2014-10-23
Today from Hiiraan Online:  _
Wararka Maanta- Axad, Mar 24, 2013
Mucaaradka Jamhuuriyadda Bartamaha Afrika oo sheegay in ay galeen qaybo ka mid ah Caasimadda Dalkaas (SAWIRRO)



Axad, Maarso 24, 2013 (HOL) — Mucaaradka dagaalka kula jira xukuumadda jamhuuriyadda Bartamaha Afrika ayaa sheegay inay gudaha u galeen qaybo ka mid ah xarunta dalkaas ee Bangui, iyagoo sheegay in go’aankoodu yahay inay ridaan xukuumadda uu hoggaaminayo madaxweyne, Francois Bozize.

Afhayeenka jabahadda, Nelson Ndjadder ayaa sheegay in xoogaggoodu ay soo rideen diyaarad kuwa qumaatiga u kaca ah oo taageeraysay ciidamada dowladda, wuxuuna intaas ku daray inay ku wajahan yihiin madaxtooyada dalkaas.

Goobjoogayaal ayaa sheegay inay gudaha caasimadda dalkaas ku arkeen boqolaal ka tisran malleeshiyada mucaaradka oo ku sugan waddooyinka qaarkood, kuwaasoo dagaal kula jira ciidamada dalkaas oo aan awood badan lahayn.

Jabhadda oo lagu magacaabo Seleka ayaa sheegtay inay dagaalamayaan inta ay ka ridayaan xukuumadda dalkaas oo xukunka haysay tan iyo sannadkii 2003, markaasoo uu afgambi milateri xukunka kula wareegay madaxweynaha talada haya.

Kooxdan mucaaradka ah ayaa dagaal kula jiray ciidamada dowladda tan iyo bishii December ee sannadkii hore, kaddib markii madaxweynaha ay ku eedeeyeen inuu fuliyo heshiisyadii ay la galeen.

Dalka Faransiiska oo horay u gumeystay Jamhuuriyadda ayaa ugu baaqay Golaha Ammaanka ee Qaramada Mdioobay inay si deg-deg ah uga hadlaan xaaladda ka taagan dalka Bartamaha Afrika.

Sidoo kale, dowladda Faransiisku waxay sheegtay inay ciidammo u dirayso dalkaas si ay u sugaan ammaanka garoonka diyaaradaha, maadaama ay ku nool yihiin dalkaas dad badan oo u dhashay Faransiiska.

Jahuuriyadda Afrikada dhexe oo xorriyaddeeda qaadatay sannadkii 1960-kii ayaa waxaa ka dhacayay tan iyo xilligaas kacdoonno iyo afgambiyo xukunka lagu kala qaato.

Inkastoo dalkaas uu yahay mid qani ku ah, dahabka, dheemanka iyo khayraadyo kale, haddana wuxuu ka mid yahay dalalka ugu faqrisan qaaradda Afrika.






Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-24 1:45 PM EST
Axad, Maarso 24, 2013 (HOL) — Wasiirka horumarinta iyo addeega bulshada ee xukuumadda Soomaliya, Drs. Maryan Qaasim Axmed ayaa maanta dalka dib ugu soo laabatay kaddib markii laba toddobaad socdaallo shaqo ay kusoo kala bixisay bixisay dalalka Denmark iyo Ingiriiska.

2013-03-24 12:39 PM EST
Axad, Maarso 24, 2013 (HOL) — Iyadoo ay sanad walba marka xilligan oo kale lasoo gaaro roobabka gugu ka curtaan gobollo badan oo ka tirsan dalka, ayaa waxay roobab lagu diirsaday ka da’een deegaano ka tirsan Puntland.

2013-03-24 12:35 PM EST
Axad, Maarso 24, 2013 (HOL) — Xarunta baarlamaanka Puntland ee magaalada Garoowe waxaa maanta ka furmay kulan aan caadi ahayn oo ay isugu yimaadeen xubnaha golaha wakiiladda. Kulankan oo uu si rasmi ah u furay madaxweynaha Puntland Cabdiraxmaan Faroole ayaa waxaa looga doodayaa qodobbo la xiriira doorashada goleyaasha deegaanka ee la fiyo in ay bilaha soo socda Puntland ka qabsoonto.

2013-03-24 9:44 AM EST
Axad, March 24, 2013 (HOL) - Aamina Maxamed oo haysata dhalashada dalka Kenya, asalkeeduna Soomaali yahay ayaa dawlada Kenya ay u sharraxday inay hogaamiso ururka ganacsiga aduunka ee la yiraahdo World Trade Organization (WTO)

2013-03-24 9:00 AM EST
Axad,24 Maarso, 2013(HOL):- Wafdi ka socda dowladda Federaalka Soomaaliya islamarkaasina isugu jiray Wasiirro, XIldhibaanno, iyo Saraakiil ayaa maanta kasoo dagay garoonka caalamiga ah ee magaalada Kismaayo, iyadoona ay halkaasi si diiran ugu soo dhaweeyeen masuuliyiin ka tirsan maamul KMG ee magaalada Kismaayo.

2013-03-24 8:25 AM EST
Axad, Maarso 24, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kormeer ku tagay wasaaradda gaashaandhigga iyo xerada Villa Baydhabo isagoo halkaas kula hadlay ciidammo kulanana la qaatay saraakiisha kala duwan ee ciidamada xoogga dalka.

2013-03-24 7:54 AM EST
Axad, Maarso 24, 2013 (HOL) — Wafdi isugu jira xildhibaanno iyo wasiirro oo uu hoggaaminayo guddoomiyaha baarlamaanka Soomaaliya, Maxamed Sheekh Cismaan (Jawaari) ayaa maanta gaaray magaalada Baydhabo ee xarunta gobolka Bay.

2013-03-24 7:25 AM EST
Axad, Maarso 24, 2013 (HOL) — Dagaal u dhexeeya ciidamada dowladda oo gacan ka helaya kuwa Itoobiya iyo xooggga Al-shabaab ayaa maanta ka dhacay duleedka degmada Garbahaarey ee xarunta gobolka Gedo, kaasoo geystay khasaare aad u xooggan.

2013-03-24 4:48 AM EST
Axad, Maarso 24, 2013 (HOL) — Wasiirro iyo xildhibaanno xukuumadda ka tirsan ayaa maanta u ambabaxay magaalada Kismaayo ee xarunta gobolka Jubbada Hoose halkaasoo la filayo inuu ka furmo shirka maamul u sameynta gobollada Jubbooyinka, iyadoo la adkeeyay ammaanka guud ee Kismaayo.

2013-03-24 4:12 AM EST
Axad, Maarso 24, 2013 (HOL) — Hay’adda nabad-sugidda Qaranka ayaa soo bandhigtay magacyada laba ruux oo weeerarro ismiidaamin ah ka fuliyay toddobaadkii hore magaalada Muqdisho, kuwaasoo la sheegay inay kasoo jeedeen gobolka Galguduud.

2013-03-24 4:07 AM EST
Axad, Maarso 24, 2013 (HOL) — Qorshaha lagula wareegay degmada Xudur ee xarunta gobolka Bakool wuxuu marayaa meel gabo-gabo, sidaa ayuu ku sheegay wasiirka gaashaandhigga Soomaaliya, Cabdixakiin Maxamuud Xaaji Fiqi warsaxaafadeed uu maanta kasoo saaray xafiiskiisa Muqdisho.

2013-03-24 2:20 AM EST
Axad, Maarso 24, 2013 (HOL) — Wasiirka gudaha iyo ammaanka Qaranka dowladda Soomaaliya, C/kariin Xuseen Guuleedd ayaa sheegay inay dhiirri-gelinayaan sugidda amniga Muqdisho, kaddib kulan uu la yeeshay guddoomiyeyaasha degmooyinka gobolka Banaadir.