2014-07-23
Today from Hiiraan Online:  _
Wararka Maanta- Sabti, Jun 8 , 2013
Madaxweynaha Soomaaliya oo Shacabka Soomaaliyeed ugu Baaqay in lala Shaqeeyo Xafiiska Cusub ee UNSOM (SAWIRRO)



Sabti, Juun 08, 2013 (HOL) — Madaxweynaha Soomaaliya, Xasan Sheekh Maxamuud oo maanta dib ugu soo laabtay Muqdisho ayaa ugu baaqay dadka Soomaaliyeed inay la shaqeeyaan ergeyga cusub ee xoghayaha guud ee QM uu u soo magacaabay Soomaaliya iyo xafiiskiisa cusub ee UNSOM.

Madaxweynaha ayaa hadalkan sheegay kadib markii uu kulan kula qaatay, Nicholas Key xarunta madaxtooyada Soomaaliya, iyagoo kulankooda kaddib si wadajir ah ula hadlay warbaahinta.

“Farxad weyn ayay ii tahay inaan dajire Kay kusoo dhaweeyo Muqdisho isla markaana aan si rasmi ah u soo dhaweeyo xafiiska cusub ee UNSOM,” ayuu yiri madaxweynaha Soomaaliya oo ka hadlayay shirka jaraa’id.

Madaxweynaha ayaa intaas ku daray: “Aad iyo aad baan ugu faraxsanahay in Qaramada Midoobay ay nagala tashteen soo magacaabidda wakiilkooda cusub ee Soomaaliya, waana markii ugu horreysay oo Qaramada Midoobay ay Soomaaliya u soo dirto mas’uul wakiil ka ah dhammaan hay’adahooda ka howlgala Soomaaliya.”

Sidoo kale, madaxweynuhu wuxuu shirkiisa jaraa’id ku sheegay in shacabka Soomaaliyeed oo dhan ay tahay inay la shaqeeyaan UNSOM laguna saacido sidii ay dadkeenna u saacidi lahaayeen. Isagoo xusay in xafiiskan uu yahay mid sahlaya in la horumariyo adeegyada bulshada iyo wada-shaqeyn guud oo dhexmarta Qaramada Midoobay iyo Soomaaliya.

“Furitaanka xafiiska UNSOM wuxuu kusoo beegmay xilli dalka ay ka jiraan horumarro la taaban karo, waxayna tani na siineysaa kalsooni buuxda oo muujinaysa sida caalamku ugu heellan yahay sidii Soomaaliya ay dib ugu soo kaban lahayd,” ayuu madaxweynuhu hadalkiisa ku daray.

Isagoo sii hadlaya ayuu yiri: “Waxaa jira caqabado fara badan, hase ahaatee waa inaan ka wada gudubnaa oo aan xalkooda u horseednaa. Waxayna tani gacan ka geysanaysaa horumarka uu dalku sameynayo.”

Dhanka kale, dajire Nicholas Kay oo isaguna shirka jaraa’id ka hadlay ayaa yiri: “Waxaan u jeednaa horumar muujinaya dib u soo kabashada Somalia. Shacabka Soomaaliyeed aad bay mustaqbalkooda uga rajo qabaan oo ay naga sugayaan hami aad u sareeya. Waana inaan taas kawada shaqeyno.”

Ugu dambeyn, dajire Key wuxuu sheegay in caalamku ay rajada muuqata la wadaagayaan shacabka Soomaaliyeed, isagoo xusay inuu ku kalsoon yahay kuna rajo-weyn yahay inuu gacan buuxda ka heli doono xukuumadda iyo shacabka Soomaaliyeed sidii dib loogu soo celin lahaa nabaddii iyo in dalku uu noqdo mid xasilloon.

Ergaygan cusub ee Qaramada Midoobay ay u soo magacowday Soomaaliya ayaa xafiiska la wareegay Isniintii lasoo dhaafay, wuxuuna bedelay ergaygii hore, Dajire Augustine Mahiga oo muddo saddex sano ah ka shaqeynayay Soomaaliya.




Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-06-08 3:51 PM EST
Sabti, Juun 08, 2013 (HOL) — Afhayeenka kooxda Raaskambooni ee uu hogaaminayo Sheekh Axmed Maxamed Islaam (Sheekh Axmed Madoobe) ayaa sheegay in dagaalladii ka dhacayay Jimichii shalay iyo Sabtidii maanta ay ahaayeen shir-qoollo ay soo abaabushay dowladda Soomaaliya ayna ku guuleysteen inay fashiliyaan.

2013-06-08 3:10 PM EST
Sabti, Juun 08, 2013 (HOL) — Afhayeenka guud ee Al-shabaab, Sheekh Cali Maxamuud Raage (Sheekh Cali Dheere) oo la hadlayay idaacado taageera Al-shabaab ayaa sheegay maanta inay gacanta ku hayaan ciidammo ka tirsan kuwa Midowga Afrika ee AMISOM.

2013-06-08 2:53 PM EST
Sabti, Juun 08, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa maanta xafiiskiisa ku qaabilay wefti ganacsato ah oo ka socda dalka Yeman.

2013-06-08 2:08 PM EST
Sabti Juun 8, 2013 (HOL) - Wariye Ibraahim Cumar Baafo ayaa wareysi la yeeshay Col. Iftiin Xasan Baasto, Madaxweynaha Jubalanda ee dhawaan lagu doortay magaalada Kismayo.

2013-06-08 10:53 AM EST
Sabti, Juun 08, 2013 (HOL) — Ugu yaraan lix qof oo ka kala tirsan AMISOM iyo Al-shabaab ayaa ku dhintay dagaal culus oo ciidamada Midowga Afrika iyo kuwa Al-shabaab maanta ku dhexmaray deegaan ku yaalla duleedka degmada Buurhakaba oo lagu magacaabo Buundo-Madow.

2013-06-08 10:36 AM EST
Sabti, Juun 08, 2013 (HOL) — Ciyaartoyga gobolka Togdheer oo maanta la ciyaari lahaa gobolka Sool, ayaa xabsiga loo taxaabay ka dib markii ay ku kaceen falal ka hor imanaya habsami u socodka tartanka kubadda cagta.

2013-06-08 10:05 AM EST
Sabti, June 08, 2013(HOL) :- Ciidamadii taabacsan maamulka uu hogaamiyo Sheekh Axmed Max’ed Islaam (Axmed Madoobe) ayaa maanta si buuxda ula wareegay gacan ku heynta magaalada Kismaayo kadib dagaal qaraar oo ay gudaha magaalada kula galeen ciidamo taabacsanaa Iftiin Xasan oo ka mid ah masuuliyinta sheeganeeysa madaxweeynenimada Jubbaland.

2013-06-08 8:10 AM EST
Sabti, Juun 08, 2013 (HOL) — Ciidamadda amniga Somaliland ayaa hawlgalo balaadhan oo ay dad ku soo qabqabteen ka fulinayey maalmihii ina dhaafay magaaladda Hargeysa iyo Burco, kuwaas oo baadhitaankoodu ka socdo xarumaha dambibaadhista ee magaalooyinkaasi.

2013-06-08 8:06 AM EST
Sabti, Juun 08, 2013 (HOL) — Ugu yaraan 10-qof oo dhinacyadii dagaalku u dhexeyay iyo shacab isugu jira ayaa ku dhintay dagaal saaka oo Sabti ah ka qarxay bartamaha magaalada Kismaayo, kaasoo u dhexeeya mas’uuliyiin isku haysta xilka madaxweynenimo ee maamulka Jubbaland oo bishii hore looga dhawaaqay Kismaayo.

2013-06-08 7:48 AM EST
Sabti, Juun 08, 2013 (HOL) — Qarax miino oo khasaare geystay ayaa maanta lagula eegtay degmada Dayniile ee gobolka Banaadir mas’uuliyiin ka tirsan maamulka gobolka Banaadir oo uu hoggaaminayay guddoomiye ku xigeenka maamulkaas, Cali Axmed Guure.

2013-06-08 3:15 AM EST
Sabti, Juun 08, 2013 (HOL) — Deeqdaan waxbarasho oo gaaraysa illaa labo kun oo doolarka Mareykanka ah, ayna iska soo ururiyeen dhallinyaro Soomaali ah hay’ad lagu magacaabo Shanta Foundation ayaa waxaa la guddoonsiiyey labo gabdhood oo ka mid ah arday wax ka barata mid ka mid ah iskuullada sare ee ay Soomaalidu maamusho ee ku yaala gobolka Minnesota.

2013-06-08 2:47 AM EST
Sabti, Juun 08, 2013 (HOL) — Dagaal culus oo la isku adeegsanayo hubka noocyadiisa kala duwan ayaa ka qarxay goor-dhow bartamaha magaalada Kismaayo ee xarunta gobolka Jubbada Hoose, dagaalkan oo daba socda dagaalkii shalay.