3/28/2024
Today from Hiiraan Online:  _
Wararka Maanta- Khamiis, July 25, 2013
Kulan Afur iyo isbarasho ah oo xalay lagu qabtay Magaalada St. Anthony ee Gobolka Minnesota ee dalka Mareykanka (SAWIRRO)

/images/2013/Afur1/index.htm
Khamiis, July 25, 2013(HOL)—
Masaajidka Abuu Huraira Islamic Center ayaa Sanadkii Labaad waxa uu Afur u sameeyay dadka dariska deggan Magaalada St. Anthony, Minnesota. Afurkan oo lagu casuumay dadka aan muslimka ahayn  Iyo Waliba Muslimiinta.

 

Xafladdan Afurka ah ayaa waxa loogu talagalay in dariska lagu baro  diinta Islaamka.Fadliga BishaRamadaan  Sida aan la wada soconno bishan barakaysan ee Ramadaan waa bil lala wadaago wanaagga bisha qoysaskeena dariskeena waana fursad ay dadka Dariska ku bartaan Diinteena Islaamka.

 

Afurkan oo ka dhacay Xarunta City Hall ee St. Anthony, Minnesota, Bishii July 12, 2012 ayaa City Coucil Magaalada St. Anthony waxa ay diideen qorshe ay Masaajidka Abu Huraria Islamic Center ay ku gateen Meel aad u wayn oo loogu tala galay in ay anfacdo Jaaliyadda Soomaaliyeed ee sii kordhaysa. Xarunta ay diideen City Coucil ee St. Anthony oo ay ku jirtay Masaajid ayaa hadda dacwadeeda waxay hortaallaa Maxkamad Federaal ah.

 


”Sanadkii hore si fiican ayay is-barashadaan u dhacday, sanadkanna waa kii labaad, waxayna noo tahay farxad iyo isu soo dhawaasho anagoo ah maamulka Mashruuca”sidaas waxaa yiri Sheikh Axmed Burale oo ah Madaxa Abuu Hurayra Islmic CTR .

 

Waxaa halkii afurka ka dhacay darsin Diini ah oo ku baxayay Luuqada Englishka ka soo jeediyay Shiikh Cabdisalaam Aadan oo ka mid ah culumaa’udiinka ku dhaqan gobolka Minnesota, isagoo sharaxaad dheer ka baxiyay waxa ay tahay diinta Islaamka, wuxuuna ku dheeraaday in diinta Islaamka ay tahay diin nabadeed oo aan ahayn mid qas iyo fowdo fareysa dadkeeda.

 


Sadik Warfaa oo ka mid ah dhalinyarada firfircoon oo ku dhaqan gobolkan Minnesota, sidoo kalena ka mid ahaa qabanqaabiyaasha kulankan ayaa ku tilmaamay Afurkan  mid ka turjumaya dhaqanka fiican ee Islaamka & kan Soomaalida.

 

Kulanka waxaa kaloo kasoo qaybgalay badi culumadda Gobolkan iyo dadwaynaha muslimiinta ah ee ku nool dagaankaan. Qaar ka  mid ah dadkii aan Muslimiinta ahayn ee daganaa deegaankaanka ayaa hadallo soo dhaweyn iyo Mahadcelin ah ka soo jeediyay  Goobta, wuxuuna kulanka ku so dhammaaday jawi aad u wanaagsan.






Siyad Said Salah MN

[email protected]













Click here
7/25/2013 1:06 PM EST
Khamiis, July 25, 2013 (HOL) — Magaalada Garoowe ee xarunta maamulka Puntland waxaa maanta soo gaarey wefdi ballaaran oo ka socda Midowga Yurub, islamarkaana uu horkacayey Nick Westcott oo ah ergeyga Midowga Yurub u qaabilsan qaaradda Afrika.

7/25/2013 1:05 PM EST
Khamiis, July 25, 2013 (HOL) —Talaal oo la doonayo in lagu xakameeyo cudurka dilaaga ah ee dabaysha oo maalmihii lasoo dhaafay laga helay degmada Laascaanood ee gobolka Sool ayaa ka billowday magaaladaas oo xarun u ah gobolka Sool.

7/25/2013 1:02 PM EST
Khamiis, July 25, 2013 (HOL) — Gudoomiyaha xisbiga taladda haya ee KULMIYE Muuse Biixi Cabdi, ayaa sheegay inay wada hadal u socdo siyaasiyiinta samaystay golaha wadatashiga,taas uu usoo jeediyey in labadda dhinaca ee xukuumada iyo goluhu aanay warbaahinta iska marin is eedeen dhexdoodda ah.

7/25/2013 7:52 AM EST
Khamiis, July 25, 2013 (HOL) — Soddon iyo shan (35) urur oo u dooda xorriyatul-qowlka caalamka iyo saxaafadda ayaa ka dalbaday ra’iisul wasaaaha Soomaaliya, Cabdi Faarax Shirdoon (Saacid) inuusan u gudbin baarlamaanka Soomaaliya sharciga qabayada ah ee saxaafadda.

7/25/2013 7:29 AM EST
Khamiis, July 25, 2013 (HOL) — Maalintii Salaasada ahayd ee lasoo dhaafay ayaa waxaa Muqdisho la keenay dhaawaca wakiil wareedkii Radio Dalsan ee magaalada Kismaayo, Mascuud C/llaahi Aadan oo ciidamada, Sheekh Axmed ay 17-kii bishan ay ku dhaawacmeen gudaha Kismaayo.

7/25/2013 6:53 AM EST
Madaxweynaha dalka Kenya oo todobaadkaan gudhihiisa madaxtooyada afur uga sameeyay hogaamiyayaasha islaamka iyo shacab kaloo badan ayaa maanta kulan la qaatay golaha sare ee Muslimiinta Kenya.

7/25/2013 6:53 AM EST
Khamiis, July 25, 2013 (HOL) — Guddoomiyaha maamulka gobolka Hiiraan Cabdi Faarax Laqanyo oo shir jaraa'id ku qabtay magaalada Baladweyne ayaa si adag uga hadllay lacago been abuur ah oo maalmihii ugu danbeeyay siweyn loo soo galinayay magaalada, taa oo keentay sare u kac ku yimid sarifka doolar iyo qiimo korar dhinaca maciishada ah.

7/25/2013 6:45 AM EST
Khamiis, July 25, 2013 (HOL) — Xarakada Al-shabaab ayaa sheegtay in tan iyo markii ay curatay bishan Ramadaan ay ciidamada dowladda iyo kuwa ay gacanta ka helaan ee AMISOM la beegsadeen in ka badan boqol weerar oo ay ku jiraan kuwo is-miidaamin ah oo khasaare nafeed geystay.

7/25/2013 6:44 AM EST
Khamiis, July 25, 2013 (HOL) — Mas'uuliyiinta maamulka heer gobol iyo degmo ee gobolka Hiiraan oo wadajir warbaahinta ula hadllay ayaa ka warbixiyay xaalada nabad-galyo ee magaalada Baladweyne oo labadii cisho ee la soo dhaafay ka jireen falal qal-qal ku ah ammniga, kadib markii ay kooxo hubeysan ku dilleen bartamaha magaalada guddoomiye ku-xigeenkii maxkamada degmada sidoo kalana weerar ku qaadeen mid ka mid ah ganacsatada magaalada.

7/25/2013 5:55 AM EST
Golaha ammaanka ee qaramada midoobay ayaa cambaareeyay jabinta cunaqabataynta hubka ee Soomaaliya iyo Eritrea, iyadoo la sheegay in labada waddanba uu hub ku soo qulqulayo.

7/25/2013 3:58 AM EST
Khamiis, July 25, 2013 (HOL) - Ciidamada ammaanka ee dalka Kenya ayaa shaaciyay inay qabteen kartoomo ay ka buuxaan walxaha qarxa oo saarnaa gaari ku sii jeeday magaalada Mombasa ee xarunta gobolka xeebta.

7/25/2013 2:27 AM EST
Khamiis, July 25, 2013(HOL) :-Wasiiru dowladaha wasaaradda arimaha dibadda Soomaaliya Dr. Max’ed Nuur Gacal ayaa kulan la qaatay wasiirka arimaha dibadda dalka Sudan Dr. Cali Axmed Kerti, waxaana sidoo kale kulanka labada masuul goob joog ka ahaa safiirka Soomaaliya u fadhiya dalkaasi Sudan Max’ed C/laahi Ugaas Faarax.

7/25/2013 2:09 AM EST
Khamiis, July 25, 2013(HOL) :- Maalmahii ugu dambeeyey gudaha Magaalada Baardheere ee Gobolka Gedo waxaa ka soconayey Howlo balaaran oo isugu jira dumin iyo dib u dhis lagu sameynayey Masjidka Jaamaca ee Khadiimiga ah ee ku yaala bartamaha magaalada Baardheere oo dhisnaa mudo ka badan ilaa 320-sano oo ahayd xilligii Baardheere la degay, iyadoo ujeedada dhismaha Masjidkuna ay tahay Balaarin.