2014-04-20
Today from Hiiraan Online:  _
Wararka Maanta- Khamiis, Mar 7 , 2013
Ciidamada Dowladda oo Degmada Xudur geeyay Madaxa Dagaalyahan Ururka Al-shabaab ka tirsan oo la Gowracay

Khamiis, Maarso 07, 2013 (HOL) —Dagaal culus oo ciidamada dowladda iyo kuwa Al-shabaab ku dhexmaray maanta deegaanka Lafaale oo ka tirasn degmada Xudur ee gobolka Bakool kaddib ayaa waxay ciidammo ka tirsan kuwa dowladda waxay madaxa dagaalyahan ka tirsan Al-shababa oo ay soo jareen geeyeen degmada Xudur.

Lama oga khasaaraha dhabta ah ee ka dhashay dagaalka, iyadoo deegaanka lagu dagaalamay uu degmada Xudur u jiro 10-km, waxaana dagaalka uu socday muddo dhowr saacadood ah.

Madaxa la geeyay degmada Xudur ayaa wuxuu dadweynaha degmadaas ku nool ku noqday arrin farajacso ah maadaama aysan horay u arag, iyadoo lagu arkayay gudaha degmadaas dadweyne daawanaya madaxaas lasoo gooyay.

Waa qofkii labaad oo ay ciidamada dowladda ku sameeyaan falkan, kaddib markii bishii hore ay ciidamada dowladdu geeyeen degmada Baydhabo oo ah xaurnta gobolka Bay madaxa dagaalyahan ka tirsan Al-shababa oo ay gowraceen, kaasoo ahaa qof si weyn looga yaqaanay degmada Baydhabo.

Xarakada Al-shabaab ayaa looga bartay inay dadka gorwacaan, iyadoo tani ay noqonayso mid ku cusub ciidamada dowladda, waxaana Al-shabaab ay dhawaan ku gowraceen dhowr qof deegaanka Awdiile oo qiyaastii 30-km u jira degmada Baydhabo.

Ciidamad dowladda iyo Al-sabaab ayaa waxay u muuqdaan kuwo markii ay maxaabiis kala qabsadaan ay gowrac dhegta dhiigga u daraan, waana arrin aad u fool xun oo saameyn ku yeelan karta  shacabka ku nool gobolkaas.

Hiiraan Online, Baydhabo





Post your comments

2013-03-07 12:12 PM EST
Khamiis, Maarso 07, 2013 (HOL) — Xukuumadda Somaliland ayaa sheegtay inay walaac ka qabto cunno-qabateynta hubka ee laga qaaday Soomaaliya, iyagoo wasiirka arrimaha dibadda ee maamulkas uu ku tilmaay go’aanka uu golaha ammaanka qaatay mid aan si wanaagsan looga fiirsan.

2013-03-07 11:13 AM EST
Khamiis, Maarso 07, 2013 (HOL) — Ra’iisal wasaaraha Soomaaliya, Cabdi Faarax Shirdoon (Saacid) oo dib ugu soo laabtay Muqdisho ayaa galabta shir Jara’id oo uu ku qabtay xafiiskiisa kaga warbixiyay safarkii uu ku tagay degmooyin ka tirsan gobolka Galguduud ee bartamaha Soomaaliya iyo cunno-qabateyntii hubka ee laga qaaday Soomaaliya.

2013-03-07 10:46 AM EST
Khamiis, Maarso 07, 2013 (HOL) — Ururka HIRDA ayaa maanta ku qabtay Muqdisho munaasabad lagu soo dhaweynayay laguna xusayay maalinta haweenta adduunka ee 8-da Maarso oo sanad walba xiliyadan oo kale laga xuso Soomaaliya iyo caalamka intiisa kale.

2013-03-07 10:20 AM EST
Khamiis, Maarso 07, 2013 (HOL) — Ciidamada dowladda Soomaaliya oo gacan ka helaya kuwa Itoobiya ayaa saakay 9:00 aroonimo la wareegay degmada Ufuroow ee gobolka Bay, halkaasoo ay ka talinaysay Al-shabaab sannadihii lasoo dhaafay.

2013-03-07 8:32 AM EST
Khamiis, Maarso 07, 2013 (HOL) — Ra’iisul wasaaraha Soomaaliya iyo wasiirkiisa maaliyadda lacagta oo laga dalbaday inay horyimaadaan golaha baarlamaanka Soomaaliya si wax looga weydiiyo hoos u dhaca xoogga leh ee ku yimid doollarka, taasoo dhibaateyn ku ah shacabka Soomaaliyeed.

2013-03-07 8:22 AM EST
Khamiis, Maarso 07, 2013 (HOL) — Wasaaradda horumarinta arrimaha bulshada ee dowladda Soomaaliya iyo xafiiska Jinsiga ee AMISOM ayaa maanta si wadajir ah ugu qabtay Muqdisho xuska maalinta haweenka Adduunka ee 8-da Maarso oo sannad walba laga xuso dunida oo dhan, iyadoo la sheegay in lasoo hormariyay maadaama ay berri Jimco tahay oo laga nasanayo shaqooyinka.

2013-03-07 7:21 AM EST
Khamiis, Maarso 07, 2013 (HOL) — Shirkadda Mubaarak Farsamasi ee dawooyinka soo dejiya ayaa sheegtay in dawooyinkeedda ay ka soo iibiyaan mid ka mid ah shirkadaha sameeya dawooyinka ee dalka Turkiga, kuwaas oo soo saara dawoooyin tayo leh.

2013-03-07 7:19 AM EST
Khamiis, Maarso 07, 2013 (HOL) — Qaar ka mid ah dhibanayaashii dacwadda ku oogay madaxweyne ku xigeenkii hore ee Soomaalya Cali Samatar, ayaa ka hadlay waraaq uu Ra’isal wasaaraha Soomaaliya Saacid u qoray wasaaradda arrimaha dibadda ee Maraykanka oo uu kaga codsanayo in xukunkii lagu xukumay Cali Samatar la buriyo maadama oo uu xaasanad siyaasadeed leeyahay.

2013-03-07 6:31 AM EST
Khamiis, March 07, 2013 (HOL) - Wasiirka gaashaandhiga dalka Kenya Yuusuf Xaaji ayaa noqday senatorka Garissa, kadib markii uu si dirqi ah kaga guulaystay gudoomiye ku xigeenka baarlamaanka Faarax Macallim oo muddo ku dhow labaatan sano ahaa xildhibaanka deegaanka Dhadhaab.

2013-03-07 5:27 AM EST
Xildhibaan Yuusuf Xassan ayaa si aqlabiyad ah markale loogu doortay kursiga degmada Kamakunji oo ah deegaanka ay ka tirsantahay xaafada Islii ee magaalada Nairobi.

2013-03-07 12:45 AM EST
Khamiis, Maarso 07, 2013 (HOL) — Dowladda Soomaaliya iyo ururka Ahlusunna Waljamaca ayaa shalay kala saxiixday heshiis qodobbo badan ah, kuwaasoo ay si wadajir ah u saxiixeen mas’uuliyiinta dowladda iyo kuwa Ahlusunna.

2013-03-07 12:22 AM EST
Khamiis, Maarso 07, 2013 (HOL) — Guddiga doorashooyinka dalka Kenya ayaa sheegay inay dib ugu laabteen tirinta codadka doorashooyinka, kaddib markii ay xumaadeen qalabkii lagu tirin lahaa codadka, iyagoo sheegay inay natiijadu soo bixin doonto berri oo Jimco ah.

2013-03-06 11:57 PM EST
Khamiis, Maarso 07, 2013 (HOL) — Madaxweynaha Soomaaliya, Xasan Sheekh Maxamuud ayaa sida diirran u soo dhaweynaya go’aanka Golaha Ammaanka ee Qaramada Midoobay uu cunno-qabteynta hubka kaga qaaday dowladda Soomaaliya.