2014-11-23
Today from Hiiraan Online:  _
Wararka Maanta- Axad, Jun 2 , 2013
Maamulka Puntland oo sheegay in diyaarad nooca aan duuliye lahayn ah ay kusoo dhacday duleedka Magaalada Boosaaso



Axad, Juun 02, 2013 (HOL) — Saraakiil ka tirsan maamulka Puntland ayaa sheegay in mid ka mid ah diyaaradaha aan duuliye lahayn ee Drones-ka loo yaqaan ay kusoo dhacday deegaan lagu magacaabo Qow oo 20-km u jira degmada Boosaaso ee xarunta gobolka Bari.

Wasiirka dekedaha iyo la-dagaalanka burcadeedda Putland, Siciid Maxamed Raage ayaa sheegay Sabtidii in diyaarad kuwa basaaska ah aan duuliyaha lahayn ay kusoo dhacday deegaanka Qow oo galbeed kaga beegan Bosaaso, sida ay dhaabacday maanta wakaaladda wararka ee Mareykanka ee AP.

Dowladda Mareykanka ayaa diyaaradaha aan duuliyaha lahayn ee Drones-ka loo yaqaan waxay duulimaadyo ay ku baadi-goobayaan kooxaha burcad-badeedda ah ka sameeyaan xeebaha badweynta Hindiya, balse wasiirka u hadlay Puntland wuxuu sheegay inaysan garanayn cid iska leh diyaaraddan.

Sidoo kale, diyaaradaha wax basaasa ee Mareykanku leeyahay ayaa waxay duulimaadyo lagu baadi-goobayo xubnaha Al-shabaab ka sameeyaan deegaanno ku yaalla Koonfurta Soomaaliya, iyadoo dhawaan ay diyaarad ka mid ah kuwaas kusoo dhacday duleedka deegaanka Buulo-mareer ee gobolka Shabeellada hoose oo ay Al-shabaab ka taliso.

Al-shabaab ayaa soo dhigtay bar ay Twitter-ka ku leeyihiin toddobadkii hore sawirro muujinayaa burburka diyaarad Drone ah oo Mareykanku uu sheegay inay ka mid ahayd diyaaradahooda ka howlgala Soomaaliya.

Puntland oo ka mid ah deegaannada Soomaaliya ayaa ka badbaaday colaadihii 22-kii sano ee lasoo dhaafay ka socday Soomaaliya, waxaana ka jira dowlad hoos-timaadda dowladda dhexe ee Soomaailya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-06-02 3:01 PM EST
Axad, Juun 02, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo) ayaa galabta si rasmi ah uga furay garoonka kubadda cagta ee Hargeysa Stadium ciyaarihii gobollada ee Somaliland oo ay ka qaybgalayaan 13 kooxood oo ka socda gobollada Somaliland.

2013-06-02 2:36 PM EST
Axad, Juun 02, 2013 (HOL) — Prof. Axmed Ismaaciil Samatar ayaa si weyn loogu soo dhaweeyay maanta magaalada Hargeysa ee xarunta Somaliland kaddib markii uu muddo dheer ka maqnaa, isla markaana ahaa aqoonyahan si weyn uga soo horjeeday gooni isku-taagga Somaliland.

2013-06-02 2:01 PM EST
Axad, Juun 02, 2013 (HOL) — Ciidamada AMISOM ee ku sugan Baydhabo ayaa maanta dilay saddex neef oo isugu jiray laba lo’a ah iyo dameero, kaddib markii ay xireen jidka weyn ee buundada xaafadda Isha Baydhabo.

2013-06-02 12:18 PM EST
Axad, Juun 02, 2013 (HOL) — Wasiirka gaashaandhigga Soomaaliya, C/xakiin Maxamuud Xaaji Fiqi oo ku sugan Kismaayo ayaa sheegay in si wanaagsan loogu soo dhaweeyay magaalada Kismaayo ee xarunta gobolka Jubbada Hoose.

2013-06-02 12:06 PM EST
Axad, Juun 02, 2013 (HOL) — Dibadbaxayaal careysan ayaa maanta isugu soo baxay maalintii saddexaad barxadda Kizilay magaalada Ankara ee dalka Turkiga, iyadoo booliiskuna ay u adeegsadeen dibadbaxayaashaan suntan dadka ka ilmeysiisa kaddib markii ay isku dhaceen.

2013-06-02 11:21 AM EST
Axad, Juun 02, 2013 (HOL) — Madaxweynaha Puntland, C/raxmaan Sheekh Maxamed Faroole oo ku sugan magaalada Nairobi ee dalka Kenya ayaa sheegay inuu madaxweynaha Soomaaliya, Xasan Sheekh Maxamuud kala hadli doono arrimaha dastuurka iyo xal u helidda jubbooyinka.

2013-06-02 9:03 AM EST
Axad, Juun 02, 2013 (HOL) — Dowladda Kenya ayaa qorsheynaysa inay dib ugu celiso qoxootiga Soomaaliyeed ee ku jira xeryaha Dhadhaab Soomaaliya sida ay sheegtay wasiirradda arrimaha dibadda ee Kenya, Aamina Maxamed oo Nairobi kula kulantay Jicmihii shalay ra’iisul wasaare ku xigeenka ahna wasiiradda arrimaha dibadda Soomaaliya Fowziyo Yuusuf Xaaji Aadan.

2013-06-02 8:25 AM EST
Axad, Juun 02, 2013 (HOL) — Madaxweynaha Soomaaliya, Xasan Sheekh Maxamuud ayaa maanta oo Axad ah kula kulmay magaalada Yokohama ee dalka Japan guddoomiyaha hay’ada xiriirka caalamiga Japan (JICA), Akihiko TANAKA, isagoo kala hadlay go’aankii ra’iisul wasaaraha Japan, Shinzo Abe ee ahaa in Soomaaliya si toos ah kaalmada Japan loo siinayo dowladda iyo mashaariicda horumarineed ee Soomaaliya u baahan tahay.

2013-06-02 8:22 AM EST
Axad, Juun 02, 2013 (HOL) — Tacbashada beeraha waa laf-dhabarta in badan oo ka mid ah qoysaska ku dhaqan deegaannada uu hareer maro wabiga shabeelle ee gobollka Hiiraan, laakiin haddana dhinaca kale marka aad eegto waxaa muuqaneysa in sanadihii ugu danbeeyay qoysaskaas si wanaagsan uga faa'ideysan tacabka dhulka sababo la xiriira farsamo xumo iyo dhaqaalle la'aan soo food saartay.

2013-06-02 4:02 AM EST
Axad, Juun 02, 2013 (HOL) — Ciidammo madaniga oo la shaqeeya kuwa booliiska ayaa loo sameeyay xaafadaha magaalada Baydhabo, kuwaasoo la wareegay sugidda ammaanka degmada Baydhabo oo bilihii ugu dambeeyay ahayd mid kacsan.

2013-06-02 3:53 AM EST
Axad, Juun 02, 2013 (HOL) — Madaxweynaha Soomaaliya, Mudane Xasan Sheekh Maxamuud ayaa maanta kula kulmay Yokohama xoghayaha guud ee Qaramada Midoobay, Ban Ki-Moon, iyagoo kawada hadlay xafiiska cusub ee ay Qaramada ay ka furayso Muqdisho, ergayga cusub Nicholas Kay oo imaan doona Muqdisho, arrimaha ammaanka iyo sidii Qaramada Midoobay ay qayb uga qaadan lahayd dib u dhiska Soomaaliya.