3/19/2024
Today from Hiiraan Online:  _
Wararka Maanta- Axad, Feb 10, 2013
Golaha Ammaanka ee Qaramada Midoobay oo Toddobaadka soo socda ka shiraya Arrimaha Soomaaliya

Axad, Feberaayo 10, 2013 (HOL) — Golaha ammaanka ee Ummadaha Midoobay ayaa toddobaadka soo socda kulan ka yeelanaya arrimaha Soomaaliya, iyadoo goluhu uu sheegay inay tixgelin doonaan warbixin ku saabsan doorka ay Qaramada Midoobay ku yeelanayso Soomaaliya mustaqbalka soo socda.

Ergayga UN-ka ee arrimaha Soomaaliya, dajire Augustine Philip Mahiga oo u warramayay VOA-da ayaa sheegay xubnaha golaha ammaanku ay diiradda saari doonaan isbedelka cusub ee Soomaaliya.

“Isbedelka ka dhacay dalka Soomaailya, waxaa durba horay iyo gadaal ka istaagtay dowladda Mareykanka, taasoo albaabbada u furtay inay taageero caalami ah hesho,” ayuu yiri Mahiga.

Sarkaal sare oo ka tirsan Qaramada Midoobay ayaa sheegay dabayaaqadii bishii Janaayo ee sannadkan in dowladda Soomaaliya ay sameysay horumar dhinaca ammaanka ah ayna waddo dadaallo dib u heshiisiineed.

Qaramada Midoobay ayaa gacan ka geysatay sidii dowlad Soomaaliyeed oo rasmi ah ay uga dhalan lahayd dalka, kaddib 22-sano oo ay ka taagnaayeen colaado sababay in dhammaan hay’adihii dowladda ay burburaan.

Danjira Mahiga ayaa sheegay in Qaramada Midoobay ay raadinayso qorshe ay gacan uga geysanayso soo celinta nabadda Soomaaliya. “Xoghayaha guud wuxuu hoosta ka xariiqay in dhisidda nabadda Soomaaliya ay hadda ku saleysan tahay isbedelka dalka ka dhacay.”

Ammaanka Soomaaliya ayaa sannadkii lasoo dhaafay kor u kacay kaddib markii ciidamada dowladda oo garabsanaya kuwa AMISOM iyo Itoobiya ay Al-shabaab ka saareen deegaanno badan oo ku yaalla Soomaaliya.

Shirka golaha ammaanka uu ka yeelanayo arrimaha Soomaaliya ayaa wuxuu imaanayaa xilli dowladda Soomaaliya ay codsatay in cunno-qabateynta hubka laga qaado si ciidamada Soomaailya dib loogu dhiso. Inkastoo weli ay Al-shabaab weerarro ku qaaddo ciidamada dowladda iyo kuwa caawinaya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/10/2013 12:32 PM EST
Axad, Feberaayo 10, 2013 (HOL) — Naadiga NBCC ayaa xalay bandhig sannadeedkiisa xog-waranka oo loogu gogol xaarayay sannad-guurada saddexaad ee naadiga. Bandhiggan oo ahaa mid in badan ka duwanaa bandhigyadii looga bartay naadiga ayaa wuxuu ka dhacay machadka culuunta sare ee BORAMA COLLEGE FOR ACADEMIC STUDIES.

2/10/2013 12:30 PM EST
Axad, Feberaayo 10, 2013 (HOL) — Kooxda ciidanka asluubta ayaa maanta ku guuleysatay koobkii dowladda hoose ee degmada Boorame kaddib ciyaar maanta ka dhacay garoonka weyn ee magalaada Boorama ee Biroole, taasoo ahayd mid aad u xiiso badan.

2/10/2013 11:07 AM EST
Axad, Feberaayo 10, 2013 (HOL) — Guddoomiyaha cusub ee gobolka Maroodi jeex Maxamed Maxamuud Jeeni Yare, ayaa maanta si rasmi ah ugala wareegay xilkii gudoomiyihii hore ee gobolka Axmed Cumar Xaaji Cabdilaahi Xamarje.

2/10/2013 6:12 AM EST
Axad, Feberaayo 10, 2013 (HOL) — Waxaa maanta magaalada Kismaayo laga dareemayaa diyaargarow ku aadan sidii dib loogu ambaqaadi lahaa shirkii maamul u sameynta Jubooyinkii, iyadoona maanta ilaa shalay ay garoonka diyaaradaha Kismaayo ka dagayeen wufuudii kala duwanayd ee shirka ka qeybqaadan lahayd.

2/10/2013 4:49 AM EST
Axad, Feberaayo 10, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) oo la hadlay saxaafadda ayaa sheegay in xaqiijinta amniga aysan ku ekaan doonin magaalada Muqdisho oo kaliya, balse ay gaarsiin doonaan dalka oo dhan.

2/10/2013 4:48 AM EST
Axad, Feberaayo 10, 2013 (HOL) — Magaalada Muqdisho ayaa waxaa laga furay hotel casri ah, iyadoo furitaankii hoteelkan ay ka qaybgaleen xubno ka socday dowaldda oo ay ka mid ahayd wasiir ku xigeenka wasaaradda khayraadka dalka, Siciido Xasan Cismaan, ganacsato, culummo, waxgarad iyo dadweyne kale.

2/10/2013 2:30 AM EST
Axad, Feberaayo 10, 2013 (HOL) — Iskahorimaad u dhexeeya ciidamada dowladda Soomaaliya iyo Al-shabaab ayaa ka dhacay shalay gallinkii dambe deegaan u dhexeeya degmooyinka Baardheere iyo Ceelwaaq ee gobolka Gedo, sida uu sheegay sarkaal ka tisran ciidamada dowladda Soomaaliya.