2014-10-22
Today from Hiiraan Online:  _
Wararka Maanta- Jimco, Mar 22, 2013
Taliyaha Ciidanka Booliska Somaliland oo sheegay inay Mustaafurinayaan Nin la sheegay inuu Faafinayay Diinta Masiixiga


Jimco, Maarso 22, 2013 (HOL) — Taliyaha ciidamadda Booliska Somaliland Sareeyo guuto Cabdilaahi Fadal Iimaan, ayaa sheegay inay mustafurinayaan nin ajanabi ah oo magaaladda Hargeysa ku faafinayey diinta misiixiga.

Ninkan oo la shaqaynay hay’ada UN-HABITAT ee Qaramada midoobay oo loo soo kaxaystay Injineernimo, ayaa waxa soo dacweeyey hoteelku deganaa oo xukuumada ku wargaliyey inuu ninkaasi faafinayo diinta kiristaanka, ka dibna ay ciidamadda amnigu xabsiga u taxaabeen.

“Ninkii waanu qabanay waana mastaafurinaynaa, Waxa uu noqday nin ku kacay fal lidi ku ah Diinta Islaamka”ayuu yidhi taliyaha Booliska Somaliland Cabdilaahi Fadal, waxaanu intaas ku daray “ waxaananu la xidhiidhnay Hay’adda UN Habitat iyo Shirkadda  dhisme oo gaar loo leeyahay oo uu la shaqaynayey ,waxaanay ka bixiyeen raaligelin buuxda, Waxa ay noo sheegeen in uu Dalka u yimid tababarka Injineerada Hay’addaha UN-ka, balse markii ay ogaadeen in uu ku jiro Faafinta Diinta Masiixiga waxa ay u arkeen in aanay masuul ka noqon Karin”.

Ninkan ayaa la sheegay inuu hoteelka uu deganaa si qarsoodi ah ku daadin jiray waraaqo diinta misiiga ah si dadku akhristaan, kuwaas oo baadhitaan ka dib ogaaday , isla markaana u soo gudbiyey xukuumadda si sharciga loo horgeeyo.

Dhinaca kale, Taliyuhu wuxu sheegay inay wax ka qabteen dhallinyaro habeenno dhawayd khalkhalgalisay amniga, kuwaas oo dadka waxyeelaynayey, waxaanu xusay inuu qaarkood xidhxidheen oo sharciga la horgeyn doono, isla markaana cidii dambe ee falal amni daro ah lagu qabto xabsiga loo taxaabi doono, isagoo waalidkoodna ugu baaqay inay caruurtooda ka war hayaan.

Barkhad-Ladiif M. Cumar, Hiiraan Online
barkhadladiif@hiiraan.com
Hargeysa, Somaliland





Post your comments

2013-03-22 1:15 PM EST
Jimco, Maarso 22, 2013 (HOL) — Xukuumadda Federaalka Soomaaliya ayaa soo bandhigtay hab ama qorshe cusub oo lagu xoojinayo sidii gargaarka lagu bixin lahaa gargaarka ama mucaawinooyinka, taasoo ay shegtay inay kula heshiisay hay’adaha caalamiga ah.

2013-03-22 12:47 PM EST
Jimco, Maarso 22, 2013 (HOL) — Maydadka laba dhallinyaro ah oo toogasho lagu dilay ayaa laga helay maanta duleedka Koonfureed ee degmada Balad-xaawo ee gobolka Gedo, iyadoo aan la ogeyn cidda ka dambeysa dilkan iyo cid sheegatay.

2013-03-22 12:33 PM EST
Jimco, Maarso 22, 2013 (HOL) — Madaxweynaha Soomaaliya, Xasan Sheekh Maxamuud iyo danjiraha Jabuuti u fadhiya Soomaaliya, Dayib Dubad Rooble ayaa kulan ay ku yeesheen Muqdihso kaga dooday adkeyda xiriirka labada dal u dhexeeya, lana xoojiyo wadashaqeynta labada dal.

2013-03-22 12:22 PM EST
Jimco, Maarso 22, 2013 (HOL) — Askari ayaa ku dhintay saddex kalena way ku dhaawacmeen dagaal muddo socday oo ciidammo kawada tirsan kuwa dowladda Soomaaliya ku dhexmaray kartool laga galo degmada Marko ee xarunta gobolka Jubbada Hoose.

2013-03-22 3:17 AM EST
Jimco, Maarso 22, 2013 (HOL) — Aqoon-is-weydaarsi ku saabasan doorka dhallinyarada Soomaaliyeed ay ku yeelan karaan dib u dhiska iyo nabad ku soo celinta dalka ayaa lagu soo gabgabeeyay Muqdisho, iyadoo kulankan ay ka qaybgaleen dhallinyaro isugu jira rag iyo dumar.

2013-03-22 2:34 AM EST
Jimco, Maarso 22, 2013 (HOL) — Maxkamadda dambiyada caalamka (ICC) ayaa sheegtay inay sii wadayso dacwadda loo haysto madaxweyaha dalka Kenya, Uhuru Kenyatta oo ku eedeysan inuu ku lug lahaa rabshado 2007-dii ka dhacay dalkaas, kaddib markii lagu murmay doorashadii madaxnimo ee xilligaas dhacday,