2014-10-21
Today from Hiiraan Online:  _
Wararka Maanta- Sabti, Jan 5 , 2013
Qarax sababay khasaare nafeed oo xalay ka dhacay Xerada Dhagaxley oo ka mid ah Xeryaha Qoxootiga ee Dhadhaab


Sabti, Jannaayo 05, 2013 (HOL) — Ugu yaraan laba qof ayaa ku dhintay, shan kalena way ku dhaawacmeen kaddib markii uu xalay ka dhacay qarax xerada Dhagaxleey oo ka mid ah xeryaha qoxootiga Dhadhaab oo ay ku jiraan in ka badan nus malyuun qof oo qoxooti Soomaaliyeed ah.

Dadkan dhintay iyo kuwa dhaawacmay oo dhammaantood rag ahaa ayaa la sheegay in bambaano lagu tuuray iyagoo ku sugan goob shaaha laga cabo, iyadoo kooxihii weerarkan geystay ay markiiba goobta ka baxsadeen.

“Qaraxa ayaa xalay ka dhacay xerada Xagardheer, laba qof ayaa dhintay shan kalena way dhaawacmeen, qaraxa kaddibna xerada oo dhan bandow ayaa la saaray,” ayuu yiri goobjooge ku sugan xerada.

Ciidamada booliiska Kenya ayaa goobta tagay, waxaana tan iyo xalay ay ku jireen baaritaanno ay ku raadinayeen kooxihii weerarka ka dambeeyay, inkastoo aysan jirin cid ay weli u qabteen.

Ma jirto cid sheegatay inay weerarkaas ka dambeysay, balse saraakiisha booliiska Kenya ayaa ku eedeeyay weerarka Al-shabaab oo ka dagaalanta gudaha Soomaaliya oo ay ku sugan yihiin ciidammo ay ka mid yihiin kuwa Kenya.

Xeryaha Dhadhaab ee dalka Kenya oo ah kuwa ugu weyn caalamka ayaa waxaa ku jira qoxooti badan oo Soomaaliyeed, iyadoo dhawaanna ay dowladda Kenya ku amartay Soomaalida ku sugan magaalooyinka inay dib ugu laabtaan xeryahaas si loo diiwaangeliyo.

Dhowr jeer oo hore ayay xeryahan ka dhaceen qaraxyo sababay dhimasho iyo dhaawac, iyadoo saraakiisha ammaanka Kenya ay weerarradaas dusha ka saareen Al-shabaab, inkastoo aysan jirin cid sheegatay weerarradaas.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-05 2:07 PM EST
Sabti, Jannaayo 05, 2013 (HOL) — Siyaasi Cabdilaahi Cali Barre (Ciddi Libaax) oo ah aqoonyahan si weyn looga yaqaan bariga Africa iyo Khaliijka, ayaa shaaca ka qaaday in uu yahay musharrax u taagan xilka madaxtinimada ee Puntland.

2013-01-05 1:51 PM EST
Sabti, Jannaayo 05, 2013 (HOL) — Madaxweynaha dalka Jabuuti, Ismaaciil Cumar Geelle ayaa weydiistay xukuumadda Eritrea ee ay dariska yihiin inay sii dayso maxaabiista Jabuutiyaanka ah ee ay ku qabsatay dagaalkii Jabuuti iyo Eritrea dhexmaray bishii Juun ee sannadkii 2008, sida lagu daabacay shabakadda wasaaradda arrimaha dibadda Itoobiya.

2013-01-05 12:47 PM EST
Sabti, Jannaayo 05, 2013 (HOL) — Dagaal khasaare badan dhaliyay ayaa ku dhexmaray gellinkii dambe ee maanta deegaan u dhexeeya deegmooyinka Luuq iyo Garbahaarey iyadoo aan si dhab ah loo ogeyn inta uu le’eg yahay khasaaraha ka dhashay dagaalka.

2013-01-05 8:47 AM EST
Sabti, Jannaayo 05, 2013 (HOL) — Dabley hubeysan oo ana haybtooda la garanayn ayaa xalay saqdii dhexe weerar gaadmo ah ku qaaday hoteelka Panorama oo ku yaalla dhinaca Koonfureed ee magaalada Boosaaso, halkasa oo ay deggen yihiin mas’uuliyiin ka tirsan dowlad-goboleedka Puntland.

2013-01-05 8:35 AM EST
Sabti, Jannaayo 05, 2013 (HOL) — Kulankii baarlamaanka Soomaaliya ee maanta oo ay soo xaadireen 170 xildhibaan ayay guddi-hoosaadyada baarlamaanku ay ku doorteen guddoomiye, ku xigeen iyo xoghayaha, iyadoo guddiga doorashada galay ka mid ah guddiga difaaca iyo guddiga xuquuql insaanka, haweenka iyo arrimaha bani’aadamnimda.

2013-01-05 8:06 AM EST
Sabti, Jannaayo 05, 2013 (HOL) — Taliska howgalka ciidamada Midowga Afrika ee AMISOM ayaa sheegay in sannadkii hore ay guulo la taaban karo ka gaareen howgalladooda Soomaaliya, iyagoo sheegay inay xoojin doonaan howgalka ay kula jiraan Al-shabaab.

2013-01-05 3:59 AM EST
Sabti, Jannaayo, 05, 2013 (HOL) – Tartan kubada cagta ah oo ay isku arkayaan kooxo ka kala socda afarta xaafadood oo ay ka kooban tahay magaalada Baladweyne ee xarunta gobollka Hiiraan ayaa galinkii danbe ee maalintii shalay ka furmay garoonka kubadda cagta ee Lama-galaay.

2013-01-05 3:03 AM EST
Sabti, Jannaayo 05, 2013 (HOL) —Iska-horimaad xooggan ayaa xalay duleedka magaalada Kismaayo ku dhexmaray ciidamada dowladda Soomaaliya, kuwa Raaskaambooni iyo Militariga Kenya ee qeybta ka ah AMISOM oo isku dhinac ah iyo xoogagga xarakada Al-shabaab.

2013-01-05 1:01 AM EST
Sabti, Jannaayo 05, 2013 (HOL) — Ciidamada dowladda Soomaaliya oo gacan ka helaya kuwa AMISOM ayaa saakay howgallo ballaaran ka billaabay xaafadaha kkala duwan ee degmada Jowhar ee xarunta gobolka Shabeellada dhexe.