2014-09-02
Today from Hiiraan Online:  _
Wararka Maanta- Axad, Mar 24, 2013
Hay’adda Nabadsugidda Qaranka oo soo Bandhigtay Magacyada laba ruux oo Weerar Ismidaamin ah ka fuliyay Muqdisho


Axad, Maarso 24, 2013 (HOL) — Hay’adda nabad-sugidda Qaranka ayaa soo bandhigtay magacyada laba ruux oo weeerarro ismiidaamin ah ka fuliyay toddobaadkii hore magaalada Muqdisho, kuwaasoo la sheegay inay kasoo jeedeen gobolka Galguduud.

Warsaxaafadeed ay soo saartay hay’adda ayaa lagu sheegay in laba ruux ay fuliyeen weerarkii ismiidaaminta ahaa ee Isniintii lasoo dhaafay lagu weeraray taliyaha hay’adda nabadsugidda gobolka Banaadir, Khaliif Axmed Ereg ay fuliyeen laba ruux oo midkood magaciisa lagu sheegay Cabdiqani, kaasoo la sheegay inuu kasoo jeeday degmada Cadaado ee gobolka Galguduud.

“Gaariga waxaa lagu soo diyaariyay duleedka Muqdisho, waxaana Muqdisho lagu soo geliyay si dhuumaaleysi ah, iyadoo gaariga ay saarnaayeen laba qof oo ismiidaamiyeyaal ahaa, waxaana ciidamada nabadsugidda ay toogteen darawalkii gaariga markii ay ka shakiyeen, balse waxaa ruuxii kale ayaa si dhaqso ah ku qarxiyay gaariga,” ayaa lagu yiri warsaxaafadeedka.

Qaraxaas ismiidaaminta ahaa oo ka dhacay illinka hore ee xaruntii Fiyooraha ee Muqdisho ayaa waxaa ku dhintay in ka badan 10-qof oo isugu jiray askar ka tirsan ciidamada dowladda, arday iyo ruux wariye ah.

Sidoo kale, warsaxaafadeedka hay’adda nabadsugidda ayaa lagu sheegay in ruux isagana fuliyay qarax lala beegsaday sarkaal ka tisrn nabadsugidda oo ka dhacay suuqa weyn ee Bakaaraha lagu magacaabi jiray, C/raxiin Mukhtaar Aadan, kaasoo la sheegay inuu kasoo jeeday degmada Ceelbuur ee gobolka Galguduud.

Weerarka ka dhacay suuqa Bakaaraha ayaa waxaa ku dhintay ruuxii fuliyay ismiidaaminta, waxaana ku dhaawacmay saddex qof oo laba ka mid ah ay ahaayeen haween ka ag-dhawaa saldhigga iyo sarkaal haystay saldhig ay booliisku ku leeyihiin suuqa Bakaaraha.

Ugu dambeyn, hay’adda nabadsugiddu waxay warkeeda ku sheegay in askar gaar ah oo ka tirsan nabadsugidda ay u dhaceen habeen hore guri ay ku sugnaayeen sideed qof oo diyaarinayay waxyaabaha qarxa. Iyagoo xusay in ay sii socon doonaan howgallada lagu beegsanayo Al-shabaab.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-24 1:45 PM EST
Axad, Maarso 24, 2013 (HOL) — Wasiirka horumarinta iyo addeega bulshada ee xukuumadda Soomaliya, Drs. Maryan Qaasim Axmed ayaa maanta dalka dib ugu soo laabatay kaddib markii laba toddobaad socdaallo shaqo ay kusoo kala bixisay bixisay dalalka Denmark iyo Ingiriiska.

2013-03-24 12:39 PM EST
Axad, Maarso 24, 2013 (HOL) — Iyadoo ay sanad walba marka xilligan oo kale lasoo gaaro roobabka gugu ka curtaan gobollo badan oo ka tirsan dalka, ayaa waxay roobab lagu diirsaday ka da’een deegaano ka tirsan Puntland.

2013-03-24 12:35 PM EST
Axad, Maarso 24, 2013 (HOL) — Xarunta baarlamaanka Puntland ee magaalada Garoowe waxaa maanta ka furmay kulan aan caadi ahayn oo ay isugu yimaadeen xubnaha golaha wakiiladda. Kulankan oo uu si rasmi ah u furay madaxweynaha Puntland Cabdiraxmaan Faroole ayaa waxaa looga doodayaa qodobbo la xiriira doorashada goleyaasha deegaanka ee la fiyo in ay bilaha soo socda Puntland ka qabsoonto.

2013-03-24 9:44 AM EST
Axad, March 24, 2013 (HOL) - Aamina Maxamed oo haysata dhalashada dalka Kenya, asalkeeduna Soomaali yahay ayaa dawlada Kenya ay u sharraxday inay hogaamiso ururka ganacsiga aduunka ee la yiraahdo World Trade Organization (WTO)

2013-03-24 9:00 AM EST
Axad,24 Maarso, 2013(HOL):- Wafdi ka socda dowladda Federaalka Soomaaliya islamarkaasina isugu jiray Wasiirro, XIldhibaanno, iyo Saraakiil ayaa maanta kasoo dagay garoonka caalamiga ah ee magaalada Kismaayo, iyadoona ay halkaasi si diiran ugu soo dhaweeyeen masuuliyiin ka tirsan maamul KMG ee magaalada Kismaayo.

2013-03-24 8:25 AM EST
Axad, Maarso 24, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kormeer ku tagay wasaaradda gaashaandhigga iyo xerada Villa Baydhabo isagoo halkaas kula hadlay ciidammo kulanana la qaatay saraakiisha kala duwan ee ciidamada xoogga dalka.

2013-03-24 7:54 AM EST
Axad, Maarso 24, 2013 (HOL) — Wafdi isugu jira xildhibaanno iyo wasiirro oo uu hoggaaminayo guddoomiyaha baarlamaanka Soomaaliya, Maxamed Sheekh Cismaan (Jawaari) ayaa maanta gaaray magaalada Baydhabo ee xarunta gobolka Bay.

2013-03-24 7:25 AM EST
Axad, Maarso 24, 2013 (HOL) — Dagaal u dhexeeya ciidamada dowladda oo gacan ka helaya kuwa Itoobiya iyo xooggga Al-shabaab ayaa maanta ka dhacay duleedka degmada Garbahaarey ee xarunta gobolka Gedo, kaasoo geystay khasaare aad u xooggan.

2013-03-24 4:48 AM EST
Axad, Maarso 24, 2013 (HOL) — Wasiirro iyo xildhibaanno xukuumadda ka tirsan ayaa maanta u ambabaxay magaalada Kismaayo ee xarunta gobolka Jubbada Hoose halkaasoo la filayo inuu ka furmo shirka maamul u sameynta gobollada Jubbooyinka, iyadoo la adkeeyay ammaanka guud ee Kismaayo.

2013-03-24 4:07 AM EST
Axad, Maarso 24, 2013 (HOL) — Qorshaha lagula wareegay degmada Xudur ee xarunta gobolka Bakool wuxuu marayaa meel gabo-gabo, sidaa ayuu ku sheegay wasiirka gaashaandhigga Soomaaliya, Cabdixakiin Maxamuud Xaaji Fiqi warsaxaafadeed uu maanta kasoo saaray xafiiskiisa Muqdisho.

2013-03-24 2:55 AM EST
Axad, Maarso 24, 2013 (HOL) — Mucaaradka dagaalka kula jira xukuumadda jamhuuriyadda Bartamaha Afrika ayaa sheegay inay gudaha u galeen qaybo ka mid ah xarunta dalkaas ee Bangui, iyagoo sheegay in go’aankoodu yahay inay ridaan xukuumadda uu hoggaaminayo madaxweyne, Francois Bozize.

2013-03-24 2:20 AM EST
Axad, Maarso 24, 2013 (HOL) — Wasiirka gudaha iyo ammaanka Qaranka dowladda Soomaaliya, C/kariin Xuseen Guuleedd ayaa sheegay inay dhiirri-gelinayaan sugidda amniga Muqdisho, kaddib kulan uu la yeeshay guddoomiyeyaasha degmooyinka gobolka Banaadir.