2014-04-18
Today from Hiiraan Online:  _
Wararka Maanta- Sabti, Mar 23, 2013
Roobab Mahigaan ah oo ka da'ay Deegaanno Gobolka Sool ka tirsan iyo kuwo kale oo ku Dhow-dhow (SAWIRRO)


Sabti, Maarso 23, 2013 (HOL) — Roobab mahiigaan ah ayaa maanta ka da'ay degaanno badan oo ka tirsan gobolka Sool iyo degaanno ku dhow-dhow oo ay ka mid tahay magaalada Buuhoodle iyo kuwo kale oo hoos yimaada deegaanka Cayn oo ay dhibaato biyo iyo la'aan ahi ay ka jirtay kaddib markii laba xili roobaad ay baaqdeen.

Roobabkan ayaa maasheeyay degaanno baaxad leh oo Koonfurta degmada Laascaanood oo ay ka mid yihiin: Qabri-bayax, Dan, Karin-dabayl-weyn, halka dhinaca galbeedna maanta hoglo xooggani maasheeyeen deegaanada Xidh-xidh, Dharkeyn, Laasa-daar, Yeyle iyo qaar kal oo badan, sida uu noo sheegay, Maxamuud Warsame Cali oo soo maray deegaannadaas kuna sugan magaalada Laascaanood.

Roobka guga oo ah sida ay sheegayaan waayeel badan mid aan horay looga baran deegaannadan inuu ka bilaabmo xiligan ayaa haddana ah mid leh mug iyo iyo miisaan ay reer guuragu ku tilmaameen; iyadoo biya-qabadyada intooda badan uu roobkani buuxiyay ayaa waxaa jira deegaanno aan illaa hadda biyo roob arag oo u badan degmooyinka Xuddun iyo Taleex.

Dhinaca kale, degmada Buuhoodle ayay roobabkan buuxiyeen balliyadda iyo Baraagaha dhulka hawdka ah ee oomanaha u badan ku yaalla, sida uu HOL u sheegy, Maxamed Yuusuf Xirsi oo ku sugan magaalada Xamar-lagu-xidh oo ku dhawaad 30-km bari kaga beegan magaalada Buuhoodle.

Roobabkan oo aan wax qasaare ah aan illaa hadda geysan marka laga reebo xoolo dhibicda roob waxyeello gaarsiisay habeenimadii xalay deegaanno ku badan, taasoo ay sababtay xoolaha oo aan tamar ay isaga celiyaan roobka lahayn, waxaana la saadaalinayaa inay sidaan kusii socdaan.

Dadweynaha degaannadaas ku nool ayaa si aad ah u hadal-haya raxmaadka Rabbi iyo dhibaatooyinka weli raadkoodii sii muuqdaan oo laba maalmood ka hor qayla-dhaantii u dambaysay ay ka taagnayd walow weli dhibkii sii daba leeyahay haddana waxaa la qiyaasayaa in 70% laga gudbay.   





Saynab Cabdi Warsame, Hiiraan Online
seynab@hiiraan.com
Laascaanood, Gobolka Sool





Post your comments

2013-03-23 2:37 PM EST
Sabti, Maarso 23, 2013 (HOL) — Barakacyaashii ku noolaa Baydhabo ayaa billaabay inay dib ugu laabtaan tuulooyinkii ay markii hore ka yimaadeen kaddib markii ay waayeen cid taakuleysa ama dib u dejin u samaysa.

2013-03-23 2:12 PM EST
Sabti, Maarso 23, 2013 (HOL) — Labo arday oo dhiganayay dugsi Qur’aan ayaa ku dhintay saddex kalena way ku dhaawacmeen kaddib markii ay ku qaraxday walax ay garaaceen sida uu sheegay guddoomiyaha deegaanka Xeraale, Bashiir Daahir Yuusuf.

2013-03-23 8:24 AM EST
Sabti, Maarso 23, 2013 (HOL) — Wafdigan oo ka koobanaa sagaal xubnood ayaa waxaa ku soo dhaweeyay garoonka diyaaradaha magaalada Baladweyne mas’uuliyiinta ka tirsan maamulka gobollka Hiiraan.

2013-03-23 8:24 AM EST
Sabti, Maarso 23, 2013 (HOL) — Madaxweynaha Somaliland Axmed Maxamed Maxamuud Siillaanyo iyo wefti balaadhan oo uu hoggaaminayo ayaa maanta u ambabaxay dalka imaaraadka Carabta, kaddib markii ay mas'uuliyiinta dalka ka heleen casuumaad rasmi ah.

2013-03-23 8:23 AM EST
Sabti, 23 Maarso, 2013(HOL) - Ciidamada nabadsugidda degmada Kismaayo ayaa maanta soo bandhigay Walxaha qarxa oo ay saaka kasoo bixiyeen mid kamid ah wadooyinka waaweyn ee magaalada Kismaayo.

2013-03-23 8:18 AM EST
Sabti, Maarso 23, 2013 (HOL) — Dowladda Mareykanka ayaa ka bixitaanka ciidamada Itoobiya ee gobollada Bay iyo Bakool ku tilmaantay tallaabo aan loo baahnayn xilligan, iyagoo ku boorriyay ciidamada dowladda iyo kuwa AMISOM inay buuxiyaan goobaha ay banneeyeen ciidamada Itoobiya.

2013-03-23 7:47 AM EST
Sabti, 23 Maarso, 2013(HOL) - Wafdi uu horkacayo gudoomiyaha maamulka KMG ee degmada Kismaayo Sheekh Axmed Max’ed Islaam (Axmed Madoobe) ayaa maanta soo gaaray magaalada Kismaayo iyagoona kasoo kicitimay magaalada Nairobi ee dalka Kenya.

2013-03-23 3:26 AM EST
Sabti, Maarso 23, 2013 (HOL) — Kooxo hubeysan ayaa saakay ku toogtay xaafadda Celdheere ee degmada Dharkeynley haweeney ka mid ahayd shaqaalaha garoonka diyaaradaha Muqdisho, gaa rahaan waaxda socdaalka, iyadoo la toogtay xilli ay u socotay shaqadeeda, waxaana mana jirto sabab la ogyahay oo loo dilay iyo cidda dilkeeda ka dambeysay.

2013-03-23 3:24 AM EST
Sabti, Maarso 23, 2013 (HOL) — Wariye Maxamuud Cabdiraxmaan Beene-Beene oo ka mid ahaa wariyeyaashii ka howlgeli jiray warbaahinta dalka, balse sannadihii ugu dambeeyay ku noolaa dalka Kenya ayaa xanuun awgiis xalay ugu geeriyooday magaalada Gaarisa ee xarunta gobolka Waqooyi-bari ee dalka Kenya.

2013-03-23 3:23 AM EST
Sabti, Maarso 23, 2013 (HOL) — Xaalad cabsi leh ayaa saakay ka taagan degmada Marko ee xarunta gobolka Shabeellada Hoose, kaddib markii uu shalay halkaas ku dhexmaray dagaal khasaare geystay askar kawada tirsan ciidamada dowladda Soomaaliya; iyadoo saakay ay degmadaas aadeen saraakiil ka tirsan kuwa dowladda.