2014-11-01
Today from Hiiraan Online:  _
Wararka Maanta- Sabti, Jan 5 , 2013
Dagaal culus oo Ciidamada Dowladda Somalia, kuwa Itoobiya iyo Al-shabaab ku dhexmaray Gobolka Gedo


Sabti, Jannaayo 05, 2013 (HOL) — Dagaal khasaare badan dhaliyay ayaa ku dhexmaray gellinkii dambe ee maanta deegaan u dhexeeya deegmooyinka Luuq iyo Garbahaarey iyadoo aan si dhab ah loo ogeyn inta uu le’eg yahay khasaaraha ka dhashay dagaalka.

Ilo wareedyo ku sugan gobolka Gedo ayaa HOL u sheegay in dagaalka uu ahaa mid culus, ayna ka dhasheen khasaarooyin dhimasho iyo dhaawac isugu oo soo kala gaaray dhinacyadii uu hardanku u dhexeeyay.

“Saraakiisha dowladda ee gobolka Gedo waxay sheegeen in laba askari ay kaga dhinteen dagaalka, toddodba kalena looga dhaawacay, balse dhinaca kale lama oga khasaaraha dagaalkaas kasoo gaartay,” ayaan kasoo xigannay ruux ku sugan gobolka oo diiday in la sheego magaciisa.

Deegaannada lagu dagaalamay ayaa ah kuwo howd ah taasoo keentay inaan la helin khasaaraha dagaalka ka dhashay oo rasmi ah, iyadoo Al-shabaab iyo ciidamada Itoobiya aysan ka hadlin khasaaraha kasoo gaaray dagaalka.

Mas’uuliyiin u hadlay dowladda Soomaaliya ayaa sheegay in dagaalkani uu qarxay kaddib markii dagaalyahannada Al-shabaab ay weerar ku qaadeen kolonyo gaadiid ah oo ay wateen ciidamada dowladda iyo kuwa Itoobiya oo ku socday degmada Garbahaarey.

“Goobihii lagu dagaalamay waxaa ku sugan ciidamada dowladda Soomaaliya iyo kuwa Itoobiya, xoogagii Al-shabaabna way isaga tageen goobta. Maydad fara badan ayaana lagu arkayaa halka lagu dagaalamay,” sidaas waxaa yiri sarkaal ka tirsan dowladda Soomaaliya oo ku sugnaa goobta uu dagaalku ka dhacay.

Ma sheegin sarakaalka maydadka sida ay kala yihiin, isagoo xusay inay ka go’an tahay inay kala wareegaan Al-shabaab deegaannada ay kaga sugan tahay gobolka Gedo oo ay ka mid yihiin degmooyinka Buur-dhuubo iyo Baardheere.

Gobolka Gedo oo ku yaalla Koonfurta fog ee Soomaaliya ayaa waxaa labadii sano ee ugu dambeeyay ka dhacayay dagaallo u dhexeeya ciidamada dowladda Soomaaliya oo garabsanaya kuwa Itoobiya iyo xoogagga Al-shabaab.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-05 2:07 PM EST
Sabti, Jannaayo 05, 2013 (HOL) — Siyaasi Cabdilaahi Cali Barre (Ciddi Libaax) oo ah aqoonyahan si weyn looga yaqaan bariga Africa iyo Khaliijka, ayaa shaaca ka qaaday in uu yahay musharrax u taagan xilka madaxtinimada ee Puntland.

2013-01-05 1:51 PM EST
Sabti, Jannaayo 05, 2013 (HOL) — Madaxweynaha dalka Jabuuti, Ismaaciil Cumar Geelle ayaa weydiistay xukuumadda Eritrea ee ay dariska yihiin inay sii dayso maxaabiista Jabuutiyaanka ah ee ay ku qabsatay dagaalkii Jabuuti iyo Eritrea dhexmaray bishii Juun ee sannadkii 2008, sida lagu daabacay shabakadda wasaaradda arrimaha dibadda Itoobiya.

2013-01-05 8:47 AM EST
Sabti, Jannaayo 05, 2013 (HOL) — Dabley hubeysan oo ana haybtooda la garanayn ayaa xalay saqdii dhexe weerar gaadmo ah ku qaaday hoteelka Panorama oo ku yaalla dhinaca Koonfureed ee magaalada Boosaaso, halkasa oo ay deggen yihiin mas’uuliyiin ka tirsan dowlad-goboleedka Puntland.

2013-01-05 8:35 AM EST
Sabti, Jannaayo 05, 2013 (HOL) — Kulankii baarlamaanka Soomaaliya ee maanta oo ay soo xaadireen 170 xildhibaan ayay guddi-hoosaadyada baarlamaanku ay ku doorteen guddoomiye, ku xigeen iyo xoghayaha, iyadoo guddiga doorashada galay ka mid ah guddiga difaaca iyo guddiga xuquuql insaanka, haweenka iyo arrimaha bani’aadamnimda.

2013-01-05 8:06 AM EST
Sabti, Jannaayo 05, 2013 (HOL) — Taliska howgalka ciidamada Midowga Afrika ee AMISOM ayaa sheegay in sannadkii hore ay guulo la taaban karo ka gaareen howgalladooda Soomaaliya, iyagoo sheegay inay xoojin doonaan howgalka ay kula jiraan Al-shabaab.

2013-01-05 3:59 AM EST
Sabti, Jannaayo, 05, 2013 (HOL) – Tartan kubada cagta ah oo ay isku arkayaan kooxo ka kala socda afarta xaafadood oo ay ka kooban tahay magaalada Baladweyne ee xarunta gobollka Hiiraan ayaa galinkii danbe ee maalintii shalay ka furmay garoonka kubadda cagta ee Lama-galaay.

2013-01-05 3:03 AM EST
Sabti, Jannaayo 05, 2013 (HOL) —Iska-horimaad xooggan ayaa xalay duleedka magaalada Kismaayo ku dhexmaray ciidamada dowladda Soomaaliya, kuwa Raaskaambooni iyo Militariga Kenya ee qeybta ka ah AMISOM oo isku dhinac ah iyo xoogagga xarakada Al-shabaab.

2013-01-05 1:01 AM EST
Sabti, Jannaayo 05, 2013 (HOL) — Ciidamada dowladda Soomaaliya oo gacan ka helaya kuwa AMISOM ayaa saakay howgallo ballaaran ka billaabay xaafadaha kkala duwan ee degmada Jowhar ee xarunta gobolka Shabeellada dhexe.

2013-01-05 12:50 AM EST
Sabti, Jannaayo 05, 2013 (HOL) — Ugu yaraan laba qof ayaa ku dhintay, shan kalena way ku dhaawacmeen kaddib markii uu xalay ka dhacay qarax xerada Dhagaxleey oo ka mid ah xeryaha qoxootiga Dhadhaab oo ay ku jiraan in ka badan nus malyuun qof oo qoxooti Soomaaliyeed ah.