2014-11-23
Today from Hiiraan Online:  _
Wararka Maanta- Arbaco, Mar 20, 2013
Maxkamadda Hargeysa oo xukun ku ridday Boqor Raabbi oo lagu eedeeyay in uu shir kaga qayhgalay Magaalada Muqdisho


Arbaco, Maarso 20, 2013 (HOL) — Maxkamadda Hargeysa ayaa maanta xukun laba sano ah ku ridday boqor Raabbi Yuusuf Cabdullaahi laba sano oo xarig ah, kaddib markii lagu eedeeyay inuu ka qaybgalay shir loo horjeedo madaxbannaanida Somaliland oo ka dhacay Muqdisho, uuna wax kasoo xulay baarlamaanka Soomaaliya.

Boqor Raabbi oo muddo 45 maalmood ah ku xirnaa xabsiga Hargeysa ayaa dib loogu celiyay halkaas markii uu xukunku dhacay, iyadoo garyaqaanka u doodayay boqorka uu sheegay in xukunka uu yahay mid aan cadaalad ku saleysnayn.

“Xukunkan waxaan u cuskannay qodobka 212 ee xeerka ciqaabta guud ee Somaliland, kaddib markii boqorka ay ku caddaatay inuu ka qaybgalay shir looga soo horjeedo madaxbannaanida iyo gooni-isu-taagga Somaliland, sidoo kalena uu ka mid ahaa xubnihii soo xulay baarlamaanka Somaliland,” ayuu yiri garsooraha maxkamadda Hargeysa, Cismaan Ibraahim Daahir oo si kooban ula hadlay warbaahinta.

Garyaqaanka u doodayay boqor Raabbi oo lagu magacaabo Maxamed Axmed Obokor oo isaguna warbaahinta kula hadlay dibadda maxkamadda markii uu xukunku dhacay ayaa sheegay in xukunka maxkamaddu uu ka horimaanayo xeerarka Somaliland kana fog cadaaladda; isagoo sheegay inay rafcaan ka qaadan doonaan xukunkan.

Wariyeyaashii ku sugnaa goobta uu xukunku ka dhacayay ayaa loo diiday inay codadka duubtaan ama ay sawirro qaataan, iyadoo la arkayay boqorka oo ilko caddeynaya markii la xukumay.

Shirkii Muqdisho ee lagu soo dhisay baarlamaanka laguna ansixiyay dastuurka KMG ahaa ee dalka ayaa waxaa ka qaybgalay xubno ka socday Somaliland oo uu ka mid ahaa boqorka maanta ay xukuntay maxkamadda Hargeysa ee Somaliland.

Xeerarka Somaliland ayaa dhigaya in cid walba oo lagu helo inay Somaliland ahaan uga qaybgashay shir ka dhacaya Koonfurta ama mas’uuliyad ka qabata xukuumadda Soomaaliya ee dib ugu laabta Somailland la xiri doono lana xukumi doono.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-20 2:19 PM EST
Arbaco, Maarso 20, 2013 (HOL) — Madaxweynaha Mareykanka, Barack Obama ayaa safarkiisii ugu horreeyay ku tagay dalka Israa’iil tan iyo markii xilka madaxweynimo ee dalkaas loo doortay, isagoo mar labaad ku guuleystay xilkan, waxaana garoonka diyaaradaha Tel Aviv ku soo dhaweeyay ra’iisul wasaaraha Israa’iil Benjamin Netanyahu iyo weliba madaxweynaha dalkaas, Shimon Peres.

2013-03-20 9:34 AM EST
Arbaco, Maarso 20, 2013 (HOL) — Kulan ballaaran oo ay ka qayb-galeen, waxgarad, salaaddiin, culumaa’uddiin, aqoonyahanno iyo saraakiil kasoo jeeda gobolka Hiiraan ayaa maanta lagu qabtay Magaalada Muqdisho, kaas oo looga hadlayay arrimo ku saabsan maamul u sameynta gobolka Hiiraan.

2013-03-20 8:28 AM EST
Arbaco, Maarso 20, 2013 (HOL) — In ka badan 20 ruux ayaa u geeriyootay cudurka shuban biyoodka halka in ka badan 60 oo isugu jira caruur iyo dad waaweyn u jiifaan xeryo gaar ah oo ay dulleedka magaalada ka hergaliyeen saraakiisha ciidamada Jabuuti si looga daweeyo dadka uu cudurka soo ridanayo.

2013-03-20 8:02 AM EST
Arbaco, Maarso 20, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta kulan ku yeeshay Muqdisho wafdi ka socday Qarammada Midoobay oo uu hoggaaminayay Shamsul Baari oo ah madaxa arrimaha xuquuqul insaanka ee Qaramada, iyadoo kulankaas looga hadlay ilaalinta xuquuqul insaanka Soomaaliya.

2013-03-20 7:20 AM EST
Arbaco, Maarso 20, 2013 (HOL) — Jen. Yuusuf Maxamed Siyaad (Indho-cadde) oo horay u soo noqday wasiir u dowlihii wasaaradda gaashaandhigga dowladdii KMG ahayd ayay ciidamada AMISOM ku xireen saakay muddo kooban garoonka diyaaradaha ee Muqdisho, kaddib markii uu muran soo dhexgalay.

2013-03-20 2:38 AM EST
Arbaco, Maarso 20, 2013 (HOL) — Ugu yaraan sagaal xubnood oo isugu jira saraakiil iyo dagaalyahanno ka tirsan Xarakada Al-shabaab ayaa ku dhintay qarax weyn oo xalay ka dhacay degmada Diinsoor ee gobolka Bay, iyadoo in ka badan 10 qof oo ku dhaawacmayna la dhigay isbitaalka Diinsoor.

2013-03-20 2:16 AM EST
Arbaco, Maarso 20, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in xukuumaddiisa ay ka go’an tahay inay dib ula wareegto degmada Xudur ee gobolka Bakool, halkaasoo ay la wareegeen xoogagga Al-shabaab Axaddii lasoo dhaafay markii ay ciidamadii Itoobiya iyo kuwii dowladda ay isaga baxeen.