2014-07-29
Today from Hiiraan Online:  _
Wararka Maanta- Axad, Jan 6 , 2013
Xiriirka K/Kolayga Soomaaliya oo qalab Isboorti la Guddoosiiyay



Axad, January 06, 2013(HOL): Garoonka Kubadda Koleyga 1da Luulyo  {Ex-Luugino} ee Magaalada Muqdisho ayaa waxaa ka dhacday kulan guddoonsiinta qalab kala duwan oo  Xiriirka Kubadda Koleyga Soomaaliyeed uu soo gaarsiiyay Guddoomiyaha Ururka Dhallinyarada jiilka cusub ee Isboortiga iyo dhaqanka [NGSC] C/Qani C/llaahi Hilowle (C/qani Jeenyo).

 

Ugu horreyn waxaa dadaalkiisa ku aadan ururintii qalabkan Isboortiga iyo sida ay ugu suragashay inuu dalka soo gaarsiiyo ka warbixiyay C/qani Jeenyo oo sheegay inay ku dhalatay markuu arkay in XSKK iyo ciyaartoyda u baahan yahiin taageero dhinaca qalabka Isboorti.

 

“Ma aha markii igu horeysay ee aan dalka keeno qalab Isboorti, waxaan goob joog u ahaa tababarro kala duwan oo ay ciyaartoyda qaadanayaan waxaa inuu soo baxay inay u baahan yahiin gacan gashi dhididka ay isaga celiyaan iyo kubaddo tayo leh – dhanka Xiriirka waxaan garanay inay u baahan yahiin Koobab qurux badan oo aan ugu talo galnay Tartanka ugu soo horeeya loogu talagalay , Intaas maanta wixii awooddeena ah waan keenay waana  rajeynaynaa inaan intan iyo in ka badan ku caawino XSKK iyo ciyaartoyda Kubadda Koleyga” ayuu yiri Guddoomiyaha [NGSC] C/qani Jeenyo.

 


Dhinaca kale Guddoomiyaha XSKK  Ibraahim Xuseen Cali (Roombo) ayaa uga mahadceliyay C/qani Jeenyo oo uu sheegay inuu yahay shaqsi mar walba aad u dhiirigeliya Isboortiga gaar ahaan Kubadda Koleyga.

 

“Ma`aha markii ugu horeysa oo uu C/qani Jeenyo qalab soo gaarsiiyo Xiriirka Kubadda Koleyga, markuu dalka soo gaaraba wuxuu caawimaad soo gaarsiiyaa XSKK iyo Ciyaartoydiisa. Waan uga mahadcelinaynaa xilkasnimadiisa iyo dadaalkiisa horumarinta Isboortiga, waxaan rajeynayaa in bahda qurba-joogta Isboorti ku dayan doonaan” ayuu yiri Guddoomiye Roombo oo intaas ka dib isla garoonka ugu qeybiyay Kubaddo iyo qalab kale Kooxaha u diiwaan gashan Xiriirka Kubadda Koleyga Soomaliyeed.

 

Guddoomiyaha Ururka Dhallinyarada jiilka cusub ee Isboortiga iyo dhaqanka [NGSC] C/Qani C/llaahi Hilowle (C/qani Jeenyo) ayaa ka mid ahaa ciyaartoydii hore ee K/Koleyga, waxaana lagu tilmaamaa shaqsi Isboortiga jecel isla markaana aad u dhiirigeliya dhallinyarada, waxaana xusid mudan 1/2/2011 in Ra`isul wasaarihii hore ee Xukuumaddii Tayo  (Maxamed C/laahi Maxamed `Farmaajo`) u idmaday  xilka la taliyaha arimaha dhallinyarada iyo Isboortiga dalka.


 

Said Ibrahim Hussein (BUUNA)

saciid_buuna@hotmail.com

Muqdisho, Soomaaliya





Post your comments

2013-01-06 10:11 PM EST
Madaxweynaha Jamhuuriyada Federaalka Soomaaliya Mudane Xassan Sh Maxamud ayaa ka qeyb galay munaasabadda sanad guradii 41-aad ee hay’ada Sirdoonka iyo Nabad Sugidda Qaranka iyo dib u furidda xarunta hay’adaas.

2013-01-06 9:14 AM EST
Axad, Jannaayo 06, 2013 (HOL) — Dagaal khasaare badan geystay oo u dhexeeya ciidamada dowladda Soomaaliya oo taageero ka helaya kuwa Itoobiya iyo xoogagga Al-shabaab ayaa ka qarxay deegaan lagu magacaabo May-kaareebay oo 20-km dhinaca waqooyi kaga began xarunta gobolka Gedo.

2013-01-06 9:01 AM EST
Axad, Jannaayo 06, 2013 (HOL) —Madaxweeynaha dalka Suuriya Bashar Al-asad ayaa hadal uu maanta jeediyay uga hadlay xaaladda cakiran ee ka jirta dalkaasi, isagoona sheegay in sida keliya ee xalka looga gaari karo dhibaatooyinka ka taagan dalka Suuriya ay tahay oo qura in la wada hadlo.

2013-01-06 4:11 AM EST
Axad, Jannaayo 06, 2013 (HOL) — Kooxo hubeysan ayaa ku dhaawacay ganacsade Axmed Cabdi Timir oo ka mid ah raga ugu horreeya ganacsiga gobolka Sool xilli uu marayay bartamaha magaalada, iyagoo dhowr xabbadood kaga dhuftay madaxa iyo laabta.

2013-01-06 2:48 AM EST
Axad, Jannaayo 06, 2013 (HOL) — Afhayeenka Al-Shabaab, Sheekh Cali Maxamuud Raag (Sheekh Cali Dheere) ayaa shir jaraa'id oo uu qabtay wuxuu kaga hadlay arrimo badan oo ay ka mid yihiin dagaalo ka dhacay Gobolada Bari ee Puntland.

2013-01-06 2:47 AM EST
Axad, Jannaayo 06, 2013 (HOL) — Dowladda Soomaaliya iyo Al-shabaab ayaa guulo ka kala sheegtay dagaallo shalaly gallinkii dambe ku dhexmaray deegaanno u dhexeeya degmada Luuq iyo Garbahaarey ee gobolka Gedo.

2013-01-06 2:37 AM EST
Axad, Jannaayo 06, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa xariga ka jaray Sabtidii shalay warshad cusub oo laga hirgaliyey magaaladda Hargeysa, taas oo soo saari doonta waraaqaha iyo buugaagta, kuwaas oo guud ahaan dalka wada gaadhsiin doonta.

2013-01-06 2:32 AM EST
Axad, Jannaayo 06, 2013 (HOL) — Kulan la damacsan yahay in go`aan lagaga gaaro colaad dhuleed dabayaaqadii sanadkii aan soo dhaafnay ka billaabantay deegaanka lagu magcaabo Gal-xamudh oo ka tirsan Widh-widh ayaa ka billaabmay tuuladda Dandan oo in ka badan 20-km bari kaga beegan degmada Buuhoodle.