2014-07-29
Today from Hiiraan Online:  _
Wararka Maanta- Talaado, Jun 4 , 2013
Kooxo Hubeysan oo Deegaanka Libooyo ee Kenya ku Toogtay laba Ruux oo Kenyan oo la socday gaari Qaad siday


Talaado, Juun 04, 2013 (HOL) — Kooxo hubeysn ayaa Isniintii shalay ku dilay deegaanka Libooyo ee Kenya laba ruux oo Kenyan ah, kaddib ay weerareen gaari qaad siday oo marayay deegaankaas oo ku dhow soohdinta ay wadaagaan Soomaaliya iyo Kenya.

Saraakiil u hadlay Kenya ayaa sheegay in kooxaha weerarka fuliyay ay ka mid yihiin Al-shabaab ayna toogteen laba qof oo gaariga xamuulka waday la socday, waxaana weerarkan uu ka dhacay Libooyo oo ku dhow deegaanka Dhamajaalle oo toddobaadkii hore ay weerareen Al-shabaab kuna dileen shan qof oo ay ku jireen laba sarkaal oo Kenyan ah.

“Kooxahan hubeysan waxay si dhuumaaleysi ah rasaas ugu fureen gaariga waxayna halkaas ku dileen laba qof, mid kalena way ku dhaawacmeen, si dhaqso ah ayayna  goobta uga baxsadeen,” ayuu yiri guddoomiyaha deegaanka Dhadhaab, Albert Kimathi oo warbaahinta la hadlay.

Guddoomiyuhu wuxuu hadalkiisa ku daray in kooxihii weerarka geystay ay horay u kexeysteen gaarigii waday qaadka oo qiimihiisu ku fadhiyay malaayihiin shillinka Kenya ah, balse ma uusan sheegin halka ay la aadeen.

Xildhibaan Maxamed Daahir oo ah mudane laga soo doortay deegaanka Dhadhaab ee dalka Kenya ayaa sheegay inay nasiib-darro tahay in dadka si sharci-darro ah loogu laayo gudaha Kenay, isagoo xusay in tani ay cadedeyn u tahay mas’uuliyad-darrada dowladda Kenya.

Falkan ayaa kusoo beegmaya kaddib laba toddobaad oo kooxo hubeysan ay sidoo kale dhaceen gaari waday qaad oo marayay deegaanka Lafey-Mandheera ee dalka Kenya.

Deegaannada gobolka Waqooyi-bari ee dalka Kenya ayaa waxaa soo food-saartay ammaan-darro xooggan tan iyo markii ay Kenay go’aansatay inay ciidamadeeda u dirto gudaha Soomaaliya dhammaadkii sannadkii 2011.

Weerarro kala duwan oo kooxo hubeysan ay ka geysteen magaalooyin ay ka mid yihiin: Nairobi, Mombasa, Mandheera, Gaarisa iyo Wajir ayaa waxaa ku dhintay 30 sarkaal oo ka tirsan ciidamada ammaanka Kenya iyo dad badan oo shacab ah.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-06-04 8:54 AM EST
Talaado, Juun 04, 2013 (HOL) — Waxaa xalay si rasmi ah uga bilowday garoonka kubadda gacanta ee Timadda ee magaaladda Hargeysa wareegii kubadda gacanta (Basket Ball), kaas oo ay iskaga hor yimaadeen xulka gobolka Maroodi jeex iyo xulka gobolka Hawd.

2013-06-04 8:16 AM EST
Talaado, Juun 04, 2013 (HOL) — Dowladaha Soomaaliya iyo Ciraaq ayaa kala saxiixday heshiis ay ku kacayso 15-milyan oo doollar, kaasoo dib loogu dhisayo wasaaradda howlaha guud, isbitaalka Laasareeti iyo machadkii tababarka ee SIDAM, kuwaasoo ku burburay colaadihii sokeeye ee dalka soo maray.

2013-06-04 7:32 AM EST
Talaado, Juun 04, 2013 (HOL) — Xarakada Alshabaab ayaa ku weerartay dukeedka degmada Baydhabo ee xarunta gobolka Bay kolonyo gaadiid ah oo ay wateen ciidamada dowladda iyo kuwa AMISOM oo kusii jeeday fariisin ay ku lahaayeen deegaanka Goof-guduud Shabeeloow.

2013-06-04 7:10 AM EST
Talaado, Juun 04, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta Muqdisho kusoo dhoweeyey madaxa hawlgalka cusub ee Qaramada Midoobey ee Soomaaliya, Nicholas Kay oo u dhashay dalka Britain. Wuxuuna tilmaamay in hawlgalka cusub ee Qaramada midoobey ee Soomaaliya uu kalsooni buuxda siinayo Soomaalida oo dhan.

2013-06-04 6:53 AM EST
Talaado, Juun 04, 2013 (HOL) — Madaxweynaha Putland Cabdiraxmaan Maxamed Faroole iyo wefdi ballaaran oo uu horkacayo, kuwaasoo dhowrkii maalmood ee u danbeeyey ku sugnaa magaalada Nairobi ee xarunta dalka Kenya ayaa shalay kulan la qaatay mas’uuliyiin sare oo ka tirsan madaxda dalka Kenya.