3/28/2024
Today from Hiiraan Online:  _
Wararka Maanta- Jimco, Jan 4 , 2013
U gargaar Zakeriye iyo Cabdiweli oo ah laba wiil oo ku xanuunsan Muqdisho dalkana wax looga qaban waayay

Zakariye Yacquub Cabdi

Jimco, Jannaayo 04, 2013 (HOL) — Cudurrada haya labadan wiil oo u baahan inay helaan daweyn dibadda ah ayaa keenay inay noloshoodu ay adkaato, iyadoo waalidiintooda oo kasoo jeeda qoysas sabool ah ay awoodi waayeen inay Caruurtoodan u helaan adeeg caafimaad oo dibadda ah.

Labadan wiil oo xanuunku uu muddo hayay ayaa kala ah: Cabdiweli Xuseen Suldaan Cabdi oo saddex jir ah iyo Zakariye Yacquub Cabdi oo isaguna saddex jir ah, labadan wiil ayaa waxay muddo sannado ah la xanuun-sanayeen cudurrada Pralass iyo xanuunka Neerfayaasha ku dhaca.  

Suldaan Cabdi Nirgoole oo ah awoowaha labadan wiil ee xanuunsan ayaa sheegay in xanuunka wiilashan haya uu yahay mid ay ku dhasheen , isla markaana gudaha dalka wax looga qaban waayay, isagoo sheegay in dhakhaatiirta dalka ku sugan ay ku wargeliyeen in inay u baahan yihiin dhakhaatiir caalami ah oo qaliinno ku sameeya   jirkooda, kuwaasoo uu sheegay inay ku sugan yihiin Nairobi iyo Adis Ababa. Isagoo tilmaamay inaysan awoodin inay u helaan dhakhaastiir la tacaalama cudurrada wiilashan.


Cabdiweli Xuseen Suldaan Cabdi

"Si labadan wiil wax loogu qabto waxaa ka codsanayaa ummadda Soomaaliyeed ee ku nool dalka gudihiisa iyo dibaddiisaba inay gacan ka geystaan sidii walaalahooda dhibaateysan loo daweyn lahaa. Ogow waxii aad saddaqo ula baxdid inay kaaga horreeyso aakhiro," ayuu yiri awoowaha labadan wiil ee xanuunsan.

FG: haddaba haddii aad doonaysid inaad ka qayb-qaadatid gargaarka loo fidiniyo labadan wiil ee xanuunsan la xiriir: Yaquub Cabdi Isaaq adigoo kala xiriiriyaha: Tel: 00252-61-5559443 ama 00252-699-737741.
Sidoo kale, waxaad la xiriiri kartaa Sudaan Cabdi Maxamed Nirgoole oo laga helo taleefoon lambar: 00252-61-5015660.

WARQADAHA CADDEYNTA ZAKARIYE

1- Caddeyn Isbitaal Banadir                              
Riix halkan

2- Caddeyn Wasaaradda Caafimaad                 Riix halkan


FIIRO GAAR AH: Warqadaha Caddeynta ee Wiilka kale ee C/weli  nama aysan soo gaarin.



Maxamed Xaaji Xuseen, Hiiraan Online
[email protected]
Muqdisho, Soomaaliya











Click here
1/4/2013 12:24 PM EST
Jimco, Jannaayo 04, 2013 (HOL) — Wasiirradda wasaaradda horumarinta adeegga bulshada xukuumadda Soomaaliya, Maryan Qaasim Axmed ayaa ka dalbatay dowladda Turkiga inay Soomaaliya ka hirgeliiyaan jaamacado ay wax ku bartaan dhallinyarada Soomaaliyeed iyo isbitaallo lagu daweeyo bukaannada Soomaaliyeed.

1/4/2013 11:51 AM EST
Jimco, Jannaayo 04, 2013 (HOL) — Ra’iisul wasaaraha Soomaaliya, Cabdi Faarax Shir-doon (Saacid) ayaa maanta saxaafadda u soo bandhigay saddex badmaaxe oo tan iyo dhammaadkii sannadkii 2010 afduub loogu haystay gudaha Soomaaliya, iyadoo ra’iisul wasaaruhu uu sheegay inaysan jirin wax madaxfurasho ah oo lagu soo daayay la-haystayaashan.

1/4/2013 11:50 AM EST
Jimco, Jannaayo 04, 2013 (HOL) — Madaxweynaha Galmudug, Jen. Cabdi Xasan Cawaale (Qaybdiid) ayaa maanta Waqooyiga magaalada Gaalkacyo ee gobolka Mudug kula kulmay madaxweynihii hore ee Puntland, Jen. Cadde Muuse Xirsi iyo mas’uuilyiin ka tirsan maamulka gobolka Mudug ee Puntland, isagoo kala hadlay iskaashi dhexmara labada maamul iyo adkeynta amniga gobolka Mudug, gaar ahaan magaalada Gaalkacyo oo falal ammaan-darro ay ka dhacaan.

1/4/2013 8:09 AM EST
Jimco, Jannaayo 04, 2013 (HOL) — Wasiirka gaashaandhigga Soomaaliay, C/xakiin Maxamuud Xaaji Fiqi ayaa maanta oo Jimco ah sheegay in ciqaab adag la marsiin doono askarigii dhibaateeya shacabka Soomaaliyeed, isagoo xusay in ciidamada ay ku dhex-jiraan ciidammo doonaya inay sumcadda ciidanka xumeeyaan.

1/4/2013 7:49 AM EST
Jimco, Jannaayo 04, 2013 (HOL) — Guddiga ganacsatada xaafadda Islii ee magaalada Nairobi ayaa dacwado ka dhan ah ciidamada ammaanka ee Kenya u gudbiyay xildhibaanno iyo wasiirro ka tirsan Kenya kaddib kulan ay maanta ku yeesheen magaalada Nairobi.

1/4/2013 1:29 AM EST
Jimco, Jannaayo 04, 2013 (HOL) — Madaxweynaha Soomaaliya, Xasan Sheekh Maxamuud ayaa ka warbixiyay heshiisyo dhexmaray dowladaha Soomaaliya iyo Suudaan, kaddib booqasho laba maamood ah oo uu dalkaas ku tagay.

1/4/2013 1:09 AM EST
Jimco, Jannaayo 04, 2013 (HOL) — Xoogagga Al-shabaab ee saldhiggoodu yahay buuraha Gollis ayaa xalay weerarro ku qaaday koontaroollo ku yaalla duleedka Koonfureed ee degmada Boosaaso, kuwaasoo dhaliyay khasaare kooban.