3/28/2024
Today from Hiiraan Online:  _
Wararka Maanta- Talaado, Mar 5 , 2013
Murashaxa Uhuru Kenyatta oo weli ku Horreeya Natiijooyinka hordhaca ah ee kasoo baxaya doorashooyinka Kenya


Talaado, Maarso 05, 2013 (HOL) — Tirinta doorashooyinka madaxnimo ee dalka Kenya ayaa waxaa weli ku horreeya Uhuru Muigai Kenyatta oo u tartamaya isbahaysiga Jubilee, waxaana madaxweyne ku xigeen uu u doortay William Rutu, iyadoo uu ku xigo ra’iisul wasaarihii  Kenya, Raila Amollo Odinga.

Deegaanno badan oo codadkooda la tiriyay ayaa natiijooyinka hordhaca ah ee kasoo baxay waxay sheegaan in Uhuru ii kaalinta koowaad ku jiro, inkastoo deegaanno badan oo aan codadkooda weli ka tirin ay jiraan.

Guddiga doorashooyinka Kenya ayaan ku weli ku dhawaaqin natiijo kasoo baxday doorashada, balse tirinta codadka ayaa waxay si toos ha uga socdaan warbaahinta la iska arko ee Kenya sida telefishinkta dowladda.

Uhuru Kenyatta oo uu dhalay madaxweynihii ugu horreeyay ee Kenya, Jomo Kenyatta ayaa wuxuu ahaa ra’iisul wasaare ku xigeenka dalkaas, waxaana dacwad dhinaca bani’aadamnimada ah ay uga furan tahay isaga iyo ku xigeenkiisa Rutu maxkamadda caalamiga ah ee adduunka.

“Haddii aan ku guuleysato xilka madaxnimo ee dalka waxaan ka shaqeyn doonaan sidii Kenya aan horumar ku gaarsiin lahaa. Dacwadda igu furan oo shaksi ahna aniga ayay ii taallaa sidii aan isaga difaaci lahaa,” ayuu yiri Uhuru oo intii ay ololayaasha doorashooyinku socdeen la hadlayay warbaahinta caalamka.

Lama oga in Raila Odinga uu aqbali doono natiijooyinka doorashada, iyadoo rabshado ay dad badan ku dhigeen ay sannadkii 2007 ka dhaceen gudaha Kenya, kuwaasoo salfaday nolosha dad ka badan boqol kun oo qof.

Xaaladda Kenya ayaa u muuqata mid deggen, inkastoo aan la ogeyn waxa dhici doona marka guddiga doorashadu uu ku dhawaaqo natiijada hordhaca ah, waxaana doorashadan ay noqonaysaa tii ugu horreyay oo Kenya ka dhacda tan iyo markii Kenya ay yeelatay dastuurka cusub.

Shacabka iyo siyaasiyiinta Kenya ayaa rajo wanaagsan ka qaba in dhibaato aysan ka dhalan doonin doorashadan, iyadoo dalkaas ay ku sugan yihiin in ka badan laba kun oo goobjoogayaal ah kuwaasoo ka socda dunida oo dhan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/5/2013 3:38 PM EST
Talaado, March 05, 2013(HOL): Munaasabad lagu soo dhaweynayay Wasiirka Wasaaradda Horumarinta iyo Adeegga Bulshada Drs. Maryan Qaasim ayaa lagu qabtay magaalada London ee caasimadda dalka Britain.

3/5/2013 1:08 PM EST
Talaado, Maarso 05, 2013 (HOL) — Ra'iisal wasaaraha Soomaaliya, Cabdi Faarax Shirdoon ayaa maanta booqday goob maqaaxi ah oo xildhibaanno ka tirsan baarlamaanka ay ku geeriyoodeen, kuwaasoo kala ahaa: Yuusuf Mire Seeraar iyo C/weli Ow-Maxamuud, kadib markii qof waxyaabaha qarxa isku soo xiray uu isku qarxiyay 02, May 2012, xilli ay halkaas xildhibaannadu u joogeen howlo shaqo.

3/5/2013 12:51 PM EST
Talaado, Maarso 05, 2013 (HOL) — Madaxweynaha Soomaaliya, Xasan Sheekh Maxamuud oo safar ku jooga dalka Qatar ayaa khudbad dhinacyo badan taabanaysay ka jeediyay caawa telefishinka Al-jazeera, isagoo markii dambena su’aalo uga jawaabay dadkii dhageysanaya khudbadiisa.

3/5/2013 12:48 PM EST
Tuesday, March 05, 2013 (HOL) - Xilli la sugayo natiijada doorashada ayaa daqiiqado ka hor waxaa xaafada Islii ka dhacay labo qarax oo is daba joog ah.

3/5/2013 11:29 AM EST
Talaado, Maarso 05, 2013 (HOL) — Ra'iisal wasaaraha Soomaaliya, Cabdi Faarax Shir-doon (Saacid) iyo wafdi ballaaran oo uu hoggaaminayo ayna ka mid yihiin guddoomiye ku-xigeenka koowaad ee baarlamaanka, Jeylaani Nuur Iikar, wasiirada arrimaha gudaha, gaashaandhigga, wasiir ku xigeenno, xildhibaanno iyo saraakiil ciidan ayaa gaaray degmada Caabudwaaq ee gobolka Galgaduud.

3/5/2013 10:51 AM EST
Talaado, Maarso 05, 2013 (HOL) — Golaha wasiirrada Puntland oo maanta isugu yimid kulankoodii todobaadlaha ahaa ayaa ka hadlay arimo dhowr ah oo ay kamid yihiin ammaanka, xaaladda abaaraha iyo maamul u sameynta gobollada Jubbooyinka iyo Gedo.

3/5/2013 9:00 AM EST
Talaado, Maarso 05, 2013 (HOL) — Maxkamadda ciidamada qalabka sida ee Puntland - laanteeda gobollada Bari, Karkaar iyo Sanaag- ayaa maanta xukun ku riddey sadex nin oo dhalinyaro ah, kuwaas oo lagu soo eedeeyey in ay ka tirsanaayeen ururka Al-shabaab.

3/5/2013 8:59 AM EST
Talaado, Maarso 05, 2013 (HOL) — Kooxo hubeysan ayaa xalay gurigiisa ka kaxaystay wiil dhallinyaro ah oo lagu magacaabi jiray, Maxamed Nuur Shacbaan oo 20-jir ahaa iyagoo toogtay markii ay guriga u jirsadeen hal KM, iyadoo ku dhuftay rasaas badan oo keentay in lagu aaso halkii lagu dilay.

3/5/2013 7:12 AM EST
Talaado, Maarso 05, 2013 (HOL) — Madaxweynaha Somaliland, Axmed Maxamed Maxamuud Siillaanyo, ayaa maanta qasriga madaxtooyadda ku soo dhoweeyey qaar ka mid ah ardayda dugsiyadda sare ee magaaladda Hargeysa.

3/5/2013 7:08 AM EST
Talaado, Maarso 05, 2013 (HOL) — Dagaalyahanno badan oo Al-shabaab ka tirsan ayaa ku dhintay qarax weyn oo shalay gellinkii dambe si lama filaan ah uga dhacay degmada Buulo-burte ee gobolka Hiiraan, iyadoo aanay jirin wax war ah oo Al-shabaab kasoo baxay.

3/5/2013 6:51 AM EST
Talaado, Maarso 05, 2013 (HOL) — Inta la ogyahay 10-qof oo dhinacyadii dagaalamay ah ayaa ku dhintay tiro intaas ka badanna dhaawacyo ayaa kasoo gaaray dagaal culus oo duleedka degmada Afgooye ku dhexmaray ciidamada dowladda Soomaaliya iyo kuwa Al-shabaab.

3/5/2013 5:05 AM EST
Talaado, March 05, 2013(HOL) - Uhuru Kenyatta ayaa wali hogaaminaya doorashada, isagoo helay 54% codadka la tiriyay oo gaaraya 4 milyan oo cod.

3/5/2013 1:28 AM EST
Talaado, Maarso 05, 2013 (HOL) — Hay’adda xuquuqda aadanaha ee Amnesty International ayaa ugu digtay golaha ammaanka ee Qaramada Midoobay inay cunno-qabteynta hubka ee 21-ka sano saaran Soomaaliya ay ka qaadaan, taasoo xubnaha goluhu ay qorsheynayaan inay go’aan ka gaaraan berri oo Arbaco ah.