2014-10-24
Today from Hiiraan Online:  _
Wararka Maanta- Sabti, Mar 23, 2013
Arday dhiganayay Dugsi Qur’aan oo ku dhimatay Qarax ka dhacay Deegaanka Xeraale ee Gobolka Galguduud


Sabti, Maarso 23, 2013 (HOL) — Labo arday oo dhiganayay dugsi Qur’aan ayaa ku dhintay saddex kalena way ku dhaawacmeen kaddib markii ay ku qaraxday walax ay garaaceen sida uu sheegay guddoomiyaha deegaanka Xeraale, Bashiir Daahir Yuusuf.

Guddoomiyuhu wuxuu sheegay in ardayda dhimatay iyo kuwa dhaawacmay ay ahaayeen kuwo dhiganayay dugsi qu’raan uuna qaraxu haleelay gellinkii dambe ee maanta, iyagoo gudaha dugsiga ku jirana ay garaaceen walaxda ku qaraxday.

“Walaxda qaraxday waxay ahayd miino,” ayuu yiri guddoomiyaha deegaanka Xeraale, isagoo intaas ku daray in ardayda dhaawacmay ay laba ka mid ah ay xaaladoodu aad u daran tahay, halka midka kalena uu dhaawiciisu yahay mid fudud.

Sidoo kale, guddoomiyaha deegaanka Xaraale ayaa sheegay in dhaawcyada saddexda cunug loo qaaday degmada Gaalkacyo ee gobolka Mudug sii loogu daweeyo, isagoo xusay in dhacadadan ay tahay middii ugu xumayd ee ka dhacda deegaanka.

Guddoomiyaha deegaanka Xeraale, Bashiir Daahir ayaa hay’adaha miino-baarista ka dalbaday inay miinooyin ka baaraan deegaanka, isagoo xusay in la rumeysan yahay in deegaankaas ay ku jiraan miinooyin lagu aasay 1977 oo uu dhagaalkii Itoobiy iyo Soomaaliya.

Deegaanka Xeraale ayaa waxay ka tirsan tahay deegaannada ay Ahlusunna Waljmaaca ka taliso ee ka tirsan gobolkaGalguduud, iyadoo qarax noocan oo kale ah uu sannado ka hor ka dhacay deegaanka Balanballe kaasoo ay ku dhinteen caruur walaalo ah.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-23 2:37 PM EST
Sabti, Maarso 23, 2013 (HOL) — Barakacyaashii ku noolaa Baydhabo ayaa billaabay inay dib ugu laabtaan tuulooyinkii ay markii hore ka yimaadeen kaddib markii ay waayeen cid taakuleysa ama dib u dejin u samaysa.

2013-03-23 1:22 PM EST
Sabti, Maarso 23, 2013 (HOL) — Roobab mahiigaan ah ayaa maanta ka da'ay degaanno badan oo ka tirsan gobolka Sool iyo degaanno ku dhow-dhow oo ay ka mid tahay magaalada Buuhoodle iyo kuwo kale oo hoos yimaada deegaanka Cayn oo ay dhibaato biyo iyo la'aan ahi ay ka jirtay kaddib markii laba xili roobaad ay baaqdeen.

2013-03-23 8:24 AM EST
Sabti, Maarso 23, 2013 (HOL) — Wafdigan oo ka koobanaa sagaal xubnood ayaa waxaa ku soo dhaweeyay garoonka diyaaradaha magaalada Baladweyne mas’uuliyiinta ka tirsan maamulka gobollka Hiiraan.

2013-03-23 8:24 AM EST
Sabti, Maarso 23, 2013 (HOL) — Madaxweynaha Somaliland Axmed Maxamed Maxamuud Siillaanyo iyo wefti balaadhan oo uu hoggaaminayo ayaa maanta u ambabaxay dalka imaaraadka Carabta, kaddib markii ay mas'uuliyiinta dalka ka heleen casuumaad rasmi ah.

2013-03-23 8:23 AM EST
Sabti, 23 Maarso, 2013(HOL) - Ciidamada nabadsugidda degmada Kismaayo ayaa maanta soo bandhigay Walxaha qarxa oo ay saaka kasoo bixiyeen mid kamid ah wadooyinka waaweyn ee magaalada Kismaayo.

2013-03-23 8:18 AM EST
Sabti, Maarso 23, 2013 (HOL) — Dowladda Mareykanka ayaa ka bixitaanka ciidamada Itoobiya ee gobollada Bay iyo Bakool ku tilmaantay tallaabo aan loo baahnayn xilligan, iyagoo ku boorriyay ciidamada dowladda iyo kuwa AMISOM inay buuxiyaan goobaha ay banneeyeen ciidamada Itoobiya.

2013-03-23 7:47 AM EST
Sabti, 23 Maarso, 2013(HOL) - Wafdi uu horkacayo gudoomiyaha maamulka KMG ee degmada Kismaayo Sheekh Axmed Max’ed Islaam (Axmed Madoobe) ayaa maanta soo gaaray magaalada Kismaayo iyagoona kasoo kicitimay magaalada Nairobi ee dalka Kenya.

2013-03-23 3:26 AM EST
Sabti, Maarso 23, 2013 (HOL) — Kooxo hubeysan ayaa saakay ku toogtay xaafadda Celdheere ee degmada Dharkeynley haweeney ka mid ahayd shaqaalaha garoonka diyaaradaha Muqdisho, gaa rahaan waaxda socdaalka, iyadoo la toogtay xilli ay u socotay shaqadeeda, waxaana mana jirto sabab la ogyahay oo loo dilay iyo cidda dilkeeda ka dambeysay.

2013-03-23 3:24 AM EST
Sabti, Maarso 23, 2013 (HOL) — Wariye Maxamuud Cabdiraxmaan Beene-Beene oo ka mid ahaa wariyeyaashii ka howlgeli jiray warbaahinta dalka, balse sannadihii ugu dambeeyay ku noolaa dalka Kenya ayaa xanuun awgiis xalay ugu geeriyooday magaalada Gaarisa ee xarunta gobolka Waqooyi-bari ee dalka Kenya.

2013-03-23 3:23 AM EST
Sabti, Maarso 23, 2013 (HOL) — Xaalad cabsi leh ayaa saakay ka taagan degmada Marko ee xarunta gobolka Shabeellada Hoose, kaddib markii uu shalay halkaas ku dhexmaray dagaal khasaare geystay askar kawada tirsan ciidamada dowladda Soomaaliya; iyadoo saakay ay degmadaas aadeen saraakiil ka tirsan kuwa dowladda.