2014-09-02
Today from Hiiraan Online:  _
Wararka Maanta- Jimco, Mar 1 , 2013
Gabdhaha Soomaaliyeed ee wax ka barta Suudaan oo soo Bandhigay Hiddaha iyo Dhaqanka Soomaaliyeed (SAWIRRO)



Jimco, Maarso 01, 2013 (HOL) — Gabdho Soomaliyeed oo wax ka barta dlaka Suudaan ayaa soo bandhigay hiddaha iyo dhaqanka Soomaalida oo ay ku jiran habka cunno-karinta, fanka iyo sidoo kale dharka ay Soomaalidu xirntaan.

Bandhiggan oo ay sameeyeen gabadhaha wax ka barta jaamacadda Axfaad ayaa waxaa sidoo kale ku jiray haween kasoo jeeda dalalka Itoobiya iyo Kenya oo iyaguna soo bandhigay hidaha iyo dhaqanka dalalkooda, inkastoo gabdhaha Soomaaliyeed ay si aad ah uga dhex-muuqdeen bandhiggaas.

Dajiraha Soomaaliya ee dalka Suudaan, Maxamed Cabdullaahi Ugaas Faarax ayaa ka mid ahaa xubnihii ka qaybgalay bandhigga, isagoo ammaan gaar ah u soo jeediyey gabadhaha Soomaaliyeed ee halkaas kusoo bandhigay habka cunno-karinta Soomaalida iyo hiddaha iyo dhaqanka.

“Runtii waad ku ammaanan tihiin sida aad isugu mashquuliseen inaad is aad u wanaagsan u soo bandhigtaan hiddaha iyo dhaqanka Soomaalida, waxaad ku galaysaa arrintaan baal dahab ah,” ayuu danjiruhu u sheegay gabadhihii Soomaaliyeed ee bandhiggan ka qaybgalayay xilli uu booqabanayya goobihii ay kusoo bandhigeen hiddaha iyo dhaqanka Soomaalida.

Sidoo kale, danjiruhu wuxuu booqday goobaha lagu soo bandhigay hiddaha iyo dhaqanka dalalka Safiir Maxamed C/laahi Ugaas ayaa sidoo kale soo indha indheeyay Bandhiga Gabdhaha kasoo jeeda Wadamada Kale ee Aan Jaarka nahay sida kenya, Uganda, iyo Ethiopia.

Dalka Suudaan ayaa waxaa ku sugan arday fara badan oo Soomaaliyeed kuwaasoo wax ka barta jaamadaha dalkaas ku yaalla, waxaana sannad walba lagu qabtaa bandhig-faneedyo ay ardayda afrikaanka ah ee wax ka barta dalkaas kusoo bandhigaan hiddahooda iyo dhaqankooda.












Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-03-01 12:08 PM EST
Jimco, Maarso 01, 2013 (HOL) — Xoogag taabacsan ururka Al-shabaab ayaa maanta ku dilay deegaanka Awdiinle ee gobolka Bay ganacsade lagu magacaabi jiray, Aadan Shariif, kaddib markii ay kala dageen gaari uu la socday.

2013-03-01 11:57 AM EST
Jimco, Maarso 01, 2013 (HOL) — Maxkamadda ciidammada qalabka sida ee dowladda Soomaaliya ayaa xukunno dil ah ku ridday askar ka tirsan ciidamada dowladda, kuwaasoo horay u geystay dambiyo kala duwan oo ay ku jiraan dilal.

2013-03-01 11:10 AM EST
Jimco, Maarso 01, 2013 (HOL) — Qaar ka mid ah 135-tii oday dhaqameed ee soo xulay xildhibaannada baarlamanka Soomaaliya oo maanta kulan ku yeeshay magaalada Muqdisho ayaa kulankooda kaga hadlay xaaladda uu dalku marayo, dagaalladii Jubbooyinka xildhibaanno la sheegay inay wadaan mooshin ka dhan ah xukuumadda iyo waxqabadka dowladda Soomaliya inta ay jirtay.

2013-03-01 9:45 AM EST
Jimco, Maarso 01, 2013 (HOL) — Laba qarax oo waaweyn ayaa ka dhacay maqaayad ku taal xeebta Liido oo lagu magacaabo Indian Ocean iyadoona qaraxyadaasi ay sababeen khasaarooyin isugu jira dhimasho iyo dhaawac.

2013-03-01 9:09 AM EST
Jimco, March 01, 2013(HOL) - Ra’iisul wasaare ku xigeenka ahna wasiirka arrimaha dibadda ee Soomaaliya marwo Fawziya Yuusuf Xaaji Aadan ayaa ka qaybgashay shir ay yeesheen qaar kamid ah wasiirrada arrimaha dibadda ee wadamada ku bahoobay urur goboleedka IGAD.

2013-03-01 8:58 AM EST
Jimco, Maarso 01, 2013 (HOL) — Ra’isul wasaaraha xukuumadda Federaalka Soomaaliya Cabdi Faarax Shirdoon (Saacid) ayaa markii ugu horeeysay sheegay in xukuumadiisu ay kasoo horjeedo habka uu u socdo shirka maamul u sameynta gobollada Jubooyinka ee maalinimadii shalay ka furmay magaalada Kismaayo ee xarunta gobolka J/hoose.

2013-03-01 2:50 AM EST
Jimco, Maarso 01, 2013 (HOL) — Ururka Midowga Yurub ayaa sheegay inay si dhaqso badan ugu rarayaan howsha tababaridda ciidamada Soomaaliya gudaha magalada Muqdisho ee xarunta Soomaaliya, halkaasoo lagu tababari doono ciidamada Soomaaliya.

2013-03-01 2:36 AM EST
Jimco, Maarso 01, 2013 (HOL) — Qiimaha Shiidaalka, gaar ahaan Naaftadda ayaa qiimahoodii kor u kacay Somaliland, taas oo keentay in gaadiidleydii magaaladda u kala gooshta iyo shirkadihii Laydhka ku hanjabaan inay qiimaha ay dadka ka qaadi jireen ku kordhin doonaan shacabka haddii aan wax laga qaban.

2013-03-01 2:33 AM EST
Jimco, Maarso 01, 2013 (HOL) — Bannaabax looga soo horjeedo doorashadii ka dhacday dalka Jabuuti iyo siyaasiyiinta lagu xir-xiray dalkaas ayaa lagu qabtay magaalada Ottawa. Bannaanbaxaas ayaa waxaa soo qaban-qaabiyay jaaliyadda reer Jabuuti ee ku nool magaalada Ottawa ee dalka Kanada.

2013-03-01 2:16 AM EST
Jimco, Maarso 01, 2013 (HOL) — Bandhig faneed ay ka qaybgaleen boqolaal qof oo loogu talo-galay in dhaqaalaha kasoo baxa lagu caawiyo caruurta darbiyo jiifka ah ayaa xalay lagu qabtay magaalada Muqdisho ee xarunta Soomaaliya.

2013-03-01 2:14 AM EST
Jimco, Maarso 01, 2013 (HOL) — Ciidamadda sida gaar ah u tobabaran ee loo yaqaan RRU-da oo ay wehelinayaan ciidamadda sirdoonka Somaliland, ayaa habeen hore xilli dambe baadhitaan xoogan ku sameeyey guryo shacab ah oo ku yaala degmadda 26 june ee magaaladda Hargeysa.