2014-09-22
Today from Hiiraan Online:  _
Wararka Maanta- Talaado, Jun 4 , 2013
Al-shabaab oo Gaadiid ay wateen ciidamada dowladda iyo kuwa AMISOM ku weerartay duleedka Degmada Baydhabo


Talaado, Juun 04, 2013 (HOL) — Xarakada Alshabaab ayaa ku weerartay dukeedka degmada Baydhabo ee xarunta gobolka Bay kolonyo gaadiid ah oo ay wateen ciidamada dowladda iyo kuwa AMISOM oo kusii jeeday fariisin ay ku lahaayeen deegaanka Goof-guduud Shabeeloow.

Weerarka kaddib ayaa waxaa qarxay dagaal culus oo la isku adeegsaday hub culus iyo mid fudud wuxuuna dagaalku socday muddo laba sacadood ah, iyadoo la sheegay in dhinacyada ay kala gaareen khasaarooyin dhimasho iyo mid dhaawac.

Ciidamada AMISOM ayaa la sheegay inay khasaare dhimasho iyo dhaawac ah, iyadoo la sheegay in weerarku uu ahaa mid gaadmo ah, balse ma jirto cid sheegi karta tirade askarta ah ee dhimatay iyo kuwa dhaawacmay.

Dadka deegaankaas ku nool ayaa sheegay inay arkeen dhimashada lix qof oo dhincyadii dagaalamay ka tirsaan, inkastoo dadka qaarkooday ay tirada intaas ka badinayaan, sababtoo ah meesha lagu dagaalamay waa meel aan la tagi karin weli waa goob dagaal.

Wararku waxay sheegyaan in rasaastii ay labada dhinac isku adeegsanayeen ay dishay xoolo u badan geel, raggii xoolahaas lahaan ayaa Baydhabo yimid iyadoo baqdin xooggan ay ka muuqato.

Hiiraan Online, Baydhabo





Post your comments

2013-06-04 8:54 AM EST
Talaado, Juun 04, 2013 (HOL) — Waxaa xalay si rasmi ah uga bilowday garoonka kubadda gacanta ee Timadda ee magaaladda Hargeysa wareegii kubadda gacanta (Basket Ball), kaas oo ay iskaga hor yimaadeen xulka gobolka Maroodi jeex iyo xulka gobolka Hawd.

2013-06-04 8:16 AM EST
Talaado, Juun 04, 2013 (HOL) — Dowladaha Soomaaliya iyo Ciraaq ayaa kala saxiixday heshiis ay ku kacayso 15-milyan oo doollar, kaasoo dib loogu dhisayo wasaaradda howlaha guud, isbitaalka Laasareeti iyo machadkii tababarka ee SIDAM, kuwaasoo ku burburay colaadihii sokeeye ee dalka soo maray.

2013-06-04 8:01 AM EST
Talaado, Juun 04, 2013 (HOL) — Kooxo hubeysn ayaa Isniintii shalay ku dilay deegaanka Libooyo ee Kenya laba ruux oo Kenyan ah, kaddib ay weerareen gaari qaad siday oo marayay deegaankaas oo ku dhow soohdinta ay wadaagaan Soomaaliya iyo Kenya.

2013-06-04 7:10 AM EST
Talaado, Juun 04, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta Muqdisho kusoo dhoweeyey madaxa hawlgalka cusub ee Qaramada Midoobey ee Soomaaliya, Nicholas Kay oo u dhashay dalka Britain. Wuxuuna tilmaamay in hawlgalka cusub ee Qaramada midoobey ee Soomaaliya uu kalsooni buuxda siinayo Soomaalida oo dhan.

2013-06-04 6:53 AM EST
Talaado, Juun 04, 2013 (HOL) — Madaxweynaha Putland Cabdiraxmaan Maxamed Faroole iyo wefdi ballaaran oo uu horkacayo, kuwaasoo dhowrkii maalmood ee u danbeeyey ku sugnaa magaalada Nairobi ee xarunta dalka Kenya ayaa shalay kulan la qaatay mas’uuliyiin sare oo ka tirsan madaxda dalka Kenya.