2014-11-23
Today from Hiiraan Online:  _
Wararka Maanta- Sabti, Mar 23, 2013
Mareykanka oo Muujiyay Walaaciisa ku Aaddan Ciidanka itoobiya ee billaabay inay isaga baxaan Koonfurta Soomaaliya


Sabti, Maarso 23, 2013 (HOL) — Dowladda Mareykanka ayaa ka bixitaanka ciidamada Itoobiya ee gobollada Bay iyo Bakool ku tilmaantay tallaabo aan loo baahnayn xilligan, iyagoo ku boorriyay ciidamada dowladda iyo kuwa AMISOM inay buuxiyaan goobaha ay banneeyeen ciidamada Itoobiya.

Kaaliyaha xoghayaha arrimaha dibadda ee Mareykanka Johnnie Carson oo war-saxaafadeed soo saaray ayaa ku sheegay in tallaabada ay qaateen ciidamada Itoobiya ay sababi karto in Al-shabaab ay dib ugu soo laabtaan deegaannadaas.

“Bixitaanka ciidamada Itoboiya ay ka baxeen deeganano ku yaalla koonfurta waa mid aan xilligan la filayn, waxaanse ciidamada Soomaalida iyo kuwa ay gacanta ka helaan ee AMISOM ku boorrinaynaa inay si dhaqso ah goobahaas ula wareegaan,” ayuu yiri Carson.

Sarkaalkan ayaa hadalkiisa ku daray in xukuumadda Washington ay aad uga walaacsn tahay sida ay xalaadud noqon karto haddi ciidamad Itoobiya ay si buuxdan uga baxaan deegaannada ay kaga sugan yihiin Koonfurta Soomaaliya.

Ciidamada Itoobiya oo aan qayb ka ahayn AMISOM ayaa waxay Axaddii hore si lama filaan ah uga baxeen degmada Xuddur oo ay muddo hal sano gacanta ku hayeen, halkasoo ay dib ugu laabteen xoogaggii Al-shababa ee laga saaray horaantii sannadkii hore.

Taliyaha ciidamada AMSIOM, Jen. Andrew Gutti ayaa sheegay inay ka go’an tahay inay ciidamadooda buuxiyaan boosaska ay banneeyaan kuwa Itoobiya oo sheegay inay dhawaan ka bixi doonaan deegaannada ay kaga sugan yihiin gobollada Bay iyo Bakool.

Dowladda Itoobiya weli kama aysan hadlin ka bixitaanka ciidamadeeda ay ka baxayaan deegaanno ku yaalla Koonfurta galbeed ee Soomaaliya, iyadoo ay Itoobiya si iskeed ah markii hore u soo galay Koonfurta iyo bartamaha dalka Soomaaliya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-23 2:37 PM EST
Sabti, Maarso 23, 2013 (HOL) — Barakacyaashii ku noolaa Baydhabo ayaa billaabay inay dib ugu laabtaan tuulooyinkii ay markii hore ka yimaadeen kaddib markii ay waayeen cid taakuleysa ama dib u dejin u samaysa.

2013-03-23 2:12 PM EST
Sabti, Maarso 23, 2013 (HOL) — Labo arday oo dhiganayay dugsi Qur’aan ayaa ku dhintay saddex kalena way ku dhaawacmeen kaddib markii ay ku qaraxday walax ay garaaceen sida uu sheegay guddoomiyaha deegaanka Xeraale, Bashiir Daahir Yuusuf.

2013-03-23 1:22 PM EST
Sabti, Maarso 23, 2013 (HOL) — Roobab mahiigaan ah ayaa maanta ka da'ay degaanno badan oo ka tirsan gobolka Sool iyo degaanno ku dhow-dhow oo ay ka mid tahay magaalada Buuhoodle iyo kuwo kale oo hoos yimaada deegaanka Cayn oo ay dhibaato biyo iyo la'aan ahi ay ka jirtay kaddib markii laba xili roobaad ay baaqdeen.

2013-03-23 8:24 AM EST
Sabti, Maarso 23, 2013 (HOL) — Wafdigan oo ka koobanaa sagaal xubnood ayaa waxaa ku soo dhaweeyay garoonka diyaaradaha magaalada Baladweyne mas’uuliyiinta ka tirsan maamulka gobollka Hiiraan.

2013-03-23 8:24 AM EST
Sabti, Maarso 23, 2013 (HOL) — Madaxweynaha Somaliland Axmed Maxamed Maxamuud Siillaanyo iyo wefti balaadhan oo uu hoggaaminayo ayaa maanta u ambabaxay dalka imaaraadka Carabta, kaddib markii ay mas'uuliyiinta dalka ka heleen casuumaad rasmi ah.

2013-03-23 8:23 AM EST
Sabti, 23 Maarso, 2013(HOL) - Ciidamada nabadsugidda degmada Kismaayo ayaa maanta soo bandhigay Walxaha qarxa oo ay saaka kasoo bixiyeen mid kamid ah wadooyinka waaweyn ee magaalada Kismaayo.

2013-03-23 7:47 AM EST
Sabti, 23 Maarso, 2013(HOL) - Wafdi uu horkacayo gudoomiyaha maamulka KMG ee degmada Kismaayo Sheekh Axmed Max’ed Islaam (Axmed Madoobe) ayaa maanta soo gaaray magaalada Kismaayo iyagoona kasoo kicitimay magaalada Nairobi ee dalka Kenya.

2013-03-23 3:26 AM EST
Sabti, Maarso 23, 2013 (HOL) — Kooxo hubeysan ayaa saakay ku toogtay xaafadda Celdheere ee degmada Dharkeynley haweeney ka mid ahayd shaqaalaha garoonka diyaaradaha Muqdisho, gaa rahaan waaxda socdaalka, iyadoo la toogtay xilli ay u socotay shaqadeeda, waxaana mana jirto sabab la ogyahay oo loo dilay iyo cidda dilkeeda ka dambeysay.

2013-03-23 3:24 AM EST
Sabti, Maarso 23, 2013 (HOL) — Wariye Maxamuud Cabdiraxmaan Beene-Beene oo ka mid ahaa wariyeyaashii ka howlgeli jiray warbaahinta dalka, balse sannadihii ugu dambeeyay ku noolaa dalka Kenya ayaa xanuun awgiis xalay ugu geeriyooday magaalada Gaarisa ee xarunta gobolka Waqooyi-bari ee dalka Kenya.

2013-03-23 3:23 AM EST
Sabti, Maarso 23, 2013 (HOL) — Xaalad cabsi leh ayaa saakay ka taagan degmada Marko ee xarunta gobolka Shabeellada Hoose, kaddib markii uu shalay halkaas ku dhexmaray dagaal khasaare geystay askar kawada tirsan ciidamada dowladda Soomaaliya; iyadoo saakay ay degmadaas aadeen saraakiil ka tirsan kuwa dowladda.