad si weyn loo soo qaabeeyay oo lagu soo dhaweynayay Madaxweynaha Soomaaliya Xasan Shiikh Maxamuud iyo wafdigiisa oo beryahan ku sugnaa magaalada London ee caasimadda dalka Britain.

2013-02-02 2:53 PM EST
Sabti, February 02, 2013(HOL): Isu soo bax lagaga soo horjeedo kala goynta Soomaaliya isla markaana lagu taageerayo midnimada umada Soomaaliyeed inay tahay mid lama taabtaan ah ah ayaa lagu qabtay magaaladda Buuhoodle gobolka Cayn.

2013-02-02 11:32 AM EST
Sabti, February 02, 2013-Madaxweynaha Jamhuuriyadda Federaalka Soomaaliya Xasan Sheekh Maxamuud iyo wafdi heersare ah oo howl shaqo u jooga London ayaa maanta kulamo la qaatay saraakill sar sare oo ka tirsan dowladda Ingriiska.

2013-02-02 8:08 AM EST
Sabti, Feberaayo 02, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa markii ugu horaysay ciidamadda Somaliland ee kala duwan siiyey darajooyin, waxaanay noqonaysaa muddo 22 sanno ka dib inay somaliland qaybiso darajooyinka ciidanka, kuwaas oo ku qaadan doona mushaharkoodda, isla markaana miisaaniyadda sanadkan lagu daray in mushaharka lagu siiyo sarkaal waliba darajadda uu sito.

2013-02-02 8:05 AM EST
Sabti, Feberaayo 02, 2013 (HOL) — Golaha ammaanka ee Qaramada Midoobay ayaa go’aan ka qaadanaya cunno-qabteynta hubka ee saaran Soomaaliya 21-kii sano ee lasoo dhaafay, si dib loogu dhiso ciidamada xoogga dalka oo dagaal kula jira xoogagga Al-shabaab.

2013-02-02 7:18 AM EST
Sabti, Feberaayo 02, 2013 (HOL) — Maxkamadda gobolka Banaadir ayaa dib u dhigtay manta dacwadda loo haysto shan ruux oo ku eedeysan inay ka been abuureen ciidamada dowladda, kuwasoo ay ku jiraan wariye Koronto, haweeney sheegtay inay kufsadeen ciidamada dowladda iyo saddex ruux oo kale, kuwaasoo uu ku jiro sayga haweeneyda la kufsaday.

2013-02-02 7:14 AM EST
Sabti, Feberaayo 02, 2013 (HOL) — Suldaan Muuse Faarax Muuse oo ahaa suldaanka guud ee beelaha Ugaar Saleebaan, ayaa barqanimadii maanta lagu toogtey bartamaha magaalada Boosaaso ee xarunta gobolka Bari.

2013-02-02 6:59 AM EST
Sabti, Feberaayo 02, 2013 (HOL) — Ciidamada dowladda Soomaaliya ee maamulka gobollka Hiiraan iyo kuwa midowgga Africa AMISOM ee ka socda dalka Jabuuti ayaa dhaq dhaqaaqyo militari ka wada deegaanno hoostaga magaalada Baladweyne ee xarunta gobollka Hiiraan.

2013-02-02 6:52 AM EST
Sabti, Feberaayo 02, 2013 (HOL) — Wasiirka wasaaradda qorshaynta iyo horumarinta qaranka Dr. Sacad Cali Shire ayaa sheegay in xukumaddu wado qorshe ay kor u qaadayso wax soo saarka dalka si looga baxo cuntadda dibadda laga keensaddo.

2013-02-02 6:51 AM EST
Sabti, Feberaayo 02, 2013 (HOL) — Buug cusub oo lagu soo koobay taariikhdii Sheekh Isxaaq Binu Axmed ayaa xalay lagu soo bandhigay hoolka hoteel Maansoor ee magaalada Hargeysa ee xarunta Somailland.

2013-02-02 1:15 AM EST
Sabti, Feberaayo 02, 2013 (HOL) — Dowladda Kenya ayaa sheegtay in duqeyn diyaaradeed oo ay ka geysatay gobolka Gedo ee Koonfurta dalka Soomaaliya ay ku dishay tiro ka mid ah xoogagga Al-shabaab, sidoo kalena ay ku burburisay gaadiid dagaal iyo kuwo xamuul.

2013-02-02 12:56 AM EST
Sabti, Feberaayo 02, 2013 (HOL) — Wasiirka arrimaha gudaha Somailand, Maxamed Nuur Carraale (Duur) oo warbaahinta la hadlay ayaa sheegay in heegan buuxa la geliyay ciidamada Somaliland, si loo adkeeyo ammaanka guud ee deegaannada uu maamulka Somaliland ka taliyo.

2013-02-02 12:45 AM EST
Sabti, Feberaayo 02, 2013 (HOL) — Madaxweynaha Soomaaliya, Xasan Sheekh Maxamuud oo ku sugan dalka Britain ayaa ugu baaqay Soomaalida dibadaha ku nool inay dib ugu laabtaan dalkooda, si ay uga qaybqaatan dib u dhiska dalka iyo sugidda ammaankiisa.