2014-08-30
Today from Hiiraan Online:  _
Wararka Maanta- Sabti, Jan 5 , 2013
Ciidamada Huwanta ah iyo Xoogag Taabacsan Al-shabaab oo ku dagaalamay duleedka Magaalada Kismaayo


Sabti, Jannaayo 05, 2013 (HOL) —Iska-horimaad xooggan ayaa xalay duleedka magaalada Kismaayo ku dhexmaray ciidamada dowladda Soomaaliya, kuwa Raaskaambooni iyo Militariga Kenya ee qeybta ka ah AMISOM oo isku dhinac ah iyo xoogagga xarakada Al-shabaab.

Dagaalkan ayaa yimid kadib markii dagaalyahanno katirsan Al-shabaab ay weerar gaadmo ah kusoo qaadeen saldhig ay ciidamada huwanta ah ku leeyihiin xarunta Jaamacadda Kismaayo oo dhanka waqooyi kaga beegan magaalada Kismaayo, waxaana labada dhinac halkaasi ku dhexmaray dagaal qaatay in ka badan hal saac.

Dagaalkan oo ahaa mid xooggan islamarkaasina rasaasta ay labada dhinac isweeydaarsanayaan laga maqlayay gudaha magaalada Kismaayo ayaa waxa uu socday in ka badan saacad, waxaana lagu soo waramayaa in uu sababay dhimashada afar qof oo dhinacyadii dagaalamayay ah.

Xiriirro aynu la sameynay masuuliyiin katirsan dhinacyadii uu dagaalka u dhexeeyay ayay ka gaabsadeen in ay faahfaahin ka bixiyaan dagaalka, waxaana adag in la ogaado khasaaraha rasmiga ah ee ka dhashay dagaalkaasi, maadaama goobta lagu dagaalamayay ay ahayd meel ka baxsan magaalada.

Xoogagga Al-shabaab ayaa aalaaba weerarro gaadmo ah ka fuliya saldhigyada ciidamada huwanta ah ay ku leeyihiin gudaha iyo daafaha magaalada Kismaayo ee xarunta gobolka Jubada hoose.

Xasan Nuur, Hiiraan Online
hnur@hiiraan.com
Muqdisho, Soomaaliya





Post your comments

2013-01-05 2:07 PM EST
Sabti, Jannaayo 05, 2013 (HOL) — Siyaasi Cabdilaahi Cali Barre (Ciddi Libaax) oo ah aqoonyahan si weyn looga yaqaan bariga Africa iyo Khaliijka, ayaa shaaca ka qaaday in uu yahay musharrax u taagan xilka madaxtinimada ee Puntland.

2013-01-05 1:51 PM EST
Sabti, Jannaayo 05, 2013 (HOL) — Madaxweynaha dalka Jabuuti, Ismaaciil Cumar Geelle ayaa weydiistay xukuumadda Eritrea ee ay dariska yihiin inay sii dayso maxaabiista Jabuutiyaanka ah ee ay ku qabsatay dagaalkii Jabuuti iyo Eritrea dhexmaray bishii Juun ee sannadkii 2008, sida lagu daabacay shabakadda wasaaradda arrimaha dibadda Itoobiya.

2013-01-05 12:47 PM EST
Sabti, Jannaayo 05, 2013 (HOL) — Dagaal khasaare badan dhaliyay ayaa ku dhexmaray gellinkii dambe ee maanta deegaan u dhexeeya deegmooyinka Luuq iyo Garbahaarey iyadoo aan si dhab ah loo ogeyn inta uu le’eg yahay khasaaraha ka dhashay dagaalka.

2013-01-05 8:47 AM EST
Sabti, Jannaayo 05, 2013 (HOL) — Dabley hubeysan oo ana haybtooda la garanayn ayaa xalay saqdii dhexe weerar gaadmo ah ku qaaday hoteelka Panorama oo ku yaalla dhinaca Koonfureed ee magaalada Boosaaso, halkasa oo ay deggen yihiin mas’uuliyiin ka tirsan dowlad-goboleedka Puntland.

2013-01-05 8:35 AM EST
Sabti, Jannaayo 05, 2013 (HOL) — Kulankii baarlamaanka Soomaaliya ee maanta oo ay soo xaadireen 170 xildhibaan ayay guddi-hoosaadyada baarlamaanku ay ku doorteen guddoomiye, ku xigeen iyo xoghayaha, iyadoo guddiga doorashada galay ka mid ah guddiga difaaca iyo guddiga xuquuql insaanka, haweenka iyo arrimaha bani’aadamnimda.

2013-01-05 8:06 AM EST
Sabti, Jannaayo 05, 2013 (HOL) — Taliska howgalka ciidamada Midowga Afrika ee AMISOM ayaa sheegay in sannadkii hore ay guulo la taaban karo ka gaareen howgalladooda Soomaaliya, iyagoo sheegay inay xoojin doonaan howgalka ay kula jiraan Al-shabaab.

2013-01-05 3:59 AM EST
Sabti, Jannaayo, 05, 2013 (HOL) – Tartan kubada cagta ah oo ay isku arkayaan kooxo ka kala socda afarta xaafadood oo ay ka kooban tahay magaalada Baladweyne ee xarunta gobollka Hiiraan ayaa galinkii danbe ee maalintii shalay ka furmay garoonka kubadda cagta ee Lama-galaay.

2013-01-05 1:01 AM EST
Sabti, Jannaayo 05, 2013 (HOL) — Ciidamada dowladda Soomaaliya oo gacan ka helaya kuwa AMISOM ayaa saakay howgallo ballaaran ka billaabay xaafadaha kkala duwan ee degmada Jowhar ee xarunta gobolka Shabeellada dhexe.

2013-01-05 12:50 AM EST
Sabti, Jannaayo 05, 2013 (HOL) — Ugu yaraan laba qof ayaa ku dhintay, shan kalena way ku dhaawacmeen kaddib markii uu xalay ka dhacay qarax xerada Dhagaxleey oo ka mid ah xeryaha qoxootiga Dhadhaab oo ay ku jiraan in ka badan nus malyuun qof oo qoxooti Soomaaliyeed ah.