3/19/2024
Today from Hiiraan Online:  _
Wararka Maanta- Jimco, Feb 1 , 2013
Qarax Ismiidaamin ah oo lala eegtay Safaaradda Mareykanka uu ku leeyahay Magaalada Ankara ee dalka Turkiga
Jimco, February 01, 2013(HOL): Qarax ismiidaamin ah ayaa maanta ka dhacay afaafka hore ee safaaradda dowladda Mareykanku ku leedahay dalka Turkiga, iyadoona uu sababay dhimashada laba qof oo uu ku jiro ruuxii is-qarxiyay iyo burbur soo gaaray iridda hore ee safaaradda. 

Goobjooge ku sugnaa halka uu qaraxa ka dhacay ayaa warbaahinta u sheegay in qaraxu uu geystay ruux walxaha qarxa isku soo xiray, wuxuuna sheegay in ay ku dhinteen laba qof oo uu ku jiro ruuxii isqarxiyay.

Safiirka dowladda Mareykanka u fadhiya dalka Turkiga Francis Ricciardone ayaa warbaahinta u xaqiijiyay dhimashada hal askari oo katirsanaa ilaalada safaaradda.

“Aad baan uga xunnahay dabcan in aan weyno mid kamid ah ilaaladeena oo u dhashay Turkiga,” ayuu masuulkani hadalkiisa raaciyay isagoona u mahadceliyay dowladda Turkiga iyo Booliskooda sida ay uga hortageen qaraxa.

Goobta uu qaraxa ka dhacay ayaa ahayd meel ay ku yaallaan safaarado badan oo ay kamid yihiin safaaradaha dowladaha Faransiiska iyo Jarmalka.

Xarunta safaaradda Mareykanka ee dalka Turkiga ayaa ah goob ammaankeedu siweyn u adagyahay, haseyeeshee mudooyinkii u danbeeyay waxa socday dadaallo lagu doonayay in laga raro halka ay imika ku taal sababo dhanka ammaanka ah.

Xasan Nuur, Hiiraan Online
[email protected]
Muqdisho, Soomaaliya













Click here
2/1/2013 12:05 PM EST
Jimco, Feberaayo 01, 2013 (HOL) — Heshiisku wuxuu ahaa iskaashi lagu xusay dhinacyo badan, kaasoo ka billaabanaya heer gobol, laguna wado inuu gaaro illaa heer degmo, iyadoo heshiiskan ay garwadeenno ka yihiin hoggaamiyeyaasha golayaasha deegaanka ee dhawaan la doortay.

2/1/2013 9:28 AM EST
Jimco, February, 01-2013(HOL): Isku xirnaanta iyo iska warqabka ka dhaxeeya ardayda soomaaliyeed ee wax ka barta wadanka Malaysia ayaa sanad waliba bilawgiisa waxey doortaan gudoomiye kaasoo ka war haaya dhamaan ardeyda soomaaliyeed ee wax ka barata jaamacadaha Malaysia, sanadkaana waxey u doorteen gudoomiye Cabdulaahi Maxamed Cali “Sultan.

2/1/2013 9:16 AM EST
Jimco, February, 01-2013(HOL): -Guddoomiyaha Xiriirka Soomaaliyeed ee Kubadda Koleyga Ibraahim Xuseen Cali [ Roombe] ayaa xusay in guul taariikhi laga soo hoyay ciyaarihii Zone V ee Koobka Isreebreebka qaramada qaaradda Afrika, kaas oo xulka wiilasha Kubadda Koleyga uu sheegay inay ka keeneen guul iyo sharaf u soo hoyatay guud ahaan bahda isboortiga gaar ahaanna Kubadda Koleyga dalka.

2/1/2013 7:45 AM EST
Jimco, Feberaayo 01, 2013 (HOL) — Saddex sarkaal oo booliiska Kenya ka tirsan ayaa ku dhaawacmay qaraxyo ka dhacay Xeryaha Dhadhaab-Kenya, kuwaasoo lagu weeraray gaadiid ay booliisku lahaayeen oo marayay meel ku dhow xerada Dhagaxley.

2/1/2013 6:05 AM EST
Jimco, February, 01-2013 (HOL) --Dagaal culus oo leysku adeegsaday hubka noocyadiisa kala duwan ayaa xalay saqdii dhexe ku dhaxmaray magaalada Baladweyne ciidamada maamulka gobollka Hiiraan, AMISOM iyo xoogagga Al-shabaab.

2/1/2013 2:03 AM EST
Jimco, February 01, 2013(HOL): Madaxweynaha Jamhuuriyadda Federaalka Soomaaliya Xasan Sheekh Maxamuud iyo wafdi uu hoggaaminayo ayaa waxay gaareen caasimadda dalka Ingriiska ee London.