3/28/2024
Today from Hiiraan Online:  _
Wararka Maanta- Arbaco, Nov 27, 2013
Cudur aan la garanayn oo dad badan ku dilay Deegaanno ka Tirsan Gobolka Hiiraan ee Bartamaha dalka Soomaaliya

Arbaco, November 27, 2013 (HOL) — Cudur aan la garanayn ayaa in 40-qof ka badan ku dilay ku dilay deegaano ka tirsan Gobolka Hiiraan, gaar ahaan deegaannada Ceel-cali iyo Buqda oo 75-km u jira magaalada Baladweyne, sida uu sheegay dhakhtar ku sugan Baladweyne.

Cudurkan ayaan illaa hadda la ogeyn, iyadoo Dr. Axmed Maxamed Khaliif oo ah agaasimaha isbitaalka Baladweyne ayaa sheegay in cudurkan wax laga qaban karo oo keliya marka si dhab ah loo ogaado wuxuu yahay.

“Cudurkan waxaa bishii Ogoosto ee sannadkan lagu arkay deegaanka Moqo-kori oo ka tirsan gobolka Hiiraan, waxaana markii baaris lagu sameeyay loo maleynayaa inuu yahay cudurka dabeysha,” ayuu yiri Dr. Khaliif oo la hadlay idaacadda VOA-da laateeda afka Soomaaliga isagoo ku sugan Baladweyne.

Sidoo kale, dhakhtarka wuxuu sheegay in qof lagu arkayo qandho iyo qofka oo noqonnaya curyaan, toddobaad gudihiisna uu cudurku u dhimayo, balse aanay hadda jirin dad soo gaaray Baladweyne si baaritaan lagu sameeyo.

Dhakhtarka ayaa sheegay in cudurkan uu markii hore ku dilay deegaanka Moqo-kori labaatameeyo qof, saddex qof oo kale oo Isbitaalka Baladweyne la keenayna ay u dhinteen, haddana uu ku dilay deegaanka Ceel-cali dad ku dhow afartameeyo kale.

“Cudurkan wuxuu fara ba’an ku hayaa deegaannada Ceel-Cali iyo Ceel-dheer oo ka tirsan Ceel-cali iyo iyo Buq-aqable, mana jiraan cid halkaas weli naga soo gaartay,” ayuu yiri agaasimaha isbitaalka Baladweyne.

Mar uu ka hadlay qorshahooda ku aaddan wax ka qabashada cudurka ayaa sheegay in Isniintii ay shir isugu yimaadeen si cudurkaas wax looga qabto, balse wax laga qaban karo maadaama ay Al-shabaab ka taliso oo aan la taki karin.

Agaasimuhu wuxuu sheegay in 15-qof ay cudurkan u jiifaan meel ka tirsan deegaanka Ceel-cali, iyadoo ay warbixinta cudurka ka heleen qaar ka mid ah dadka deegaanka oo lasoo xiriiraya ehelladooda iyo kuwo iyaga lasoo xiriiray.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
11/27/2013 11:35 AM EST
Arbaco, November 27, 2013 (HOL) — Ciidamada AMISOM ee jooga degmada Baydhabo ee xarunta gobolka Bay ayaa la wareegay ammaanka xarunta uu ka socdo shirka maamul u sameynta gobollo ku yaalla Koonfurta iyo Galbeedka Soomaaliya.

11/27/2013 11:21 AM EST
Arbaco, November 27, 2013 (HOL) — Waxaa maanta xarunta Jaamacadda Hormuud ee magaalada Muqdisho lagu soo gaba-gabeeyey bandhig-dhaqameed socday muddo todobaad ah kaasoo ay ka qaybgaleen ardayda wax ka barta kulliyadaha kala duwan ee jaamacadda.

11/27/2013 10:51 AM EST
Arbaco, November 27, 2013 (HOL) — Ra'iisul wasaare ku xigeenka Soomaaliya, ahna wasiiradda arrimaha dibadda Soomaaliya, Fowziyo Yuusuf Xaaji Aadan oo maalmahan ku sugnayd Brussels oo ay uga qaybalaysay shir horumarinta caalamka ayaa sheegtay inuu caalamku uu diyaar u yahay inuu Soomaaliya ka caawiyo dhinacyada horumarinta iyo dib u dhiska dalka, balse ay tahay inaan innagu u diyaar-garowno sidii aan kaalmooyinkaas uga faa’iideysan lahayn.

11/27/2013 10:25 AM EST
Arbaco, November 27, 2013 (HOL) — Magaalada Gaalkacyo ee xarunta gobolka Mudug waxaa lagu qabtay maanta munaasabad ballaaran oo lagu soo dhaweeyay xubno isugu jiray fannaaniin iyo ruug-cadaayaal isboorti oo Soomaaliyeed, kuwaasoo maalmahanba ku sugunaa Gaalkacyo.

11/27/2013 10:06 AM EST
Arbaco, November 27, 2013 (HOL) — Hayadaha bisha Cas ee Soomaaliyeed iyo ICRC ayaa sheegay inay gargaar kala duwan cunno iyo agabta guryaha isugu jiray gaarsiiyay dadkii ay sameeynta xooggan ku yeelatay duufaantii dhawaan ku dhufatay qaar ka mid ah deegaannada Puntland iyo dadkii ku barakacay fatahaadihii webiga Shabeelle uu ka geystay daafaha degmada Jowhar ee xarunta gobolka Shabeellada dhexe.

11/27/2013 8:43 AM EST
Arbaco, November 27, 2013 (HOL) — Waxaa maanta dib ugu soo laabtay magaalada Beledweyne ee xarunta gobolka Hiiraan ciidamo ka tirsan maamulka gobolka oo tababar soconayay mudo ku dhaw labo bilood ku soo dhameystay magaalada Muqdisho.

11/27/2013 7:05 AM EST
Arbaco, November 27, 2013 (HOL) — Wararka naga soo gaaraya deegaanka God-qaboobe ee gobolka Sool ayaa sheegaya in halkaa maanta uu dagaal muddo qaatay ku dhexmaray dhinacyo kawada tirsan maamulka Khaatumo.

11/27/2013 6:52 AM EST
Arbaco, November 27, 2013 (HOL) — Ilaahay ha u naraxiistee waxa maanta Aas Qaran loogu sameeyey magaaladda Hargeysa, Axmed Maxamed Aadan (Qaybe) oo ahaa siyaasi ruug cadaa oo taariikh ku dhex lahaa ummadda Soomaaliyeed.

11/27/2013 6:44 AM EST
Arbaco, November 27, 2013 (HOL) — Madaxweyne ku xigeenka maamulka Puntland, Jen. Cabdisamad Cali Shire ayaa dib ugu soo laabtay magaalada Garoowe ee xarunta maamulka Puntland, kaddib 36-maalmood oo safarro uga maqnaa.

11/27/2013 5:22 AM EST
Arbaco, November 27, 2013(HOL) :- Munaasibad ka dhacday Hotel Qiilmawaaye ee magaalada Kismaayo ayaa lagu doortay Gudoomiyaha xiriirka Kubadda Cagta ee gobolka J/hoose, waxaana xafladani goobjoog ka ahaa masuuliyiinta ugu sareeysa ee maamulka Jubba.

11/27/2013 5:19 AM EST
Arbaco, November 27, 2013 (HOL) — Afar qof ayaa ku dhaawacmay kaddib markii u shil ka dhacay isgoyska madaxtooyada Soomaaliya ee Muqdisho, kaddib markii ay nalalka kala haga gaadiidka ee Samaafaraha loo yaqaan ay bixiyaan amarro khaldan.

11/27/2013 1:14 AM EST
Arbaco, November 27, 2013 (HOL) — Wasaaradda gaashaandhigga dalka Sierra Leone oo ay ciidammo kaga sugan yihiin Somalia ayaa sheegtay in laba bilood aysan ciidamadooda qaybta ka ah AMISOM helin wax mushaaraad ah, ayna u baahan yihiin lacago ay howlahooda kusii wadaan.

11/27/2013 12:57 AM EST
Arbaco, November 27, 2013 (HOL) — Ra'iisul wasaare ku xigeenka xukuumadda Somalia ahna wasiirka arrimaha dibadda Soomaaliya, Fowziyo Yuusuf Xaaji Aadan iyo wafdi ay hoggaaminayso oo baryahan ku sugnaa Brussels ayaa maanta soo gaba-gabeynaya shirka ay halkaas uga qayb-galayaan kasoo looga hadlayo horumarinta caalamka.

11/27/2013 12:45 AM EST
Arbaco, November 27, 2013 (HOL) — Guddoomiyaha baarlamaanka Somalia, Maxamed Sheekh Cismaan (Jawaari) ayaa digniintii ugu dambeysay u diray xildhibaannada ka maqan fadhiyada baarlamaanka Soomaaliya, isagoo sheegay in xildhibaankii ay kulammada soo xaadirin ay u arkayaan mid ka dhuumanaya shaqadiisa.

11/27/2013 12:43 AM EST
Arbaco, November 27, 2013 (HOL) — Wasiirka warfaafinta, isgaarsiinta iyo gaadiidka, Cabdullaahi Ciilmooge Xirsi ayaa kormeer ku tagay madbacaddii Qaranka oo ku taalla degmada Shingaani ee gobolka Banaadir, taasoo ay hadda deggen yihiin dad shacab ah, waxaana ujeeddada socdaalka ay ahayd in la dar-dargeliyo dib u soo nooleynta Madbacada Qaranka Soomaaliya.