3/19/2024
Today from Hiiraan Online:  _
Wararka Maanta- Jimco, Jun 7 , 2013
Kulan Madaxweynaha Dowladda Soomaaliya iyo Madaxweynaha Maamulka Puntland ku dhexmaray Nairobi (SAWIRRO)


Jimce, Juun 07, 2013 (HOL) — Madaxweynaha Soomaaliya, Xasan Sheekh Maxamuuda ayaa kulan kula yeeshay magaalada Nairobi ee xarunta dalka Kenya kulan kula yeeshay madaxweynaha maamulka Puntland, C/raxmaan Sheekh Maxamed Faroole.

Kulankan oo dhacay xalay ayay labada mas’uul ayaa waxaa intiisa badan looga hadlay arrimaha dastuurka, maamul u sameynta Jubbooyinka iyo xaaladda dalka Soomaaliya, iyadoo aanay jirin faahfaahinno dheeraad ah oo kasoo baxay kulankooda.

Wararka hoose ayaa sheegaya in labada madaxweynuhu ay ku kala fikir duwanaadeen arrimaha dastuurka iyo maamul u sameynta Jubbooyinka oo ay horay ay isugu mari waayeen kulan ay ku yeesheen xarunta Puntland ee Garoowe.

Sidoo kale, labada mas’uul ayaa la sheegay inay kulankooda kusoo qaadeen deeqaha ay beesha caalamka siiso Soomaaliya sidii Puntland ay qaybteeda uga heli lahayd iyo shillin Soomaaliga iyo sii wadista dib u heshiisiinta guud ee dalka.

Ma jiraan wax war ah oo ay dowladd Soomaaliya iyo Puntland kasoo saareen kulanka wixii kasoo baxay, waxaase kulankaan uu ahaa mid hordhac ah sida ay sheegayaan wararka hoose ee kulanka laga helayo.

Kulankan ayaa waxaa goobjoog ka ahaa wasiirro ka socda Puntland iyo xubno ka socday dowladda dhexe ee Soomaaliya oo ay ka mid ahaayeen dajiraha Soomaaliya u fadhiya Kenya, Maxamed Cali Ameerika, taliyaha hay’adda nabadsugidda Qaranka, Jen. Bashiir Maxamed Goobe iyo Prof. C/llaahi Axmed Afrax.

Madaxweynaha Puntland ayaa sheegay in madaxweynaha Soomaaliya uu kala hadli doono arrimo ay ka mid yihiin dastuurka oo uu sheegay in dowladda Soomaaliya ay qorsheynayso inay isbedel ku sameyso iyo arrimaha Jubbooyinka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/7/2013 4:18 PM EST
Jimce, Juun 07, 2013 (HOL) — Ra'iisal wasaaraha xukuumadda Soomaaliya, Cabdi Faarax Shirdoon (Saacid) ayaa dhinacyada ku dagaalamaya Kismaayo ugu baaqay inay si dag-dag ah u joojiyaan dagaalka, ayna xal iyo nabad ku dhameeyaan khilaafka u dhexeeya.

6/7/2013 3:22 PM EST
Jimce, Juun 07, 2013 (HOL) — Waxgarad iyo siyaasiyiin maanta ku shiray magaalada Muqdisho ee xarunta Soomaaliya ayaa sheegay in reer Hiiraan ay taageersan yihiin dowladda, iyagoo xusay inay raalli-gelin ka bixinayaan hadalkii dhawaan kasoo yeeshay xubno ka tirsan reer Hiiraan oo ku shiray magaalada Baladweyne.

6/7/2013 12:03 PM EST
Jimce, Juun 07, 2013 (HOL) — Xarakada Al-shabaab ayaa laba wiil oo da’yar ah ku toogtay degmada Baraawe ee gobolka Shabeellada Hoose khamiistii shalay ahayd, kuwaasoo ay ku eedeeyeen inay basaasiin u ahaayeen dowladda Soomaaliya iyo ciidamada AMISOM.

6/7/2013 11:31 AM EST
Jimce, Juun 07, 2013 (HOL) — Madaxweynaha Soomaaliya, Xasan Sheekh Maxamud ayaa sheegay inuu aad iyo aad uga xumaaday dagaal maanta ka dhacay gudaha magaalada Kismaayo, isagoo baaqay in si deg-deg ah lagu joojiyo colaaddaas, sida lagu sheegay warsaxaafadeed kasoo baxay xafiiska madaxweynaha Soomaaliya.

6/7/2013 11:01 AM EST
Jimce, Juun 07, 2013 (HOL) — Olole nadaafadeed oo ay iska kaashadeen qaar ka mid ah ardayda wax-ka-barta magaalada Laascaanood, dowladda hoose iyo ganacsatda ayaa lagu nadiifiyay deegaanno muhiim u ah bulshada ku dhaqan magaalada Laascaanood ee xarunta gobolka Sool.

6/7/2013 10:29 AM EST
Jimce, Juun 07, 2013 (HOL) — Faahfaahinno dheeraad ah ayaa kasoo baxa dagaal maanta ku dhexmaray bartamaha magaalada Kismaayo maamulka uu hoggaamiyo Sheekh Axmed Madoobe iyo ciidammo taageersanaa mid ka mid ah raggii ku dhawaaqay inay madaxweynaha ka yihiin maamulkii looga dhawaaqay Kismaayo ee Jubaland.

6/7/2013 8:40 AM EST
Jimce, Juun 07, 2013 (HOL) — Dowladda Shiinaha ayaa ugu baaqday beesha calaamka iyo Qaramada Midoobay inay xoojiyaan hanaanka nabadda dalka Soomaaliya iyo dib u dhiskiisa, si ay uga baxdo mashaakilaadkii ay ku jirtay 22-kii sano ee lasoo dhaafay.

6/7/2013 8:01 AM EST
Jimco, June 07, 2013(HOL) :- Dagaal xooggan oo la isku adeegsaday hubka noocyadiisa kala duwan ayaa ka dhacay magaalada Kismaayo, iyadoona dagaalkani uu u dhexeeyay ciidamo beeleed taageersan dowladda Soomaaliya iyo ciidamada maamulka Kismaayo garabka uu hogaamiyo Sheekh Axmed Madoobe.

6/7/2013 7:29 AM EST
Jimce, Juun 07, 2013 (HOL) — Dowladda Britain ayaa maanta danjire cusub u soo magacowday arrimaha dalka Soomaaliya, kasoo bedeli doona danjirihii hore ee dalka Britain ay u magacowday, Matt Baugh.

6/7/2013 7:05 AM EST
Jimce, Juun 07, 2013 (HOL) — Taliyaha ciidamada gobolka Bay ee gobolka Bay, Mahad C/raxmaan ayaa ku dhaawacmay weerar maanta ka dhacay deegaanka Leego ee gobolka Shabeellada Hoose, iyadoo weerarkaas lagu dilay darawalkiisii.

6/7/2013 6:54 AM EST
Jimce, Juun 07, 2013 (HOL) — Kooxo hubeysan oo Koonfur Afrikaan ah ayaa xalay laba wiiil oo Soomaali ah oo isla dhashay ku dilay baangado iyo midiyo kaddib markii ay ku weerareen dukaankooda oo ku yaalla deegaanka Balamalango oo ka tirsan gobolka Limbombo oo ku yaalla soohdinta dalalka Koonfur Afrika iyo Mozambique.

6/7/2013 6:18 AM EST
Jimce, Juun 07, 2013 (HOL) — Madaxweynaha Somaliland mudane, Axmed Maxamed Maxamuud Siillaanyo, ayaa xalay si kadis ah loo arkay isagoo ka soo qaybgalay daawashadda tartanka ciyaaraha baasketka ee Garoonka Timadda Cadde ka socota oo ay ku dheelayeen labadda gobol ee Maroodi jeex (Hargeysa) iyo Sanaag.