3/19/2024
Today from Hiiraan Online:  _
Wararka Maanta- Khamiis, Mar 21, 2013
Mareykanka oo Malaayiin Doollar dul-dhigay Xubno Mareykan ah oo ka Barbar Dagaalama Xarakada Al-shabaab


Khamiis, Maarso 21, 2013 (HOL) — Waaxda arrimaha dibadda Mareykayka ayaa soo saartay warbixin lacago lagu dul dhigay madaxa laba ruux oo u dhashay dalka Mareykanka oo ka barbar dagaalama Al-shabaab oo xiriir la leh Al-Qaacida.

Cumar Xamaami oo loo yaqaan Abuu-Mansuur Al-Amriiki iyo Jehad Serwan oo loo yaqaan Mustaf ayaa la dul-dhigay shan milyan oo doollar, iyadoo la siin doono lacagtaas ciddii warbixintooda soo sheegta. Iyadoo labadan ruux ay ku jiraan liiska dadka ay FBI-da Mareykanku doon-doonayso.

“Xamaami iyo Mustafa waxaa xubno ka tirsan Al-shabaab, waxayna Al-shabaab ka caawiyaan dhinacyada milateriga iyo lacagaha ay ku dagaalanto kooxdan,” ayaa lagu yiri wraka kasoo baxay wasaaradda arrimaha dibadda Mareykanka.

Warbixinta wasaaradda arrimaha dibadda Mareykanka ayaa lagu sheegay in labadan nin ee la doon-doonayo la rumeysan yahay inay ku sugan yihiin Soomaaliya, ayna si wanaagsan ugu hadlaan afafka Ingiriiska, Carabiga iyo Soomaaliga intaba.

Sarkaal u hadlay FBI-da Mareykanka ayaa sheegay in Xamaami iyo Mustafa ay wadaan qorshe ay ku weerarayaan dadka Mareykanka ah iyo hantidooda. “Waxaa la aaminsan yahay in labadan ruux ay ku lug leeyihiin qorshe lagu doonayo in lagu waxyeelooyo dadka Ameerikaank ah.”

Xamaami oo 29-jir ah kana soo jeeda gobolka Alabama ayaa wuxuu tagay Soomaaliya sannadkii 2006, isagoo ku biiray Al-shabaab, isagoo tababar ku qaatay gudaha Soomaaliya, isagoo ah dagaalgeliyo weyn oo Al-shabaab ka tirsan.

“Weli waxaan rumeysannahay inuu yahah shaqsi weyn oo muhiim u ah howlaha Al-shabaab ee ka socda gudaha Soomaaliya,” ayuu yiri sarkaal u hadlay FBI-da Mareykanka oo wareysi siiyay telefishinka CNN ee Mareykanka laga leeyahay.

Mustafa oo la rumeysan yahay in da’diisu u dhexeyso 27 illaa 32 sano oo ku dhashay gobolka Wisconsin ee dalka Mareykanak ayaa wuxuu Soomaaliya u safray sannadkii 2005, isago ku biiray dagaalyahannada Al-shabaab, isagoo ka mid ah dagaalgeliyayaasha xoogagga kooxdan.

Hadalkan ayaa wuxuu imaanayaa xilli Al-shabaab ay dhawaan sheegtay in Cumar Xamaami uusan ka mid ahayn hoggaamiyeyaashooda dagaalka, sidoo kalena uusan wax lacago ah u soo ururin, balse uu yahay dagaalyahan ka mid ah dagaalyahannada Al-shabaab la safan.

Mareykanka ayaa horay toddoba milyan oo Dollar ciddii soo sheegta warbixin ku saabsan halka ay ku sugan yihiin kuwasoo dhammaantood ah Soomaali la sheegay inay xudun u yihiin dagaallada Al-shabaab ay kawaddo Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/21/2013 3:22 PM EST
Khamiis, Maarso 21, 2013 (HOL) — Hal qof ayaa ku dhintay, saddex qof oo uu ku jiray sarkaal ka tirsan ciidamada dowladda ayaa ku dhaawacmay qarax ismiidaamin ah oo ka dhacay gudaha suuqa Bakaaraha, kaasoo lagu bartilmaameedsanayay ciidammo ka tirsan kuwa dowladda Soomaaliya.

3/21/2013 2:26 PM EST
Khamiis, Maarso 21, 2013 (HOL) — Taliyaha ciidamada Midowga Afrika ee AMISOM, Jen. Andrew Gutti ayaa maanta shaaca ka qaaday in ciidamadooda ay isku diyaarinayaan sidii ay ula wareegi lahaayene goobihii ay Itoobiya kala baxday ciidamadeeda.

3/21/2013 1:45 PM EST
Khamiis, Maarso 21, 2013 (HOL) — Golaha wasiiradda Soomaaliya ayaa maanta isugu yimid shirkoodii joogtada ahaa, kaasoo uu guddoominayay ra’iisul wasaaraha, Cabdi Faarax Shirdoon (Saacid), iyadoo looga hadlay qodobbo dhawr ah oo ay ka mid ahaayeen qorshe loogu magac-daray “The New Deal”, arrimaha amniga iyo soo celinta hantidii dowladda, gaar ahaana warshaddihii dalka.

3/21/2013 1:16 PM EST
Khamiis, Maarso 21, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kormeer howleed ku tagay dekedda weyn ee magaalada, waxaana kormeerkan ku wehlinayay xubno dowladda ka tirsan, wuxuuna socod ku maray bakhaarada dekedda iyo goobaha kale oo ay ka kooban tahay dekedda.

3/21/2013 11:12 AM EST
Khamiis, 21 Maarso, 2013(HOL):- Laba askari ayaa ku dhimatay mid kalena waxaa kasoo gaaray dhaawac kadib markii ay israsaaseyn dhexmartay askar kawada tirsan ciidamada dowladda Soomaaliya ee magaalada Kismaayo.

3/21/2013 10:48 AM EST
Khamiis, 21 Maarso, 2013(HOL) - Wafdi uu hogaaminayo ra’isul wasaaraha dowladda federaalka Soomaaliya Mudane Cabdi faarax Shirdoon Saacid ayaa la filayaa in uu dhawaan soo gaaro magaalada Kismaayo ee xarunta Gobolka J/hoose sida ay warbaahinta u xaqiijiyeen xubno ka tirsan masuuliyiinta shirka maamul u sameynta Jubooyinka.

3/21/2013 9:56 AM EST
Khamiis, 21 Maarso, 2013(HOL) - Gudiga isboortiga gobolka J/hoose oo maanta shir jara’aid ku qabtay xafiiskooda magaalada Kismaayo ayaa u mahadceliyay shaqsiyaad ay sheegeen in ay gacan weyn ka geysteen sidii dib loogu dhisi lahaa Isboortiga gobolka J/hoose.

3/21/2013 8:26 AM EST
Khamiis, Maarso 21, 2013 (HOL) — Afar ka mid ah ciidamada xoogga dalka ayaa siyaabo kala duwan loogu dilay degmada Dayniile ee gobolka Banaadir, gaar ahaan xaafadaha ku teedsan jidka warshadaha.

3/21/2013 8:09 AM EST
Khamiis, Maarso 21, 2013 (HOL) — Magaalooyinka Somaliland ayaa maanta laga xusay maalinta biyaha aduunka oo si weyn loogu dabaaldegay qiimaha ay leeyihiin biyuhu.

3/21/2013 7:51 AM EST
Khamiis, Maarso 21, 2013 (HOL) — Madaxweynaha Soomaaliya, Xasan Sheekh Maxamuud ayaa kulan ku saabsan Xuquuqda Aadanaha kula yeeshay maanta xarunta madaxtooyada khabiir Qaramada Midoobay u qaabilsan dhinaca xuquuqda aadanaha, Shamsul Baari.

3/21/2013 2:53 AM EST
Khamiis, Maarso 21, 2013 (HOL) — Ururka Midowga Yurub ayaa lacag dhan 43-milyan oo doollar ugu deeqay ciidamada Midowga Afrika ee AMISOM ee ka howgala Soomaaliya, waxaana gargaarkan lagu dhawaaqay Talaadadii lasoo dhaafay ee bishan Maarso ay ahayd 19-ka.

3/21/2013 1:58 AM EST
Khamiis, Maarso 21, 2013 (HOL) — Ugu yaraan laba qof ayaa ku dhintay in ka badan afar kalena way ku dhaawacmeen iskahorimaad kooxo malleeshiyo ah ku dhexmaray xalay koonfurta magaalada Gaalkacyo ee xarunta gobolka Mudug.