12/20/2014
Today from Hiiraan Online:  _
Wararka Maanta- Talaado, Mar 19, 2013
Ergooyinkii Shirka Maamul u Sameynta Jubbooyinka u Mateli lahayd sadexda Gobol oo Maanta la Magacaabay


Talaado, 19 Maarso, 2013(HOL) - Waxaa gudaha magaalada Kismaayo mudooyinkii u danbeeyay ka soconayay shirkii maamul u sameynta gobollada Jubooyinka, iyadoona shalay ay magaalada sooa gaareen ergo ka socotay gobolka Gedo, kuwaasoo qeyb ka ah xubnaha ka qeybqaadanaya dhismaha dowlad goboleedka Jubbaland.

Gudoomiyaha Gudiga Farsamada shirka maamul u sameynta Jubooyinka C/qani Cabdi Jaamac oo maanta shir jaraa’id ku qabtay gudaha xarunta Jaamacadda Kismaayo ayaa ka warbixiyay shirka iyo weliba halka uu marayo.

Gudoomiyaha ayaa sheegay in xarunta shirka uu ka soconayo ay kusoo qulqulayaan ergooyin ka kala imanaya gobollada Jubooyinka, wuxuuna xusay in shalay ay shirka kusoo biireen xubno ka socday gobolka Gedo, islamarakasina maalmaha soo socdo la filayo in ay soo gaareen ergo kale oo cusub oo iyaguna ka iman doonta isla gobolka Gedo.

Masuulkani ayaa sheegay in la qeybiyay ergooyinkii matali lahaa degmooyinka iyo gobollada Gedo , J/hoose iyo J/dhexe, isagoona sheegay in sedexda gobol midkiiba la siiyay 120 Ergo, wuxuuna xusay in ergadaasi aan lagu soo xulan qaab qabiil balse lagu soo xushay hab deegaameed.

“Waxaa lakala qeybsaday ilaa 485 Ergo 15-na waxaa laga dhigay Keyd si wixii hadhow soo baxo loogu xalliyo, 485-taa ergo waxaa loo kala qaatay, sedexda gobol, gobol walba waxaa la siiyay 120 Ergo, hadana gobol walba waxaa loogu daray 15-Ergo oo dumar ah,” ayuu yiri masuulkani.

Sidoo kale waxaa uu sheegay in gobolka Gedo la siiyay 30 Kursi oo dheeri ah, taasoo uu sabab uga dhigay gobolka Gedo oo ah gobol baaxad weyn, wuxuuna intaa ku daray in dagmo walba inta la siiyay ay dadkeeda ka fariisan doonaan islamarkaasina ay isaga soo xuli doonaan habkii ay doonaan.

Ergadani laga soo xulay sedexda gobol ayaa la filayaa in ay ansixiyaan axdiga KMG ee la doonayo in lagu maamulo gobollada Jubooyinka islamarkaasina ay u gudbaan dhismaha dowlad goboleedka Jubbaland State.

Xasan Nuur, Hiiraan Online.
Hnur@hiiraan.com
Kismaayo-Soomaaliya





Post your comments

3/19/2013 2:33 PM EST
Dood xiisa leh ayaa waxay ka dhacday magaalada Minneapolis ee gobolka MN. Doodaas oo lagu falanqeynayey "YAA KA DAMBEEYA DILALKA QORSHEYSAN"

3/19/2013 12:18 PM EST
Talaado, Maarso 19, 2013 (HOL) — Askari ka tisran ciidamada Kenya ayaa ku dhintay laba kalena way ku dhaawacmeen qarax gellinkii dambe ee maanta ka dhacay degmada Mandheera ee gobolka Waqooyi –bari ee dalka Kenya.

3/19/2013 12:02 PM EST
Talaado, Maarso 19, 2013 (HOL) — Wafdi uu hoggaaminayay wasiir ku xigeenka wasaaradda gaashaandhigga Soomaaliya, Axmed maxamed Maxamuud oo uu ka mid yahay wasiir u dowlaha wasaaradda maaliyadda, Maxamed Rashiid Sheekh Daahir iyo abaanduulaha cusub ciidamada xoogga dalka, C/risaaq Khaliif Cilmi ayaa maanta gaaray magaalada Baydhabo ee xarunta gobolka Bay.

3/19/2013 11:37 AM EST
Talaado, Maarso 19, 2013 (HOL) — Kulan lagu gorfeynayey mashaariicdii horumarineed ee ay hay’adaha Qaramadda midoobay ka fuliyeen Somaliland sanadkii tagay ayaa maanta ka furmay hoteel Ambassador ee magaaladda Hargeysa.

3/19/2013 8:16 AM EST
Talaado, Maarso 19, 2013 (HOL) — Maxkamadda gobolka Banaadir ayaa ku ridday xukunno kala duwan lix ruux oo ka mid ahaa 12-qof oo maxakamada maanta la horkeenay, kuwaasoo eedeysnaa dambiyo isugu jira, kufsi, dilal iyo burcadnimo.

3/19/2013 7:41 AM EST
Talaado, Maarso 19, 2013 (HOL) — Beer ay maalgashadeen muwaadiniin reer Somaliland, ayaa koox dabley ahi ay habeen hore khasaare weyn soo gaadhsiiyey agabkii beerta yaalay, isla markaana ay burburiyeen konton geed oo Saytuun ah.

3/19/2013 7:32 AM EST
Talaado, Maarso 19, 2013 (HOL) — Dagaalyahanno taabacsan Xarakada Al-shabaab ayaa xalay gurigsiisa kala baxay, Sheekh Cabdiraxmaan Macallin Warsame oo 75-jir ahaa, isla markaana ahaa imaamkii masjidka weyn ee degmadaas, iyadoo maydkiisa oo qoorta laga jaray saakay laga helay god ku dhow gurigiisa.

3/19/2013 7:08 AM EST
Talaado, Maarso 19, 2013 (HOL) — Mas’uuliyiinta maamulka gobollka Hiiraan, saraakiisha ciidamada dowladda iyo kuwa Jabuuti ee howlgalka midowgga Africa AMISOM, odayaal dhaqameed, waxgarad, iyo boqolaal dadweyne ah oo ka kooban qeybaha bulshada oo ay ka mid yihiin ardeyda wax ka barata dugsiyada iyo jaamacada magaalada ayaa maanta siweyn u soo dhaweeyay Ugaas C/raxmaan Ugaas Khaliif oo dib ugu laabtay afar sano kaddib magaalada Baladweyne.

3/19/2013 2:29 AM EST
Talaado, Maarso 19, 2013 (HOL) — Xaflad shahaadooyin lagu gudoonsiiyay 260 arday oo bartay maaddooyinka caafimaadka iyo kambiyuutarka ayaa lagu qabtay xarunta Bisha Cas ee magaalada Laascaanood ee xarunta gobolka Sool.

3/19/2013 2:09 AM EST
Talaado, Maarso 19, 2013 (HOL) — Xildhibaan Sheekh Aadan Maxamed Nuur (Sheekh Aadan Madoobe) oo horay u ahaa guddoomiyaha baarlamaanka Soomaaliya oo ku sugan gobolka Bay ayaa sheegay in saraakiisha ciidamada Itoobiya ay ku wargeliyeen inay ka baxayaan dhammaan deegaannada ay kaga sugan yihiin gobollada Bay iyo Bakool.

3/19/2013 1:53 AM EST
Talaado, Maarso 19, 2013 (HOL) — Dowladda Soomaaliya ayaa maanta markii ugu horreysay gargaar cunno ah gaarsiinaysa deegaannadii laga saaray Al-shabaab ee gobolka Shabeellada hoose, iyadoo ammaanka jidka isku xira Muqdisho iyo Afgooye aad loo adkeeyay.