2014-07-30
Today from Hiiraan Online:  _
Wararka Maanta- Sabti, Jan 5 , 2013
Koox hubeysan oo xalay weeraray Hoteel uu Magaalada Boosaaso ka degen yahay Wasiirka Amniga Puntland


Sabti, Jannaayo 05, 2013 (HOL) — Dabley hubeysan oo ana haybtooda la garanayn ayaa xalay saqdii dhexe weerar gaadmo ah ku qaaday hoteelka Panorama oo ku yaalla dhinaca Koonfureed ee magaalada Boosaaso, halkasa oo ay deggen yihiin mas’uuliyiin ka tirsan dowlad-goboleedka Puntland.


  Wasiirka Amniga Puntland, Col. Khaliif

Xilliga uu weerarku dhacayay ayaa waxaa hoteelka ku sugnaa wasiirro ka tirsan dowladda Puntland oo uu ka mid yahay wasiirka amniga, Col. Khaliif Ciise Mudan oo maalmo ka hor sheegay inuu dagaal adag la geli doono Al-shabaab.

Ilaalada wasiirka iyo dableydii weerarka soo qaaday ayaa is weydaarsaday rasaas qaddar daqiiqado ah socotay; waxaana ku dhaawacmay hal askari oo ka tirsanaa ilaalada hoteelka.

"Xabaddu in ku dhow 10 daqiiqo ayay dhacaysay, waan ku sasnay waxaana in yar kaddib goobta soo gaaray ciidammo badan, laakiin markii danme way is-beshay xaaladda oo deggenaasho ayaan dareennay," ayuu yiri mid ka mid ah dadka deggen agagaarka hoteeelka u sheegay HOL.

Wasiirka amniga Puntland, Col. Khaliif Ciise Mudan isla markaana ah milkiilaha hoteelka la weeraray xalay ayaan weli ka hadlin weerarkii xalay lagu qaaday hoteelka.

Dhacdadan ayaa kusoo aadaysa xilli ay xiisad siyaasadeed oo xoogani ka jirto Puntland, isla markaana ay shalay kooxo Al-shabaab ka tirsani ay soo weerareen Kantaroollada laga soo galo xarunta gobolka Bari ee Boosaaso.

Ma jirto cid sheegatay inay mas’uul ka tahay weerarka iyo cid ay dowladda Puntland ku eedeysay, balse waxaa dhawaanahan ka taagnaa deegaannada Puntland xiisado ka dhashay muddo kororsi uu sameeyay madaxweynaha Puntland C/raxmaan Faroole oo ku adkeysanaya in halka sano uu qabo dastuurka cusub ee Puntland.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-05 2:07 PM EST
Sabti, Jannaayo 05, 2013 (HOL) — Siyaasi Cabdilaahi Cali Barre (Ciddi Libaax) oo ah aqoonyahan si weyn looga yaqaan bariga Africa iyo Khaliijka, ayaa shaaca ka qaaday in uu yahay musharrax u taagan xilka madaxtinimada ee Puntland.

2013-01-05 1:51 PM EST
Sabti, Jannaayo 05, 2013 (HOL) — Madaxweynaha dalka Jabuuti, Ismaaciil Cumar Geelle ayaa weydiistay xukuumadda Eritrea ee ay dariska yihiin inay sii dayso maxaabiista Jabuutiyaanka ah ee ay ku qabsatay dagaalkii Jabuuti iyo Eritrea dhexmaray bishii Juun ee sannadkii 2008, sida lagu daabacay shabakadda wasaaradda arrimaha dibadda Itoobiya.

2013-01-05 12:47 PM EST
Sabti, Jannaayo 05, 2013 (HOL) — Dagaal khasaare badan dhaliyay ayaa ku dhexmaray gellinkii dambe ee maanta deegaan u dhexeeya deegmooyinka Luuq iyo Garbahaarey iyadoo aan si dhab ah loo ogeyn inta uu le’eg yahay khasaaraha ka dhashay dagaalka.

2013-01-05 8:35 AM EST
Sabti, Jannaayo 05, 2013 (HOL) — Kulankii baarlamaanka Soomaaliya ee maanta oo ay soo xaadireen 170 xildhibaan ayay guddi-hoosaadyada baarlamaanku ay ku doorteen guddoomiye, ku xigeen iyo xoghayaha, iyadoo guddiga doorashada galay ka mid ah guddiga difaaca iyo guddiga xuquuql insaanka, haweenka iyo arrimaha bani’aadamnimda.

2013-01-05 8:06 AM EST
Sabti, Jannaayo 05, 2013 (HOL) — Taliska howgalka ciidamada Midowga Afrika ee AMISOM ayaa sheegay in sannadkii hore ay guulo la taaban karo ka gaareen howgalladooda Soomaaliya, iyagoo sheegay inay xoojin doonaan howgalka ay kula jiraan Al-shabaab.

2013-01-05 3:59 AM EST
Sabti, Jannaayo, 05, 2013 (HOL) – Tartan kubada cagta ah oo ay isku arkayaan kooxo ka kala socda afarta xaafadood oo ay ka kooban tahay magaalada Baladweyne ee xarunta gobollka Hiiraan ayaa galinkii danbe ee maalintii shalay ka furmay garoonka kubadda cagta ee Lama-galaay.

2013-01-05 3:03 AM EST
Sabti, Jannaayo 05, 2013 (HOL) —Iska-horimaad xooggan ayaa xalay duleedka magaalada Kismaayo ku dhexmaray ciidamada dowladda Soomaaliya, kuwa Raaskaambooni iyo Militariga Kenya ee qeybta ka ah AMISOM oo isku dhinac ah iyo xoogagga xarakada Al-shabaab.

2013-01-05 1:01 AM EST
Sabti, Jannaayo 05, 2013 (HOL) — Ciidamada dowladda Soomaaliya oo gacan ka helaya kuwa AMISOM ayaa saakay howgallo ballaaran ka billaabay xaafadaha kkala duwan ee degmada Jowhar ee xarunta gobolka Shabeellada dhexe.

2013-01-05 12:50 AM EST
Sabti, Jannaayo 05, 2013 (HOL) — Ugu yaraan laba qof ayaa ku dhintay, shan kalena way ku dhaawacmeen kaddib markii uu xalay ka dhacay qarax xerada Dhagaxleey oo ka mid ah xeryaha qoxootiga Dhadhaab oo ay ku jiraan in ka badan nus malyuun qof oo qoxooti Soomaaliyeed ah.