2014-07-25
Today from Hiiraan Online:  _
Wararka Maanta- Axad, Mar 3 , 2013
Biyo la’aan aad u daran oo laga soo sheegayo Tuulooyin hoostaga Magaalada Baydhabo ee Gobolka Bay (SAWIRRO)



Axad, Maarso 03, 2013 (HOL) — Deegaanno ka tirsan degmada Baydhabo ee xarunta gobolka Bay ayaa waxaa laga soo sheegayaa inay ka jirto biyo la’aan xooggan, kuwaasoo saameyn ku yeeshay dadka iyo duunyada ku nool deegaannadaas.

Biyo la’aantan ayaa la sheegay inay ka dhalatay xilliga roobka sannadkan oo aad u yaraa, waxaana deegaannadaas ay kala yihiin” Hagarka, Soomow, Qasasheeb, Tigow, Waab-doorre, Hagarka, Bakaaro Shillin, Buulo-Hareeri iyo Kaalimow.

Tuulooyinkan ayaa waxaa biyaha looga keenaa deegaanno ka fog-fog oo u jira 15-km, goobahaas ay biyaha ka doontaan waxaa la yiraahdaa Roobey-gaduud iyo Hurubow waxaana ku yaalla ceelal rig ah.

Shacabka ku dhaqan tuulooyinkaas biyo la’aantu ka jirto waa kuwo aan qabin ceelal riig ah, balse waxay biyaha ka helaan waro ama godad biyo keydiyayaal ah kuwaasoo dhammaantooda guray, xillaga hadda lagu jiro waa xilli aad u kulul oo jiilaal ah oo ay bisha Maarso tahay bilow.

Deegaannada ay biyo la’aantu ka jirto waa kuwu wax-soo-saarka badan ee degmada Baydhabo, waxaa ku nool dad tiro badan, hase yeesheen ma haystaan wax taakuleyn ah, kamana shaqeeyaan hay’ado samafal, sidaa daraadeed waxay codsanayaan in lala soo gaaro biyo oo ah nolasha koowaad ee nafleyda, si loogu gurmado booyado biyo ah ama loogu qodo Ceelal riig ah.

Gaari dameerro ayaa biyaha loogu keenaa dadka ku nool tuulooyinka, iyadoo laga yaabo in maalin ay biyo la’aan ahaadaan, maadama gaadiidka ay safarka u dirsadeen uu yahay nafley soo daahaya.


Hiiraan Online, Baydhabo.





Post your comments

2013-03-03 1:03 PM EST
Axad, Maarso 03, 2013 (HOL) — Maayarka golaha deegaanka magaalada Saylac Xuseen Iidle Barkhadle ayaa sheegay maanta in golaha deegaanku Saylac uu cod aqlabiyad ah ku hakiyay ama ku diiday inay xildhibaanadii is-casilay ka aqbalaan is-casilaadooda. Arrintaas oo uu sheegay maayarku inay filayaan inay wax iska bedelaan.

2013-03-03 12:38 PM EST
Axad, Maarso 03, 2013 (HOL) — Wasiirka arrimaha gudaha, Somaliland Maxamed Nuur Carraale (Duur) ayaa xoghayaha dowladda hoose ee Saylac u magacaabay, Bashiir Cilmi Waabari xoghayihii komiishanka doorashada ee gobolka gobolka Salal oo hore u qaadacay natiijada doorashada ee Saylac, taasoo dhalisay khilaaf aad u xoog badan isla markaana sababtay in xildhibaannadii beesha Ciise uga soo baxay ay dhammaantood is-wada-casilaan.

2013-03-03 11:32 AM EST
Axad, Maarso 03, 2013 (HOL) — Gudoomiyihii hore ee gobolka Bay, C/fitaax Ibraahim Maxamed (Geeseey) ayaa maanta xilkii ku wareejiyay Cabdi Aadan Hesoow oo ah guddoomiyaha cusub ee dowladda Somalia ay u magacowday guddoomiyaha gobolka Bay.

2013-03-03 9:10 AM EST
Axad, Maarso 03, 2013 (HOL) — Ra’iisul wasaaraha Soomaaliya, Cabdi Faarax Shir-doon (Saacid) ayaa maanta khudbad uu kaga warbixinayay waxyaabihii u qabsoomay muddada 100-ka maalmood ah ee ay xukuumaddiisu shaqeynayso ka horjeediyay kulankii maanta ee baarlamaanka Soomaaliya.

2013-03-03 8:34 AM EST
Axad, Maarso 03, 2013 (HOL) — Maxkamadda Rafcaanka gobolka Banaadir ayaa maanta oo Axad ah ku xukuntay lix bilood oo xabsi ah wariye C/casiis Cabdinuur Ibraahim (Koronto) oo ay horay maxkamada gobolka Banaadir ugu xukuntay hal sano oo xabsi ah, iyadoo sii daysay maxkamaddu gabar sheegtay in la kufsaday oo iyadana horay loogu xukumay hal sano oo xabsi ah.

2013-03-03 8:02 AM EST
Axad, Maarso 03, 2013 (HOL) — Maamulka Ximan iyo Xeeb ayaa shalay oo Sabti ahayd albaabbada isugu dhuftay Radio Al-Ixsaan oo ka mid ah idaacadaha madaxabannaan ee ka howgala degmada Cadaado ee gobolka Galguduud, iyadoo xarigaas uu si adag u cambaareeyay ururka suxufiyiinta Qaranka Soomaaliyeed ee NUSOJ.

2013-03-03 7:38 AM EST
Axad, Maarso 03, 2013 (HOL) — Golaha Deegaanka degmadda Gabiley, ayaa ansaxsaday miisaaniyad sanadeedkii ay ku shaqayn doonaan sanadkan 2013-ka, taas oo ay ka muuqato mushahar kordhin loo sameeyey shaqaalaha dawladda hoose iyo xidlhibaanadda golaha deegaanka Gabiley.

2013-03-03 7:15 AM EST
Axad, Maarso 03, 2013 (HOL) — Cutubyo ka tirsan ciidamada Jabuuti ee howlgalka midowgga Africa AMISOM oo ay weliyaan ciidamo ka tirsan maamulka gobollka Hiiraan oo saakay ka ababaxay magaalada Baladweyne ayaa gaaray deegaanno ka tirsan gobollka Galguduud bartamaha Soomaaliya.

2013-03-03 7:08 AM EST
Axad, Maarso 03, 2013 (HOL) — Sida ay u xaqiijiyeen HOL dadka deegaannka Halgan xarakada Al-shabaab ayaa galinkii danbe ee maalintii shalay meel fagaaro ah ku gubay lacag shil Soomaali ah oo lagu sheegay cadadkeeda ilaa 25 milyan.

2013-03-03 3:26 AM EST
Axad, March 03, 2013 (HOL) - Dadweynaha dalka Kenya ayaa maalinta isniinta ah u dareeri doona gooba codbixinta si ay u soo doortaan madaxweynahoodii afraad.

2013-03-03 1:08 AM EST
Axad, Maarso 03, 2013 (HOL) — Ra’iisul wasaare Cabdi Faarax Shir-doon (Saacid) ayaa lagu wadaa in khudbad uu kaga warramayo howlaha u qabsoomay xukuumadda uu ka jeediyo maanta fadhiga baarlamaanka uu ku yeelanayo xaruntiisa Muqdisho.