3/28/2024
Today from Hiiraan Online:  _
Wararka Maanta- Isniin, Mar 4 , 2013
Ciidamadda Amniga Somaliland oo Xabsiga dhigay Sheekh Maxamuud Geelle oo dhaliilay Wasiirro ka tirsan Xukuumadda


Isniin, Maarso 04, 2013 (HOL) — Ciidamada Booliiska Somaliland, ayaa shalay xabsiga u taxaabay Sheekh Maxamuud Cabdillaahi Geelle, ka dib markiii uu dhaliilo usoo jeediyey wasiirka Arrimaha gudaha Maxamed Nuur Caraale Duur iyo wasiirka Maaliyadda Somaliland Cabdicasiis Samaale.

 Sheekhu waxa uu sheegay in hanti badan oo uu wasiirka Maaliyaddu u isticmaalayo ololaha loogu jiro gudoomiyaha xisbiga taladda haya ee KULMIYE uu laba meelood uun midkood, kuwaas oo uu xusay inay ama ka soo gashay urur-diimeedka uu sheegay inuu ka tirsan yahay iyo inay tahay hantidii ummadda Somaliland uu u hayey.

“Wasiirka Maaliyadda waxaan leeyahay waxa laysla dhex marayaa in habeen dhaweyd aad hotelka Maansoor Casuumad balaadhan aad ku sameysay oo dhaqaale badan aad ku bixisay, haddaba wasiir  waxaan u malaynayaa in aanay lacagtaasi ahayn hanti meel kuu taalay, ee laba mid uunbay ka timid ama waa hantidii dadkani lahaa ama waa hanti kaa soo gashay ururka aad ka tirsan tahay ee Islaax”ayuu yidhi sheekh Geelle oo ka hadlayey hanti uu sheegay inuu ku ololaynayo wasiirka Maaliyadda Sheekh Cabdicasiis Samaale.

Waxa kale oo uu Sheekh Maxamuud shirkiisii jaraa’id ee Sabtidii dorraad uu ku qabtay Hotel Xaraf ee magaalada Hargeysa, ku soo qaaday wasiirka Daakhiliga Somaliland, Maxamuud Nuur Caraale (Duur) oo uu ku dhaliilay hadal isburinaya oo uu sheegay inuu wasiirku ummadda Somaliland marar kala duwan u sheegay.

“Wasiirka Arrimaha Gudaha, maalin dhaweyd wuxuu sheegay in Ammaanka Somaliland uu yahay Boqolkiiba Boqol mid sugan, gaaladuna been sheegayaan, malaha adigu gaal odhan mayside, imikana waxaad sheegtay in Ingiriiska iyo gaaladu run sheegeen, Amni darradii Ingiriisku sheegayeyna ay Somaliland xididada u siibtay ayaad warbaahinta u sheegtay, Wasiir ma maalinta horraad khaldanaydoo waxba maad ogeyn, mise maantaad khaldantahayoo dan kale ayaa soo gashay meesha. Midna Somaliland qaadan maysoo in masuul dawladeed uu hadalkiisu isburiyo, Adaanay dhib kugu tahay If iyo Aakhiro meel uun ku adkayso ayaan ku leeyahay.”ayuu yidhi sheikh Geelle oo uu durayey hadal ka soo yeedhay wasiirka arrimaha gudaha Somaliland.

Sidoo kale, Sheekh Maxamuud waxa kale oo uu  sheegay inay jiraan kooxo mijo-xaabinaya nabadgelyada ummadda Somaliland, waxaanu yidhi:  “Kooxda koowaad waa kooxda la baxday Siyaasiyiinta. Kooxda labaad waa niman isku sheega Culimo, oo yidhaahda Diintaanu metelaynaa. Labadaas kooxood oo is-garabsanaya oo maslaxada diinta iyo maslaxada dadka midna aan eegayn, ayaa waxay rabaan sidaan anigu arkayo inay mijo-xaabiyaan Amniga illaahay ku arsaaqay dadkan (Subxaanuhu watacaalaa).”

Ugu dambayntiina waxa uu Sheekhu ka hadlay ururo diimeed oo uu sheegay inay doonayaan inay nabadgelyo-darada Somalia ka jirta u soo xawilaan Somaliland, isaogo ugu baaqay in aanay dadkooda u horseedin dhibaato.

Sheekha ayaa la sheegay inuu hadda ku xidhan yahay xarunta laanta bileyska ee baadhista dambiyada (CID) ee Hargeysa, ilaa hadda ma jirto war ay taliska Bileyska iyo Wasaaradda Arrimaha Guduhu ka soo saareen xadhiga Sheekh Maxamuud Cabdillaahi Geelle, inkastoo bilihi ina soo dhaafay dhawr jeer oo hore la xidhay haseyeeshee aan maxkamadda la geyn.

Wadaadkan ayaa ah sheikh hadalo cad oo aan la gaban wuxuu aaminsan yahay, waxaanu inta badan madarasado diinta lagu baro dadka waaweyn ku leeyahay xaafadaha magaaladda Hargeysa, isla markaana  ay gabi ahaanba yihiin qaar uu bilaash wax ku baro, isagoo ka soo horjeedda in dadka diinta baranaya laga qaado wax lacag ah.

Barkhad-Ladiif  M. Cumar, Hiiraan Online .
[email protected]
Hargeysa, Somaliland













Click here
3/4/2013 3:25 PM EST
Halkaan ka daawo (Video) kulankii madaxweyne Xasan Sheekh iyo Amiirka dalka Qadar Hamad Bin Khalifa uu kula kulamy magaalada Dooxa.

3/4/2013 1:27 PM EST
Isniin, March 04, 2013 (HOL) - Uhuru Kenyatta oo hogaamiya isbahaysiga Jubilee ayaa ku horreeya codadka ilaa iyo haatan la tiriyay.

3/4/2013 12:19 PM EST
Isniin, Maarso 04, 2013 (HOL) —Hotel casri ah ayaa maanta laga hirgaliyay magaalada Boorama ee gobolka Awdal, waxaana furintaankii hoteelkan oo lagu magcaaabo Ramada ka qaybgalay dadweynaha degmada, waxgarad iyo mas’uuliyiin kala duwan.

3/4/2013 11:13 AM EST
Isniin, Maarso 04, 2013 (HOL) — Ra'iisal wasaaraha Soomaaliya, Cabdi Faarax Shirdoon (Saacid) iyo wafdi ballaaran oo uu hoggaaminayo ayna ka mid yihiin guddoomiye ku-xigeenka koowaad ee baarlamaanka, Jeylaani Nuur Iikar, wasiirada arrimaha gudaha, wasiirka gaashaandhiga, wasiir ku xigeenno, xildhibaanno iyo saraakiil ciidan ayaa maanta gaaray degmada Dhuusamareeb ee xarunta gobolka Galgaduud.

3/4/2013 9:44 AM EST
Isniin, Maarso 04, 2013 (HOL) — Waxaa duhurnimadii maanta garoonka magaalada Boosaaso soo caga dhigatay diyaarad siddey sagaal maxbuus oo Soomaali ah, kuwaas oo loo qabtay ku lug lahaanshaha falal burcad-badeednimo.

3/4/2013 9:21 AM EST
Isniin, March 04, 2013(HOL) - Kumannaan Soomaali ah oo ku nool degmada Kamakunji, gaar ahaanna xaafada Islii ayaa galay safafka dhaadheer oo inta badan codbixiyayaasha dalka Kenya oo dhan ay taagnaayeen maanta.

3/4/2013 9:08 AM EST
Isniin, Maarso 04, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaaminayay ayaa maanta la kulmay Amiirka dalka Qadar Amiir Hamad Bin-Khalifah Al-Thani, kaasoo ay uga hadleen sidii iskaashi guud oo dhan walba ah uu u dhexmari lahaa Soomaaliya iyo Qadar.

3/4/2013 7:23 AM EST
Isniin, March 04, 2013 (HOL) - Xaafada Islii oo ah goob ay ku yaallaan ganacsiyada waawayn ee Soomaalidu ay ku leedahay Kenya ayaa si habsami leh ay u socotaa codbixintu.

3/4/2013 7:18 AM EST
Isniin, Maarso, 04, 2013 (HOL) – Wafdi uu horkacayo ra’iisal wasaaraha xukuumada Soomaaliya Cabdi Faarax Shirdoon Saacid ayaa goor dhaw gaaray degmada Dhuusa-mareeb ee gobolka Galguduud

3/4/2013 4:00 AM EST
Isniin, March 04, 2013 (HOL) - 14 milyan oo ah muwaadiniinta u dhashay dalka Kenya ayaa saaka 6-dii subaxnimo loo furay goobaha codbixinta si ay codkooda u dhiibtaan.

3/4/2013 1:58 AM EST
Isniin, Maarso 04, 2013 (HOL) — Kooxo hubeysan oo aan heybtooda la aqoon ayaa xalay fiidkii gudaha magaalada Kismaayo ku dilay laba askari oo katirsanaa ciidamada dowladda Soomaaliya.

3/4/2013 12:35 AM EST
Isniin, Maarso 04, 2013 (HOL) — Kooxo bastoolado ku hubeysan ayaa ku dilay saakay oo Isniin ah xaafadda Nnasteexo ee degmada Wadajir gabar ka howlgalaysay mid ka mid ah isbitaallada gaarka loo leeyahay ee ku yaalla magaalada Muqdisho.

3/4/2013 12:13 AM EST
Isniin, Maarso 04, 2013 (HOL) — Ugu yaraan 11-qof oo shan ka mid ay ahaayeen ciidammo booliis ah ayaa ku dhintay rabshado siyaabo kala duwan xalay uga dhacay degmada Gaarisa ee gobolka Waqooyi-bari ee Kenya iyo magaalada xeebta ku taalla ee Mombassa, iyadoo doorashooyinkii ay si caadi ah saakay uga billowdeen.

3/4/2013 12:12 AM EST
Isniin, Maarso 04, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa xalay gaaray magaalada Dooxa ee dalka Qatar, halkaasoo uu kula kulmi doono mas’uuliyiinta dalka Qatar.

3/4/2013 12:10 AM EST
Isniin, Maarso 04, 2013 (HOL) — Waxgaradka degmada Xuddun ee gobolka Sool ayaa si aad ah uga dayriyay xaaladda nololeed ee dadka ku sugan degmadaas oo marba marka kasii dambaysa sii xoogaysanaysa, kaddib xiisad colaadeed oo dhexmara ciidamada Somaliland iyo kuwa Khaatumo ee isku-horfadhiya deegaankaas.