2014-09-18
Today from Hiiraan Online:  _
Wararka Maanta- Talaado, Mar 19, 2013
Wasiirro ka tirsan Dowladda Somalia iyo Tailye xigeenka cusub ee Ciidamada Xoogga oo Gaaray Magaalada Baydhabo


Talaado, Maarso 19, 2013 (HOL) — Wafdi uu hoggaaminayay wasiir ku xigeenka wasaaradda gaashaandhigga Soomaaliya, Axmed maxamed Maxamuud oo uu ka mid yahay wasiir u dowlaha wasaaradda maaliyadda, Maxamed Rashiid Sheekh Daahir iyo abaanduulaha cusub ciidamada xoogga dalka, C/risaaq Khaliif Cilmi ayaa maanta gaaray magaalada Baydhabo ee xarunta gobolka Bay.

Wafdiga ayaa waxay magaalada Baydhabo kulammo kula yeesheen xubnaha maamulka gobolka iyo kan degmada, iyagoo kala hadlay xaaladda amni ee degmada Baydhabo iyo ciidamada dowladda oo mararka qaarkood halkaas ka sameeya gadood.

Socdaalka wafdiga ayaa wuxuu imaanayaa maalin kaddib markii ciidamada Itoobiya ay isaga baxeen degmada Xudur ee gobolka Bakool, halkaasoo ay dib ula wareegtay Al-shabaab oo muddo sannad ah ku sugnaa duleedyada degmadaas.

Booqashadan ayaa waxay sidoo kale imaanaysaa xilli xildhibaan Sheekh Aadan Madoobe oo ka mid ah baarlamaanka Soomaaliya oo ku sugan Baydhabo uu sheegay in saraakiisha Itoobiya ay ku wargeliyeen inay isaga bixi doonaan gobollada Bay iyo Bakool.

Markii ay ciidamada Itoobiya ay ka baxeen degmada Xudur Axaddii aynu soo dhaafnay ayaa waxay dhalisay walaac ah in ciidamada Itoobiya inay isaga baxaan dhammaan gobollada Koonfurta Soomaaliya.

Horraantii sannadkan ayaa ra’iisul wasaaraha Itoobiya wuxuu sheegay inay ciidamadiisu sii joogi doonaan gudaha Soomaaliya, tan iyo inta Al-shabaab laga adkaanayo, iyadoo aan la ogeyn waxyaabaha isbedelkan deg-degga ah keenay.

Inta la ogyahay in ka badan 2,000 oo qof oo ku noolaa degmada Xudur una badan haween iyo caruur ayaa degmadaas ka yaacay markii ay ciidamadii Itoobiya billaabeen inay isaga baxaan, kuwaasoo ka baqdin qabay inay ka dhici karaan gudaha iyo daafaha degmada iskahorimaadyo u dhexeeya labada dhinac.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-19 2:33 PM EST
Dood xiisa leh ayaa waxay ka dhacday magaalada Minneapolis ee gobolka MN. Doodaas oo lagu falanqeynayey "YAA KA DAMBEEYA DILALKA QORSHEYSAN"

2013-03-19 12:18 PM EST
Talaado, Maarso 19, 2013 (HOL) — Askari ka tisran ciidamada Kenya ayaa ku dhintay laba kalena way ku dhaawacmeen qarax gellinkii dambe ee maanta ka dhacay degmada Mandheera ee gobolka Waqooyi –bari ee dalka Kenya.

2013-03-19 11:37 AM EST
Talaado, Maarso 19, 2013 (HOL) — Kulan lagu gorfeynayey mashaariicdii horumarineed ee ay hay’adaha Qaramadda midoobay ka fuliyeen Somaliland sanadkii tagay ayaa maanta ka furmay hoteel Ambassador ee magaaladda Hargeysa.

2013-03-19 10:39 AM EST
Talaado, 19 Maarso, 2013(HOL) - Waxaa gudaha magaalada Kismaayo mudooyinkii u danbeeyay ka soconayay shirkii maamul u sameynta gobollada Jubooyinka, iyadoona shalay ay magaalada sooa gaareen ergo ka socotay gobolka Gedo, kuwaasoo qeyb ka ah xubnaha ka qeybqaadanaya dhismaha dowlad goboleedka Jubbaland.

2013-03-19 8:16 AM EST
Talaado, Maarso 19, 2013 (HOL) — Maxkamadda gobolka Banaadir ayaa ku ridday xukunno kala duwan lix ruux oo ka mid ahaa 12-qof oo maxakamada maanta la horkeenay, kuwaasoo eedeysnaa dambiyo isugu jira, kufsi, dilal iyo burcadnimo.

2013-03-19 7:41 AM EST
Talaado, Maarso 19, 2013 (HOL) — Beer ay maalgashadeen muwaadiniin reer Somaliland, ayaa koox dabley ahi ay habeen hore khasaare weyn soo gaadhsiiyey agabkii beerta yaalay, isla markaana ay burburiyeen konton geed oo Saytuun ah.

2013-03-19 7:32 AM EST
Talaado, Maarso 19, 2013 (HOL) — Dagaalyahanno taabacsan Xarakada Al-shabaab ayaa xalay gurigsiisa kala baxay, Sheekh Cabdiraxmaan Macallin Warsame oo 75-jir ahaa, isla markaana ahaa imaamkii masjidka weyn ee degmadaas, iyadoo maydkiisa oo qoorta laga jaray saakay laga helay god ku dhow gurigiisa.

2013-03-19 7:08 AM EST
Talaado, Maarso 19, 2013 (HOL) — Mas’uuliyiinta maamulka gobollka Hiiraan, saraakiisha ciidamada dowladda iyo kuwa Jabuuti ee howlgalka midowgga Africa AMISOM, odayaal dhaqameed, waxgarad, iyo boqolaal dadweyne ah oo ka kooban qeybaha bulshada oo ay ka mid yihiin ardeyda wax ka barata dugsiyada iyo jaamacada magaalada ayaa maanta siweyn u soo dhaweeyay Ugaas C/raxmaan Ugaas Khaliif oo dib ugu laabtay afar sano kaddib magaalada Baladweyne.

2013-03-19 2:29 AM EST
Talaado, Maarso 19, 2013 (HOL) — Xaflad shahaadooyin lagu gudoonsiiyay 260 arday oo bartay maaddooyinka caafimaadka iyo kambiyuutarka ayaa lagu qabtay xarunta Bisha Cas ee magaalada Laascaanood ee xarunta gobolka Sool.

2013-03-19 2:09 AM EST
Talaado, Maarso 19, 2013 (HOL) — Xildhibaan Sheekh Aadan Maxamed Nuur (Sheekh Aadan Madoobe) oo horay u ahaa guddoomiyaha baarlamaanka Soomaaliya oo ku sugan gobolka Bay ayaa sheegay in saraakiisha ciidamada Itoobiya ay ku wargeliyeen inay ka baxayaan dhammaan deegaannada ay kaga sugan yihiin gobollada Bay iyo Bakool.

2013-03-19 1:53 AM EST
Talaado, Maarso 19, 2013 (HOL) — Dowladda Soomaaliya ayaa maanta markii ugu horreysay gargaar cunno ah gaarsiinaysa deegaannadii laga saaray Al-shabaab ee gobolka Shabeellada hoose, iyadoo ammaanka jidka isku xira Muqdisho iyo Afgooye aad loo adkeeyay.