2014-04-25
Today from Hiiraan Online:  _
Wararka Maanta- Jimco, Mar 1 , 2013
Wasiiradda Arrimaha dibadda ee Soomaaliya oo Nairobi kaga qaybgashay shir ay yeesheen Dalalka IGAD (SAWIRRO)
shir4.jpg

Jimco, March 01, 2013(HOL) - Ra’iisul wasaare ku xigeenka ahna wasiirka arrimaha dibadda ee Soomaaliya marwo Fawziya Yuusuf Xaaji Aadan ayaa ka qaybgashay shir ay yeesheen qaar kamid ah wasiirrada arrimaha dibadda ee wadamada ku bahoobay urur goboleedka IGAD.

Shirkan ayaa intiisii badnayd diiradda lagu saaray sidii ay Kenya uga dhici lahayd doorasho xasilooni ku dhammaata, iyadoo wadamadani ay ku boorriyeen shacbiga iyo dawlada Kenya inay iska ilaaliyaan waxwalba oo dalka dib ugu celin kara wixii dhacay 2007-2008-dii.

shir3.jpg

Wasiirka arrimaha dibadda ee Kenya Prof. Sam Ongeri ayaa sheegay in dawladu adkaysay amniga islamarkaana ay doorashadu ku dhammaan doonto si nabadgalyo ah, isagoo wadamada gobolkana uga mahad celiyay taageerada ay siinayaan Kenya.

Inkastoo ay jireen warar ay saxaafaddu isla dhex maraysay oo sheegayay in Soomaaliya, gaar ahaanna is afgaranwaaga ka taagan gobollada jubbooyinka in lagu soo qaaday shirka ayaa haddana uu arrintan ka gaabsaday wasiirka arrimaha dibadda ee Itoobiya Dr.Tedros Adhanom oo saxaafadda la hadlay.

“Ma doonayno inaan arrintan ka hadalno” ayuu yiri mar wax laga waydiiyay arrinta ka taagan Jubbooyinka.

Waxaana urur goboleedka IGAD ay kaalin muuqata ka ciyaarayaan taageerida maamul u samaynta gobollada Jubbooyinka, taasoo ay dawladda federaalka ah ee Soomaaliya doonayso in iyada looga dambeeyo.

shir2.jpg
shir5.jpg
shir.jpg

Axmed C/samad, Hiiraan Online
asamad@hiiraan.com
Nairobi , Kenya




Post your comments

2013-03-01 12:08 PM EST
Jimco, Maarso 01, 2013 (HOL) — Xoogag taabacsan ururka Al-shabaab ayaa maanta ku dilay deegaanka Awdiinle ee gobolka Bay ganacsade lagu magacaabi jiray, Aadan Shariif, kaddib markii ay kala dageen gaari uu la socday.

2013-03-01 11:57 AM EST
Jimco, Maarso 01, 2013 (HOL) — Maxkamadda ciidammada qalabka sida ee dowladda Soomaaliya ayaa xukunno dil ah ku ridday askar ka tirsan ciidamada dowladda, kuwaasoo horay u geystay dambiyo kala duwan oo ay ku jiraan dilal.

2013-03-01 11:10 AM EST
Jimco, Maarso 01, 2013 (HOL) — Qaar ka mid ah 135-tii oday dhaqameed ee soo xulay xildhibaannada baarlamanka Soomaaliya oo maanta kulan ku yeeshay magaalada Muqdisho ayaa kulankooda kaga hadlay xaaladda uu dalku marayo, dagaalladii Jubbooyinka xildhibaanno la sheegay inay wadaan mooshin ka dhan ah xukuumadda iyo waxqabadka dowladda Soomaliya inta ay jirtay.

2013-03-01 9:45 AM EST
Jimco, Maarso 01, 2013 (HOL) — Laba qarax oo waaweyn ayaa ka dhacay maqaayad ku taal xeebta Liido oo lagu magacaabo Indian Ocean iyadoona qaraxyadaasi ay sababeen khasaarooyin isugu jira dhimasho iyo dhaawac.

2013-03-01 8:58 AM EST
Jimco, Maarso 01, 2013 (HOL) — Ra’isul wasaaraha xukuumadda Federaalka Soomaaliya Cabdi Faarax Shirdoon (Saacid) ayaa markii ugu horeeysay sheegay in xukuumadiisu ay kasoo horjeedo habka uu u socdo shirka maamul u sameynta gobollada Jubooyinka ee maalinimadii shalay ka furmay magaalada Kismaayo ee xarunta gobolka J/hoose.

2013-03-01 2:50 AM EST
Jimco, Maarso 01, 2013 (HOL) — Ururka Midowga Yurub ayaa sheegay inay si dhaqso badan ugu rarayaan howsha tababaridda ciidamada Soomaaliya gudaha magalada Muqdisho ee xarunta Soomaaliya, halkaasoo lagu tababari doono ciidamada Soomaaliya.

2013-03-01 2:36 AM EST
Jimco, Maarso 01, 2013 (HOL) — Qiimaha Shiidaalka, gaar ahaan Naaftadda ayaa qiimahoodii kor u kacay Somaliland, taas oo keentay in gaadiidleydii magaaladda u kala gooshta iyo shirkadihii Laydhka ku hanjabaan inay qiimaha ay dadka ka qaadi jireen ku kordhin doonaan shacabka haddii aan wax laga qaban.

2013-03-01 2:33 AM EST
Jimco, Maarso 01, 2013 (HOL) — Bannaabax looga soo horjeedo doorashadii ka dhacday dalka Jabuuti iyo siyaasiyiinta lagu xir-xiray dalkaas ayaa lagu qabtay magaalada Ottawa. Bannaanbaxaas ayaa waxaa soo qaban-qaabiyay jaaliyadda reer Jabuuti ee ku nool magaalada Ottawa ee dalka Kanada.

2013-03-01 2:16 AM EST
Jimco, Maarso 01, 2013 (HOL) — Bandhig faneed ay ka qaybgaleen boqolaal qof oo loogu talo-galay in dhaqaalaha kasoo baxa lagu caawiyo caruurta darbiyo jiifka ah ayaa xalay lagu qabtay magaalada Muqdisho ee xarunta Soomaaliya.

2013-03-01 2:14 AM EST
Jimco, Maarso 01, 2013 (HOL) — Ciidamadda sida gaar ah u tobabaran ee loo yaqaan RRU-da oo ay wehelinayaan ciidamadda sirdoonka Somaliland, ayaa habeen hore xilli dambe baadhitaan xoogan ku sameeyey guryo shacab ah oo ku yaala degmadda 26 june ee magaaladda Hargeysa.

2013-03-01 1:57 AM EST
Jimco, Maarso 01, 2013 (HOL) — Gabdho Soomaliyeed oo wax ka barta dlaka Suudaan ayaa soo bandhigay hiddaha iyo dhaqanka Soomaalida oo ay ku jiran habka cunno-karinta, fanka iyo sidoo kale dharka ay Soomaalidu xirntaan.