2014-04-16
Today from Hiiraan Online:  _
Wararka Maanta- Khamiis, Mar 21, 2013
Gudiga Isboortiga Gobolka J/hoose oo u mahadceliyay xubno ka tirsan Qurba joogta gobolka

Khamiis, 21 Maarso, 2013(HOL) - Gudiga isboortiga gobolka J/hoose oo maanta shir jara’aid ku qabtay xafiiskooda magaalada Kismaayo ayaa u mahadceliyay shaqsiyaad ay sheegeen in ay gacan weyn ka geysteen sidii dib loogu dhisi lahaa Isboortiga gobolka J/hoose.

Gudoomiyaha xiriirka Kubadda Cagta ee gobolka J/hoose C/laahi Ducaale Big ayaa si kulul u cambaareeyay warar uu ku sheegay been abuur, kuwaasoo uu xusay in ay faafiyeen qaar kamid ah warbaahinta Soomaalida islamarkaasina lagu dacaayadeynayo Isboortiga Gobolka iyo dadka gacanta ka geysanaya, wuxuuna u mahadceliyay Cumar Dheere oo ka mid ah qurba joogta gobolka J/hoose oo ay sheegeen in ay ugu deeqay qalab Isboorti oo ay ku wareejiyeen ciyaartooyda degmada Kismaayo.

“Isboortiga gobolka J/hoose oo dhan wax qabiil ah kama jiro, warqado ayaa la qoray anigoo gudoomiyaha xiriirka kubadda Cagta ee gobolka xitaa magaceyga ayaa la isticmaalay, waxaan cadeynayaa in wararkaasi ay yihiin kuwo aan sal iyo raad toona lahayn,” ayuu hadalkiisii raaciyay.

Mr. big ayaa  ugu baaqay qurba joogta gobolka J/hoose in ay ku daydaan xubnaha qurba joogta ee ku howlan wax u qabadka Isboortiga gobolka, islamarkaasina ay ka fogaadaan waxwalba oo keeni kara kala fogaansho iyo cadaawad.

Sidoo kale gudoomiyaha xiriirka Kubadda Cagta ee degmada Kismaayo C/rashiid Max’ed Aadan (FoorFoor) oo isna goobta ka hadlay ayaa sheegay in Isboortigu yahay mid ka qeybqaata isdhexgalka bulshada, islamarkaasina ay mamnuuc ka yihiin qabyaaladda iyo dhamaan wixii keeni kara kala fogaansho.

Gudoomiyaha ayaa sidoo kale xusay in uu aad uga xunyahay warar uu ku sheegay been abuur, islamarkaasina uu tilmaamay in ay ahaayeen kuwo lagu waxyeeleynayay sumcadda Isboorita gobolka iyo weliba dadka gacanta ka geysanaya sidii sare loogu qaadi lahaa.

Ugu danbeyn masuuliyiintani ayaa sheegay  in Isboortiga gobolka J/hoose ay wax weyn iska badaleen xilli dhawaan lasoo gabagabeeyay tartan u dhexeeyay kooxaha heerka 1-aad ee gobolka J/hoose, wuxuuna sidoo kale sheegay in dhawaan ay bilaabi doonaan tartan ciyaareed dhexmari doona kooxaha kala duwan ee ka dhisan degmada Kismaayo.

Xasan Nuur, Hiiraan Online.
Hnur@hiiraan.com
Kismaayo-Soomaaliya.


 





Post your comments

2013-03-21 3:22 PM EST
Khamiis, Maarso 21, 2013 (HOL) — Hal qof ayaa ku dhintay, saddex qof oo uu ku jiray sarkaal ka tirsan ciidamada dowladda ayaa ku dhaawacmay qarax ismiidaamin ah oo ka dhacay gudaha suuqa Bakaaraha, kaasoo lagu bartilmaameedsanayay ciidammo ka tirsan kuwa dowladda Soomaaliya.

2013-03-21 2:26 PM EST
Khamiis, Maarso 21, 2013 (HOL) — Taliyaha ciidamada Midowga Afrika ee AMISOM, Jen. Andrew Gutti ayaa maanta shaaca ka qaaday in ciidamadooda ay isku diyaarinayaan sidii ay ula wareegi lahaayene goobihii ay Itoobiya kala baxday ciidamadeeda.

2013-03-21 1:45 PM EST
Khamiis, Maarso 21, 2013 (HOL) — Golaha wasiiradda Soomaaliya ayaa maanta isugu yimid shirkoodii joogtada ahaa, kaasoo uu guddoominayay ra’iisul wasaaraha, Cabdi Faarax Shirdoon (Saacid), iyadoo looga hadlay qodobbo dhawr ah oo ay ka mid ahaayeen qorshe loogu magac-daray “The New Deal”, arrimaha amniga iyo soo celinta hantidii dowladda, gaar ahaana warshaddihii dalka.

2013-03-21 1:16 PM EST
Khamiis, Maarso 21, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kormeer howleed ku tagay dekedda weyn ee magaalada, waxaana kormeerkan ku wehlinayay xubno dowladda ka tirsan, wuxuuna socod ku maray bakhaarada dekedda iyo goobaha kale oo ay ka kooban tahay dekedda.

2013-03-21 11:12 AM EST
Khamiis, 21 Maarso, 2013(HOL):- Laba askari ayaa ku dhimatay mid kalena waxaa kasoo gaaray dhaawac kadib markii ay israsaaseyn dhexmartay askar kawada tirsan ciidamada dowladda Soomaaliya ee magaalada Kismaayo.

2013-03-21 10:48 AM EST
Khamiis, 21 Maarso, 2013(HOL) - Wafdi uu hogaaminayo ra’isul wasaaraha dowladda federaalka Soomaaliya Mudane Cabdi faarax Shirdoon Saacid ayaa la filayaa in uu dhawaan soo gaaro magaalada Kismaayo ee xarunta Gobolka J/hoose sida ay warbaahinta u xaqiijiyeen xubno ka tirsan masuuliyiinta shirka maamul u sameynta Jubooyinka.

2013-03-21 8:26 AM EST
Khamiis, Maarso 21, 2013 (HOL) — Afar ka mid ah ciidamada xoogga dalka ayaa siyaabo kala duwan loogu dilay degmada Dayniile ee gobolka Banaadir, gaar ahaan xaafadaha ku teedsan jidka warshadaha.

2013-03-21 8:09 AM EST
Khamiis, Maarso 21, 2013 (HOL) — Magaalooyinka Somaliland ayaa maanta laga xusay maalinta biyaha aduunka oo si weyn loogu dabaaldegay qiimaha ay leeyihiin biyuhu.

2013-03-21 7:51 AM EST
Khamiis, Maarso 21, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ku saabsan Xuquuqda Aadanaha kula yeeshay maanta xarunta madaxtooyada khabiir Qaramada Midoobay u qaabilsan dhinaca xuquuqda aadanaha, Shamsul Baari.

2013-03-21 2:53 AM EST
Khamiis, Maarso 21, 2013 (HOL) — Ururka Midowga Yurub ayaa lacag dhan 43-milyan oo doollar ugu deeqay ciidamada Midowga Afrika ee AMISOM ee ka howgala Soomaaliya, waxaana gargaarkan lagu dhawaaqay Talaadadii lasoo dhaafay ee bishan Maarso ay ahayd 19-ka.

2013-03-21 2:30 AM EST
Khamiis, Maarso 21, 2013 (HOL) — Waaxda arrimaha dibadda Mareykayka ayaa soo saartay warbixin lacago lagu dul dhigay madaxa laba ruux oo u dhashay dalka Mareykanka oo ka barbar dagaalama Al-shabaab oo xiriir la leh Al-Qaacida.

2013-03-21 1:58 AM EST
Khamiis, Maarso 21, 2013 (HOL) — Ugu yaraan laba qof ayaa ku dhintay in ka badan afar kalena way ku dhaawacmeen iskahorimaad kooxo malleeshiyo ah ku dhexmaray xalay koonfurta magaalada Gaalkacyo ee xarunta gobolka Mudug.