3/29/2024
Today from Hiiraan Online:  _
Wararka Maanta- Jimco, Jun 7 , 2013
Wax-garad iyo Siyaasiyiin Reer Hiiraan ah oo Muqdisho ka Sheegay in Reer Hiiraan ay taageersan yihiin Dowladda (SAWIRRO)


Jimce, Juun 07, 2013 (HOL) — Waxgarad iyo siyaasiyiin maanta ku shiray magaalada Muqdisho ee xarunta Soomaaliya ayaa sheegay in reer Hiiraan ay taageersan yihiin dowladda, iyagoo xusay inay raalli-gelin ka bixinayaan hadalkii dhawaan kasoo yeeshay xubno ka tirsan reer Hiiraan oo ku shiray magaalada Baladweyne.

Kulankan oo ay kasoo qaybgaleen waxgarad, siyaasyiin, dhallinyaro iyo haween kasoo jeeda gobolka Hiiraan ayaa waxay ku sheegeen in shacabka ku nool gobolka Hiiraan ay si buuxda u taageersan yihiin dowladda Somalia ee uu hoggaaminayo Xasan Sheekh Maxamuud.

“Waxaan halkan ka caddeynaynaa in reer Hiiraan waxay kalsooni buuxda u hayaan dowladda Soomaaliya iyo madaxweynaheeda oo ka mid ah dadka ka soo jeeda gobolka, waxaana raalli-gelin ka bixinaynaa hadalkii kasoo yeeray qaar ka mid ah odayaasha gobolka oo Baladweyne ku shiray dhawaan,” ayuu yiri nabaddoon Jamaal Maxamed Cali oo ka mid ah waxgaradka kulankii maanta ka hadlay.

Nabaddoonka ayaa sheegay in odayaasha sheegay inay kalsoonida dowladda kala laabteen ay ka caroodeen wasiirka arrimaha gudaha iyo amniga Qarnka oo ay sheegeen in uu gobolka uu u magacaabay mas’uuliyiin cusub, taasoo ay ku tilmaameen inay ahayd faragelin uu ku sameeyay maamulka gobolka.

Xubnihii kale ee ka hadlay kulankii maanta lagu qabtay Muqdisho ayaa waxaa ka mid ahaa: nabaddoon Maxamuud Xasan Jimcaale oo sheegay in arrintii gobolka ka dhacday ay dowladda uga soo hoyden ayna shacabka ku nool gobolka Hiiraan taageero hiil iyo hooba leh la garab taagan yihiin dowladda iyo mas’uuliyiinteeda.

“Madaxweynaha iyo dowladdiis waa laga taageersan yahay gobolka Hiiraan, mana jiraan wax mucaaradad ah oo kaga furan, waxaana shacabka dhaliisha qaba aan ugu baaqaynaa inay dowladda ula yimaadaan tabashadooda ayna kala hadlaan intii ay warbaahinta ka dhaleeceyn lahaayeen,” ayuu yiri mid ka mid ah nabaddoonnadii hadlay oo lagu magacaabo, C/raxmaan Jimcaale Cismaan.

Sidoo kale, nabaddoon Faarax Bootaan, nabaddoon Gasle iyo nabaddoon Axmed Xasan Xiireey oo iyaguna kulanka hadallo ka jeediyay ayaa sheegay in xilligan aysan habboonayn in waxgaradka gobolka qaarkood ay sheegaan inay kalsoonida kala laabteen, maadaama lagu jiro xilli ay dowladdu dadaal weyn ugu jirto inay dalka oo dhan isbedel ka sameyso, sannado badan oo colaado ah kaddib.

Dhammaan waxgaradkii, siyaasiyiintii iyo xubnihii kale ee kulanka hadallada ka jeediyay ayaa waxay qireen in dowladda Soomaaliya taageero buuxda looga hayo gobolka Hiiraan oo aysan jirin cid kasoo horjeedda, hadalladii horay loo sheegayna ay ka raalli-gelinayaan dowladda.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/7/2013 4:18 PM EST
Jimce, Juun 07, 2013 (HOL) — Ra'iisal wasaaraha xukuumadda Soomaaliya, Cabdi Faarax Shirdoon (Saacid) ayaa dhinacyada ku dagaalamaya Kismaayo ugu baaqay inay si dag-dag ah u joojiyaan dagaalka, ayna xal iyo nabad ku dhameeyaan khilaafka u dhexeeya.

6/7/2013 12:37 PM EST
Jimce, Juun 07, 2013 (HOL) — Madaxweynaha Soomaaliya, Xasan Sheekh Maxamuuda ayaa kulan kula yeeshay magaalada Nairobi ee xarunta dalka Kenya kulan kula yeeshay madaxweynaha maamulka Puntland, C/raxmaan Sheekh Maxamed Faroole.

6/7/2013 12:03 PM EST
Jimce, Juun 07, 2013 (HOL) — Xarakada Al-shabaab ayaa laba wiil oo da’yar ah ku toogtay degmada Baraawe ee gobolka Shabeellada Hoose khamiistii shalay ahayd, kuwaasoo ay ku eedeeyeen inay basaasiin u ahaayeen dowladda Soomaaliya iyo ciidamada AMISOM.

6/7/2013 11:31 AM EST
Jimce, Juun 07, 2013 (HOL) — Madaxweynaha Soomaaliya, Xasan Sheekh Maxamud ayaa sheegay inuu aad iyo aad uga xumaaday dagaal maanta ka dhacay gudaha magaalada Kismaayo, isagoo baaqay in si deg-deg ah lagu joojiyo colaaddaas, sida lagu sheegay warsaxaafadeed kasoo baxay xafiiska madaxweynaha Soomaaliya.

6/7/2013 11:01 AM EST
Jimce, Juun 07, 2013 (HOL) — Olole nadaafadeed oo ay iska kaashadeen qaar ka mid ah ardayda wax-ka-barta magaalada Laascaanood, dowladda hoose iyo ganacsatda ayaa lagu nadiifiyay deegaanno muhiim u ah bulshada ku dhaqan magaalada Laascaanood ee xarunta gobolka Sool.

6/7/2013 10:29 AM EST
Jimce, Juun 07, 2013 (HOL) — Faahfaahinno dheeraad ah ayaa kasoo baxa dagaal maanta ku dhexmaray bartamaha magaalada Kismaayo maamulka uu hoggaamiyo Sheekh Axmed Madoobe iyo ciidammo taageersanaa mid ka mid ah raggii ku dhawaaqay inay madaxweynaha ka yihiin maamulkii looga dhawaaqay Kismaayo ee Jubaland.

6/7/2013 8:40 AM EST
Jimce, Juun 07, 2013 (HOL) — Dowladda Shiinaha ayaa ugu baaqday beesha calaamka iyo Qaramada Midoobay inay xoojiyaan hanaanka nabadda dalka Soomaaliya iyo dib u dhiskiisa, si ay uga baxdo mashaakilaadkii ay ku jirtay 22-kii sano ee lasoo dhaafay.

6/7/2013 8:01 AM EST
Jimco, June 07, 2013(HOL) :- Dagaal xooggan oo la isku adeegsaday hubka noocyadiisa kala duwan ayaa ka dhacay magaalada Kismaayo, iyadoona dagaalkani uu u dhexeeyay ciidamo beeleed taageersan dowladda Soomaaliya iyo ciidamada maamulka Kismaayo garabka uu hogaamiyo Sheekh Axmed Madoobe.

6/7/2013 7:29 AM EST
Jimce, Juun 07, 2013 (HOL) — Dowladda Britain ayaa maanta danjire cusub u soo magacowday arrimaha dalka Soomaaliya, kasoo bedeli doona danjirihii hore ee dalka Britain ay u magacowday, Matt Baugh.

6/7/2013 7:05 AM EST
Jimce, Juun 07, 2013 (HOL) — Taliyaha ciidamada gobolka Bay ee gobolka Bay, Mahad C/raxmaan ayaa ku dhaawacmay weerar maanta ka dhacay deegaanka Leego ee gobolka Shabeellada Hoose, iyadoo weerarkaas lagu dilay darawalkiisii.

6/7/2013 6:54 AM EST
Jimce, Juun 07, 2013 (HOL) — Kooxo hubeysan oo Koonfur Afrikaan ah ayaa xalay laba wiiil oo Soomaali ah oo isla dhashay ku dilay baangado iyo midiyo kaddib markii ay ku weerareen dukaankooda oo ku yaalla deegaanka Balamalango oo ka tirsan gobolka Limbombo oo ku yaalla soohdinta dalalka Koonfur Afrika iyo Mozambique.

6/7/2013 6:18 AM EST
Jimce, Juun 07, 2013 (HOL) — Madaxweynaha Somaliland mudane, Axmed Maxamed Maxamuud Siillaanyo, ayaa xalay si kadis ah loo arkay isagoo ka soo qaybgalay daawashadda tartanka ciyaaraha baasketka ee Garoonka Timadda Cadde ka socota oo ay ku dheelayeen labadda gobol ee Maroodi jeex (Hargeysa) iyo Sanaag.