3/29/2024
Today from Hiiraan Online:  _
Wararka Maanta- Talaado, Mar 19, 2013
Hay’adaha Qaramada Midoobay iyo Somaliland oo yeeshay kulan lagu Eegay Mashaariicdii Sannadkii hore iyo kan soo socda

Talaado, Maarso 19, 2013 (HOL) — Kulan lagu gorfeynayey mashaariicdii horumarineed ee ay hay’adaha Qaramadda midoobay ka fuliyeen Somaliland sanadkii tagay ayaa maanta ka furmay hoteel Ambassador ee magaaladda Hargeysa.

Kulan oo socon doonna hal maalin ayaa loogu tallogalay in lagu eego mashaariicdii waxqabad ee ay fuliyeen hay’adahaasi, gaar ahaan hay’adda UNDP, kuwaas oo ay si wada jir ah u filiyeen xukuumadda iyo hay’adaasi, waxaana kulankaasi ka soo qaybgalay gudoomiyaha maxkamadda Sare, wasiiradda, Cadaaladda, Xananaadda xoolaha, Beeraha, qorsheynta qaranka, Maaliyadda, hawlaha guud iyo taliyaha booliska.

Sidoo kale waxa lagu qiimaynayey mashaariicda la doonayo in laga fuliyo sanadkan 2013 ka qaabkii ugu haboonaa ee looga faa’iidaysan karo iyo nidaamkii ay hay’aduhu iyo xukuumadda uga wada shaqayn lahaayeen.

Wasiiradan iyo madaxda ka socota hay’ada UNDP ayaa si wada jir ah isla qiimeeyey qaabkii loo maamulay mashaariicdaasi iyo waxyaalihii laga faa’iiday iyo mashaariicda soo socda ee sanadkan la qabanayo meelaha baahiyaha ugu badan ka jiraan iyo sidii wasaarad waliba u qorshaysay mashaariicdaasi ay dalka ka wadaan hay’adaha Qaramadda midoobay ee ka shaqeeya xaga horumarka.

Dhinaca kale, madaxweyne ku xigeenka Somaliland Md: C/raxmaan Saylici, ayaa furay kulan lagu soo bandhigayey 360 guri oo loo dhisayey qoysas danyar ah oo laga hirgaliyey xaafadda Ayax afar ee degmadda Axmed dhagax ee magaaladda Hargeysa.

Guryahan loo dhisayey qoysaskan danyarta ah waxa fulinayey hay’ada UN-HABITAT, iyadoo horana quryo badan ugu dhistay qoysaskaasi danyarta ah.

Wakiil ka socda hay’ada UN-HABITAT, ayaa sheegay inuu ku faraxsan mashruucan dadka danyarta ah guryo loogu dhisayo, waxaanu sheegay in guryahaasi ka kooban yihiin 360 guri.

Madaxweyne ku xigeekna Somaliland Md:Cabdiraxmaan Cabdilaahi Saylici oo kulankaasi soo xidhay ayaa u mahadnaqay cid kasta oo gacan ka geysatay hirgalinta mashruucaasi lagu caawinay dadweynaha reer Somaliland ee danyarta ah ee guryo ay galaan loogu dhisayo, waxa kale oo uu xusay in si gaar ah dawladda Japan u mahadnaqayaan maadama oo ay maalgalisay mashruucan, isla markaana ay fulinayaan hay’ada UN-HABITAT.

Mashruucan qoysaska danyarta ah guryo loogu dhisayo maaha kii kowaad, waxaase jiray qoysas kale oo badan oo guryo loo dhisay, waxaanay mashruucaasi maalgaliyey dawladda jaban, isla markaana ay fulisay hay’addan UN-HABITAT.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
3/19/2013 2:33 PM EST
Dood xiisa leh ayaa waxay ka dhacday magaalada Minneapolis ee gobolka MN. Doodaas oo lagu falanqeynayey "YAA KA DAMBEEYA DILALKA QORSHEYSAN"

3/19/2013 12:18 PM EST
Talaado, Maarso 19, 2013 (HOL) — Askari ka tisran ciidamada Kenya ayaa ku dhintay laba kalena way ku dhaawacmeen qarax gellinkii dambe ee maanta ka dhacay degmada Mandheera ee gobolka Waqooyi –bari ee dalka Kenya.

3/19/2013 12:02 PM EST
Talaado, Maarso 19, 2013 (HOL) — Wafdi uu hoggaaminayay wasiir ku xigeenka wasaaradda gaashaandhigga Soomaaliya, Axmed maxamed Maxamuud oo uu ka mid yahay wasiir u dowlaha wasaaradda maaliyadda, Maxamed Rashiid Sheekh Daahir iyo abaanduulaha cusub ciidamada xoogga dalka, C/risaaq Khaliif Cilmi ayaa maanta gaaray magaalada Baydhabo ee xarunta gobolka Bay.

3/19/2013 10:39 AM EST
Talaado, 19 Maarso, 2013(HOL) - Waxaa gudaha magaalada Kismaayo mudooyinkii u danbeeyay ka soconayay shirkii maamul u sameynta gobollada Jubooyinka, iyadoona shalay ay magaalada sooa gaareen ergo ka socotay gobolka Gedo, kuwaasoo qeyb ka ah xubnaha ka qeybqaadanaya dhismaha dowlad goboleedka Jubbaland.

3/19/2013 8:16 AM EST
Talaado, Maarso 19, 2013 (HOL) — Maxkamadda gobolka Banaadir ayaa ku ridday xukunno kala duwan lix ruux oo ka mid ahaa 12-qof oo maxakamada maanta la horkeenay, kuwaasoo eedeysnaa dambiyo isugu jira, kufsi, dilal iyo burcadnimo.

3/19/2013 7:41 AM EST
Talaado, Maarso 19, 2013 (HOL) — Beer ay maalgashadeen muwaadiniin reer Somaliland, ayaa koox dabley ahi ay habeen hore khasaare weyn soo gaadhsiiyey agabkii beerta yaalay, isla markaana ay burburiyeen konton geed oo Saytuun ah.

3/19/2013 7:32 AM EST
Talaado, Maarso 19, 2013 (HOL) — Dagaalyahanno taabacsan Xarakada Al-shabaab ayaa xalay gurigsiisa kala baxay, Sheekh Cabdiraxmaan Macallin Warsame oo 75-jir ahaa, isla markaana ahaa imaamkii masjidka weyn ee degmadaas, iyadoo maydkiisa oo qoorta laga jaray saakay laga helay god ku dhow gurigiisa.

3/19/2013 7:08 AM EST
Talaado, Maarso 19, 2013 (HOL) — Mas’uuliyiinta maamulka gobollka Hiiraan, saraakiisha ciidamada dowladda iyo kuwa Jabuuti ee howlgalka midowgga Africa AMISOM, odayaal dhaqameed, waxgarad, iyo boqolaal dadweyne ah oo ka kooban qeybaha bulshada oo ay ka mid yihiin ardeyda wax ka barata dugsiyada iyo jaamacada magaalada ayaa maanta siweyn u soo dhaweeyay Ugaas C/raxmaan Ugaas Khaliif oo dib ugu laabtay afar sano kaddib magaalada Baladweyne.

3/19/2013 2:29 AM EST
Talaado, Maarso 19, 2013 (HOL) — Xaflad shahaadooyin lagu gudoonsiiyay 260 arday oo bartay maaddooyinka caafimaadka iyo kambiyuutarka ayaa lagu qabtay xarunta Bisha Cas ee magaalada Laascaanood ee xarunta gobolka Sool.

3/19/2013 2:09 AM EST
Talaado, Maarso 19, 2013 (HOL) — Xildhibaan Sheekh Aadan Maxamed Nuur (Sheekh Aadan Madoobe) oo horay u ahaa guddoomiyaha baarlamaanka Soomaaliya oo ku sugan gobolka Bay ayaa sheegay in saraakiisha ciidamada Itoobiya ay ku wargeliyeen inay ka baxayaan dhammaan deegaannada ay kaga sugan yihiin gobollada Bay iyo Bakool.

3/19/2013 1:53 AM EST
Talaado, Maarso 19, 2013 (HOL) — Dowladda Soomaaliya ayaa maanta markii ugu horreysay gargaar cunno ah gaarsiinaysa deegaannadii laga saaray Al-shabaab ee gobolka Shabeellada hoose, iyadoo ammaanka jidka isku xira Muqdisho iyo Afgooye aad loo adkeeyay.