2014-09-19
Today from Hiiraan Online:  _
Wararka Maanta- Jimco, Mar 22, 2013
Xukuumadda Soomaaliya oo soo Bandhigtay Qorshe cusub oo lagu Xoojinayo Habka lagu bixinayo Gargaarka Soomaaliya


Jimco, Maarso 22, 2013 (HOL) — Xukuumadda Federaalka Soomaaliya ayaa soo bandhigtay hab ama qorshe cusub oo lagu xoojinayo sidii gargaarka lagu bixin lahaa gargaarka ama mucaawinooyinka, taasoo ay shegtay inay kula heshiisay hay’adaha caalamiga ah.

Madaxa xukuumadda Soomaaliya ayaa horay u sheegay in beesha Caalamka ay ku wargeliyeen inay bedelaan halka ay ku caawin jireen Soomaaliya, ayna tahay xilligan in Soomaaliya laga caawiyo waxyaabaha ay u baahan tahay.

“Xukuumad ahaan waan soo dhaweynaynaa habka cusub kaasoo ay heshiis ku gaareen Soomaaliya iyo dalalka deeqaha bixiya,” ayuu yiri Cabdullaahi Ciilmooge Xirsi oo ah wasiirka wafaafinta, isgaarsiinta iyo gadiidka dowladda Soomaaliya.

Isagoo hadalkiisa sii wata ayuu raaciyay: “Waxaan qirsannahay in qorshahan cusub uusan waxyeello u geysanayn qorshihii ay horay u dejiyeen dalalka G7 la yiraahdo ee lagu hirgsanayo horumarka maleeniyumka. Fulinta qorshahan cusub waa mid saldhig u noqonaya hab dhameystiran oo lagu xaqiijinayo inay deequhu gaaraan halkii ama dadkii loogu talogalay.”

Wasiirku wuxuu intaas ku daray in natiijada fulinta qorshahan lasoo bandhigi doono sannadkiiba mar, isagoo xusay inuu ku soconayo hab la isku raacsan yahay iyo isla-xisaabtan dhab ah.

Qorshahan ayuu sheegay wasiirku inay dajiyeen dalalka qaniga ah ee G7 iyo 19 dal oo colaaduhu ay saameyn ku yeesheen, isagoo xusay inuu qorshahan yahay mid cusub oo wax looga bedelayo habkii hore ee Soomaaliya lagu siin jiray gargaarka.

Arrintan ayuu sheegay inay saldhig u tahay shan ajande oo lagu doonayo in lagu soo celiyo nabadda laguna dhiso dalka. Wuxuuna raaciyay hadalkiisa in qorshahan uu yahay hab ay beesha caalamku ku go’aansatay inay wax ka bedesho habkii ay Soomaaliya gargaarka ku siin jireen.

Shanta qodob ayaa waxay kala yihiin: Siyaasad dhameystiran, ammaan, cadaalad, aasaaska dib u dhiska dhaqalaaha dalka iyo in u habeynta ciidamada qalabka sida.

Ugu dambeyn, wasiirka ayaa sheegay in xukuumadda Soomaaliya ay kala hadashay fulinta qorshahan cusub hay’adaha la shaqeeya oo ay ka mid yihiin: Qaramada Midoobay, Midowga Yurub, Bankiga Adduunka, hay’adda USAID iyo kuwo kale oo badan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-22 12:47 PM EST
Jimco, Maarso 22, 2013 (HOL) — Maydadka laba dhallinyaro ah oo toogasho lagu dilay ayaa laga helay maanta duleedka Koonfureed ee degmada Balad-xaawo ee gobolka Gedo, iyadoo aan la ogeyn cidda ka dambeysa dilkan iyo cid sheegatay.

2013-03-22 12:33 PM EST
Jimco, Maarso 22, 2013 (HOL) — Madaxweynaha Soomaaliya, Xasan Sheekh Maxamuud iyo danjiraha Jabuuti u fadhiya Soomaaliya, Dayib Dubad Rooble ayaa kulan ay ku yeesheen Muqdihso kaga dooday adkeyda xiriirka labada dal u dhexeeya, lana xoojiyo wadashaqeynta labada dal.

2013-03-22 12:22 PM EST
Jimco, Maarso 22, 2013 (HOL) — Askari ayaa ku dhintay saddex kalena way ku dhaawacmeen dagaal muddo socday oo ciidammo kawada tirsan kuwa dowladda Soomaaliya ku dhexmaray kartool laga galo degmada Marko ee xarunta gobolka Jubbada Hoose.

2013-03-22 3:17 AM EST
Jimco, Maarso 22, 2013 (HOL) — Aqoon-is-weydaarsi ku saabasan doorka dhallinyarada Soomaaliyeed ay ku yeelan karaan dib u dhiska iyo nabad ku soo celinta dalka ayaa lagu soo gabgabeeyay Muqdisho, iyadoo kulankan ay ka qaybgaleen dhallinyaro isugu jira rag iyo dumar.

2013-03-22 2:36 AM EST
Jimco, Maarso 22, 2013 (HOL) — Taliyaha ciidamadda Booliska Somaliland Sareeyo guuto Cabdilaahi Fadal Iimaan, ayaa sheegay inay mustafurinayaan nin ajanabi ah oo magaaladda Hargeysa ku faafinayey diinta misiixiga.

2013-03-22 2:34 AM EST
Jimco, Maarso 22, 2013 (HOL) — Maxkamadda dambiyada caalamka (ICC) ayaa sheegtay inay sii wadayso dacwadda loo haysto madaxweyaha dalka Kenya, Uhuru Kenyatta oo ku eedeysan inuu ku lug lahaa rabshado 2007-dii ka dhacay dalkaas, kaddib markii lagu murmay doorashadii madaxnimo ee xilligaas dhacday,