2014-04-16
Today from Hiiraan Online:  _
Wararka Maanta- Jimco, Mar 22, 2013
Iska-horimaad Ciidammo kawada Tirsan Dowladda Soomaaliya ku Dhexmaray Koontarool ku yaalla Degmada Marko

Jimco, Maarso 22, 2013 (HOL) — Askari ayaa ku dhintay saddex kalena way ku dhaawacmeen dagaal muddo socday oo ciidammo kawada tirsan kuwa dowladda Soomaaliya ku dhexmaray kartool laga galo degmada Marko ee xarunta gobolka Jubbada Hoose.

Iskahorimaadka ayaa yimid kaddib markii ciidammo ku sugnaa koontaroolka ay rasaas ku fureen gaari kuwa rakaabka ah, taasoo dhalisay dhimasho iyo dhaawac soo gaartay dadkii gaarigaas la socday.

“Dagaal muddo kooban socday ayaa ka dhacay koontarool laga soo galo degmada Marko, waxaana halkaas ku dhintay hal askari, saddex kale oo uu ku jiray sarkaal ka tirsan ciidamada dolwaddana wuu ku dhaawacmay,” ayuu yiri guddoomiyaha degmada Marko  C/raxmaan Macallin Cukaash oo saxaafadda la hadlay.

Goobjoogayaal ayaa sheegay in dagaalku uu ahaa mid culus oo ciidamadu ay isku adeegsadeen hubka fudud, iyadoo aan si dhab ah loo ogeyn khasaaraha ka dhashay iskahorimaadkaas, marka laga reebo warka laga soo xigtay guddoomiyaha degmada.

Xaaladda koontaroolkii uu dagaalku ka dhacay ayaa deggen iyadoo halkaas la geeyay ciidammo kale oo ka tirsan kuwa dowladda, waxaana sarkaalkii ku dhaawacmay iskahorimaadkaas lagu daweynayaa Isbitaal ay AMISOM ku leedahay Muqdisho.

“Waxaan amar ku bixiyay in lasoo xiro askariga gaariga shacabka watay ku furay rasaasta, kaasoo dagaalku uu ka billowday,” ayuu guddoomiyuhu hadalkiisa ku daray.

Degmada Marko ayaa waxay ka mid tahay degmooyinkii Al-shabaab laga qabsaday sannadkii hore, waxaana ku sugan ciidammo ka tirsan kuwa dowladda iyo kuwa Midowga Afirka, iyadoo aysan ahayn markii ugu horreysay uu iskahorimaad uu ku dhexmaro ciidamada kawada tirsan kuwa dowladda Soomaaliya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-22 1:15 PM EST
Jimco, Maarso 22, 2013 (HOL) — Xukuumadda Federaalka Soomaaliya ayaa soo bandhigtay hab ama qorshe cusub oo lagu xoojinayo sidii gargaarka lagu bixin lahaa gargaarka ama mucaawinooyinka, taasoo ay shegtay inay kula heshiisay hay’adaha caalamiga ah.

2013-03-22 12:47 PM EST
Jimco, Maarso 22, 2013 (HOL) — Maydadka laba dhallinyaro ah oo toogasho lagu dilay ayaa laga helay maanta duleedka Koonfureed ee degmada Balad-xaawo ee gobolka Gedo, iyadoo aan la ogeyn cidda ka dambeysa dilkan iyo cid sheegatay.

2013-03-22 12:33 PM EST
Jimco, Maarso 22, 2013 (HOL) — Madaxweynaha Soomaaliya, Xasan Sheekh Maxamuud iyo danjiraha Jabuuti u fadhiya Soomaaliya, Dayib Dubad Rooble ayaa kulan ay ku yeesheen Muqdihso kaga dooday adkeyda xiriirka labada dal u dhexeeya, lana xoojiyo wadashaqeynta labada dal.

2013-03-22 3:17 AM EST
Jimco, Maarso 22, 2013 (HOL) — Aqoon-is-weydaarsi ku saabasan doorka dhallinyarada Soomaaliyeed ay ku yeelan karaan dib u dhiska iyo nabad ku soo celinta dalka ayaa lagu soo gabgabeeyay Muqdisho, iyadoo kulankan ay ka qaybgaleen dhallinyaro isugu jira rag iyo dumar.

2013-03-22 2:36 AM EST
Jimco, Maarso 22, 2013 (HOL) — Taliyaha ciidamadda Booliska Somaliland Sareeyo guuto Cabdilaahi Fadal Iimaan, ayaa sheegay inay mustafurinayaan nin ajanabi ah oo magaaladda Hargeysa ku faafinayey diinta misiixiga.

2013-03-22 2:34 AM EST
Jimco, Maarso 22, 2013 (HOL) — Maxkamadda dambiyada caalamka (ICC) ayaa sheegtay inay sii wadayso dacwadda loo haysto madaxweyaha dalka Kenya, Uhuru Kenyatta oo ku eedeysan inuu ku lug lahaa rabshado 2007-dii ka dhacay dalkaas, kaddib markii lagu murmay doorashadii madaxnimo ee xilligaas dhacday,