2014-09-21
Today from Hiiraan Online:  _
Wararka Maanta- Jimco, Jun 7 , 2013
Muwaadiniin Soomaaliyeed oo Xalay si xun loogu dilay Magaalo ka ku Taalla Gobolka Libombo ee dalka Koonfur Afrika


Jimce, Juun 07, 2013 (HOL) — Kooxo hubeysan oo Koonfur Afrikaan ah ayaa xalay laba wiiil oo Soomaali ah oo isla dhashay ku dilay baangado iyo midiyo kaddib markii ay ku weerareen dukaankooda oo ku yaalla deegaanka Balamalango oo ka tirsan gobolka Limbombo oo ku yaalla soohdinta dalalka Koonfur Afrika iyo Mozambique.

Labada wiil ee la dilay ayaa lagu kala magacaabi jiray, Cabdirisaaq Xasan Mxuyadiin iyo Maxamed Xasan Muxyadiin, waxaana kooxaha hubeysan dilka u geystay ay dhaceen dukaankii ay lahaayeen.

Dilkan ayaa wuxuu qayb ka noqonayaa dilal dhawaanahan loogu geysanayay dalka Koonfur Afrika Soomaalida halkaas ku ganacsada, iyadoo maalmihii la soo dhaafay sidan oo kale dhallinyaro Soomaaliyeed oo ganacsato ah loogu dilay dalkaas.

Goobjoogayaal ayaa sheegay in labada wiil ay isku dayeen inay iska difaacaan kooxaha dilka u geystay, balse la qabqabtay oo lagu garaacay baangado iyo midiyo illaa ay ka dhintaan.

“Tani waa qayb ka mid ah dhibaatooyinka lagu hayo Soomaalida Koonfur Afrika ku nool, xaaladdu waxay u muuqtaa mid is-bedelaysa oo lagu bar-tilmaameedsanayo Soomaalida,” ayay yiraahdeen Soomaali ku nool dalkaas oo la hadlay warbaahinta Soomaalida iyo kuwa kale ee caalamiga ah.

Dhanka kale, magaalooyin ku yaalla dalka Koonfur Afrika ayaa waxaa ka dhacvay maanta dibdbaxyo ay Soomaalidu kaga dalbanayaan dowladda dalkaas in wax laga qabto dhibaaooyinka lagu hayo Soomaalida dalkaas ku nool.

“Waxaan doonaynaa in dhibaatada jirta wax laga qabto, goobaha  dibadbaxu uu ka dhacay waxaa ka mid ah xafiiska madaxweynaha Koonfur Afrika hortiisa, waxaana naloo sheegay in arrintan ay dowladdu si deg-deg ah wax uga qaban doonto,” ayuu yiri mid ka mid ah dibadbaxayaashii ka qaybgalayay dibadbax ka dhacay xarunta dalka Koonfur Afrika ee Pretoria.

Xukuumadda Soomaaliya ayaa toddobaadkan ka dalbaday xukuumadda Koonfur Afrika inay soo farageliso dhibaatooyinka lagu hayo Soomaalida ku nool dalka Koonfur Afrika, si nolosha iyo hantida dadka Soomaaliyeed looga badbaadiyo kooxaha dhibaatooyinka geysanaya.

Boqolaal kun oo Soomaali ah ayaa ku nool dalka Koonfur Afrika kuwaasoo tan iyo markii ay halkaas tageen lagu hayay dhibaatooyinka isugu jira dilal, dhaawacyo iyo boob loo geysto hantidooda, kuwaasoo sii xoogeysanaya sannadba sannadka ka dambeeya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-06-07 4:18 PM EST
Jimce, Juun 07, 2013 (HOL) — Ra'iisal wasaaraha xukuumadda Soomaaliya, Cabdi Faarax Shirdoon (Saacid) ayaa dhinacyada ku dagaalamaya Kismaayo ugu baaqay inay si dag-dag ah u joojiyaan dagaalka, ayna xal iyo nabad ku dhameeyaan khilaafka u dhexeeya.

2013-06-07 3:22 PM EST
Jimce, Juun 07, 2013 (HOL) — Waxgarad iyo siyaasiyiin maanta ku shiray magaalada Muqdisho ee xarunta Soomaaliya ayaa sheegay in reer Hiiraan ay taageersan yihiin dowladda, iyagoo xusay inay raalli-gelin ka bixinayaan hadalkii dhawaan kasoo yeeshay xubno ka tirsan reer Hiiraan oo ku shiray magaalada Baladweyne.

2013-06-07 12:37 PM EST
Jimce, Juun 07, 2013 (HOL) — Madaxweynaha Soomaaliya, Xasan Sheekh Maxamuuda ayaa kulan kula yeeshay magaalada Nairobi ee xarunta dalka Kenya kulan kula yeeshay madaxweynaha maamulka Puntland, C/raxmaan Sheekh Maxamed Faroole.

2013-06-07 12:03 PM EST
Jimce, Juun 07, 2013 (HOL) — Xarakada Al-shabaab ayaa laba wiil oo da’yar ah ku toogtay degmada Baraawe ee gobolka Shabeellada Hoose khamiistii shalay ahayd, kuwaasoo ay ku eedeeyeen inay basaasiin u ahaayeen dowladda Soomaaliya iyo ciidamada AMISOM.

2013-06-07 11:31 AM EST
Jimce, Juun 07, 2013 (HOL) — Madaxweynaha Soomaaliya, Xasan Sheekh Maxamud ayaa sheegay inuu aad iyo aad uga xumaaday dagaal maanta ka dhacay gudaha magaalada Kismaayo, isagoo baaqay in si deg-deg ah lagu joojiyo colaaddaas, sida lagu sheegay warsaxaafadeed kasoo baxay xafiiska madaxweynaha Soomaaliya.

2013-06-07 11:01 AM EST
Jimce, Juun 07, 2013 (HOL) — Olole nadaafadeed oo ay iska kaashadeen qaar ka mid ah ardayda wax-ka-barta magaalada Laascaanood, dowladda hoose iyo ganacsatda ayaa lagu nadiifiyay deegaanno muhiim u ah bulshada ku dhaqan magaalada Laascaanood ee xarunta gobolka Sool.

2013-06-07 10:29 AM EST
Jimce, Juun 07, 2013 (HOL) — Faahfaahinno dheeraad ah ayaa kasoo baxa dagaal maanta ku dhexmaray bartamaha magaalada Kismaayo maamulka uu hoggaamiyo Sheekh Axmed Madoobe iyo ciidammo taageersanaa mid ka mid ah raggii ku dhawaaqay inay madaxweynaha ka yihiin maamulkii looga dhawaaqay Kismaayo ee Jubaland.

2013-06-07 8:40 AM EST
Jimce, Juun 07, 2013 (HOL) — Dowladda Shiinaha ayaa ugu baaqday beesha calaamka iyo Qaramada Midoobay inay xoojiyaan hanaanka nabadda dalka Soomaaliya iyo dib u dhiskiisa, si ay uga baxdo mashaakilaadkii ay ku jirtay 22-kii sano ee lasoo dhaafay.

2013-06-07 8:01 AM EST
Jimco, June 07, 2013(HOL) :- Dagaal xooggan oo la isku adeegsaday hubka noocyadiisa kala duwan ayaa ka dhacay magaalada Kismaayo, iyadoona dagaalkani uu u dhexeeyay ciidamo beeleed taageersan dowladda Soomaaliya iyo ciidamada maamulka Kismaayo garabka uu hogaamiyo Sheekh Axmed Madoobe.

2013-06-07 7:29 AM EST
Jimce, Juun 07, 2013 (HOL) — Dowladda Britain ayaa maanta danjire cusub u soo magacowday arrimaha dalka Soomaaliya, kasoo bedeli doona danjirihii hore ee dalka Britain ay u magacowday, Matt Baugh.

2013-06-07 7:05 AM EST
Jimce, Juun 07, 2013 (HOL) — Taliyaha ciidamada gobolka Bay ee gobolka Bay, Mahad C/raxmaan ayaa ku dhaawacmay weerar maanta ka dhacay deegaanka Leego ee gobolka Shabeellada Hoose, iyadoo weerarkaas lagu dilay darawalkiisii.

2013-06-07 6:18 AM EST
Jimce, Juun 07, 2013 (HOL) — Madaxweynaha Somaliland mudane, Axmed Maxamed Maxamuud Siillaanyo, ayaa xalay si kadis ah loo arkay isagoo ka soo qaybgalay daawashadda tartanka ciyaaraha baasketka ee Garoonka Timadda Cadde ka socota oo ay ku dheelayeen labadda gobol ee Maroodi jeex (Hargeysa) iyo Sanaag.