2014-07-30
Today from Hiiraan Online:  _
Wararka Maanta- Sabti, Jan 5 , 2013
Ciidamada Dowladda Soomaaliya iyo kuwa AMISOM oo si wadajir ah howgallo uga wada Xaafadaha Magaalada Jowhar


Sabti, Jannaayo 05, 2013 (HOL) — Ciidamada dowladda Soomaaliya oo gacan ka helaya kuwa AMISOM ayaa saakay howgallo ballaaran ka billaabay xaafadaha kkala duwan ee degmada Jowhar ee xarunta gobolka Shabeellada dhexe.

Baaritaannadan ayaa la sheegay in ciidamadu ay ku raadinayaan xubno ay sheegeen inay ka tirsan yihiin Al-shabaab oo degmadaas ku sugan, sidoo kalena saraakiil u hadlay dowladda Soomaaliya ayaa sheegay in howgalkan lagu sugayo ammaank degmadaas.

Degmada Jowhar ayaa waxay ka mid tahay degmooyinkii ay sannadkii hore ciidamada dowladda iyo kuwa AMISOM ay kala wareegeen Al-shabaab, iyadoo dhawaan lagu soo bandhigay degmadaas dagaalyahanno kasoo goostay Al.shabaab.

“Xaafadaha degmada Jowhar oo dhan baaritanano ayaa ka socda, ciidamadu guryaha oo dhan way galayaan,” ayuu yiri goobjooge ku sugan Jowhar oo la hadlay HOL, isagoo intaas ku daray in dhaqdhaqaaqa degmada uu yahay mid aad u yar.

Goobjoogayaal ku sugan degmada ayaa sheegay in baaritaankan uu yahay midkii ugu ballaarnaa ee degmadaas ay ka sameeyeen ciidamada dowladda iyo kuwa Midowga Afrika tan iyo markii ay la wareegeen bishii hore.

Saraakiisha hay’adaha ammaanka ee dowladda Soomaaliya ayaa sheeegay in ay ku raadinayaan hub iyo xubno Al-shabaab ka tirsan oo si dhuumaaleysi ah ku jooga degmada, iyadoo Al-shabaab ay horay u sheegtay inay weerarro la beegsan doonto degmadaas.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-05 2:07 PM EST
Sabti, Jannaayo 05, 2013 (HOL) — Siyaasi Cabdilaahi Cali Barre (Ciddi Libaax) oo ah aqoonyahan si weyn looga yaqaan bariga Africa iyo Khaliijka, ayaa shaaca ka qaaday in uu yahay musharrax u taagan xilka madaxtinimada ee Puntland.

2013-01-05 1:51 PM EST
Sabti, Jannaayo 05, 2013 (HOL) — Madaxweynaha dalka Jabuuti, Ismaaciil Cumar Geelle ayaa weydiistay xukuumadda Eritrea ee ay dariska yihiin inay sii dayso maxaabiista Jabuutiyaanka ah ee ay ku qabsatay dagaalkii Jabuuti iyo Eritrea dhexmaray bishii Juun ee sannadkii 2008, sida lagu daabacay shabakadda wasaaradda arrimaha dibadda Itoobiya.

2013-01-05 12:47 PM EST
Sabti, Jannaayo 05, 2013 (HOL) — Dagaal khasaare badan dhaliyay ayaa ku dhexmaray gellinkii dambe ee maanta deegaan u dhexeeya deegmooyinka Luuq iyo Garbahaarey iyadoo aan si dhab ah loo ogeyn inta uu le’eg yahay khasaaraha ka dhashay dagaalka.

2013-01-05 8:47 AM EST
Sabti, Jannaayo 05, 2013 (HOL) — Dabley hubeysan oo ana haybtooda la garanayn ayaa xalay saqdii dhexe weerar gaadmo ah ku qaaday hoteelka Panorama oo ku yaalla dhinaca Koonfureed ee magaalada Boosaaso, halkasa oo ay deggen yihiin mas’uuliyiin ka tirsan dowlad-goboleedka Puntland.

2013-01-05 8:35 AM EST
Sabti, Jannaayo 05, 2013 (HOL) — Kulankii baarlamaanka Soomaaliya ee maanta oo ay soo xaadireen 170 xildhibaan ayay guddi-hoosaadyada baarlamaanku ay ku doorteen guddoomiye, ku xigeen iyo xoghayaha, iyadoo guddiga doorashada galay ka mid ah guddiga difaaca iyo guddiga xuquuql insaanka, haweenka iyo arrimaha bani’aadamnimda.

2013-01-05 8:06 AM EST
Sabti, Jannaayo 05, 2013 (HOL) — Taliska howgalka ciidamada Midowga Afrika ee AMISOM ayaa sheegay in sannadkii hore ay guulo la taaban karo ka gaareen howgalladooda Soomaaliya, iyagoo sheegay inay xoojin doonaan howgalka ay kula jiraan Al-shabaab.

2013-01-05 3:59 AM EST
Sabti, Jannaayo, 05, 2013 (HOL) – Tartan kubada cagta ah oo ay isku arkayaan kooxo ka kala socda afarta xaafadood oo ay ka kooban tahay magaalada Baladweyne ee xarunta gobollka Hiiraan ayaa galinkii danbe ee maalintii shalay ka furmay garoonka kubadda cagta ee Lama-galaay.

2013-01-05 3:03 AM EST
Sabti, Jannaayo 05, 2013 (HOL) —Iska-horimaad xooggan ayaa xalay duleedka magaalada Kismaayo ku dhexmaray ciidamada dowladda Soomaaliya, kuwa Raaskaambooni iyo Militariga Kenya ee qeybta ka ah AMISOM oo isku dhinac ah iyo xoogagga xarakada Al-shabaab.

2013-01-05 12:50 AM EST
Sabti, Jannaayo 05, 2013 (HOL) — Ugu yaraan laba qof ayaa ku dhintay, shan kalena way ku dhaawacmeen kaddib markii uu xalay ka dhacay qarax xerada Dhagaxleey oo ka mid ah xeryaha qoxootiga Dhadhaab oo ay ku jiraan in ka badan nus malyuun qof oo qoxooti Soomaaliyeed ah.