3/29/2024
Today from Hiiraan Online:  _
Wararka Maanta- Jimco, Jan 4 , 2013
Wasiirka Gaashaandhigga Somalia oo sheegay in Askarigii shacabka dhibaato u geysta ciqaab adag la marin doono

Jimco, Jannaayo 04, 2013 (HOL) — Wasiirka gaashaandhigga Soomaaliay, C/xakiin Maxamuud Xaaji Fiqi ayaa maanta oo Jimco ah sheegay in ciqaab adag la marsiin doono askarigii dhibaateeya shacabka Soomaaliyeed loomana naxariisan doono, isagoo xusay in ciidamada ay ku dhex-jiraan ciidammo doonaya inay sumcadda ciidanka xumeeyaan.

Mudane Fiqi oo la hadlayay idaacadda ku hadasha afka dowladda ee Radio Muqdisho ayaa sheegay in dowladdu ay go’aan adag horay uga soo saartay askarta dhibaateynaya shacabka, wuxuu xusay inay socdaan baaritaanno lagu sameynayo askarta shacabka dhibaatooyinka ku haya.

“Way jiraan ciidammo dhibaateeya shacabka oo ka mid ah ciidamada oo la qabtay, kuwaasoo qaarkood la xukumay qaarka kalena ay xukun sugayaal yihiin,” ayuu yiri wasiirka oo sheegay in ciidamada intooda badan ay yihiin kuwo wadaniyihiin aan dhibaateyn shacabkooda.

Sidoo kale, wasiirku wuxuu xusay in wasaaradda gaashaandhigga ay u qorsheysan tahay inay tayeyso ciidamada dowladda afarta sano ee soo socotana isagoo sheegay inay ciidamadii hore ugu baaqeen inay ciidanka kusoo biiraan.

“Afarta sano ee soo socota waxaan doonaynaa inaan tayeyno ciidamada dowladda oo aan soo saarno ciidan Qaran oo cadowga ka difaaca dalka gudihiisa iyo dibaddiisa,” ayuu yiri wasiirka oo xusay in dal aan ciidan lahayn uusan ahayn dal jira.

Wasiirka gaashaandhigga xukuumadda Soomaaliya ayaa tan iyo markii loo magacaabay xilkan wuxuu socdaallo ku tagayay dalalka ay ka socdaan ciidamada AMISOM iyo kuwo kale, isagoo ka dalbaday in Soomaaliya laga caawiyo dib u dhiska ciidamada qalabka sida.

Hadalka wasiirka ayaa wuxuu kusoo beegmayaa xilli uu maalin ka hor booqasho laba casho qaadatay ku tagay magaalada Baydhabo ee xarunta gobolka Bay, halkaasoo uu kula kulmay saraakiisha Itoobiya iyo kuwa AMISOM ee ku sugan degmadaas, isagoo kula heshiiyay inay tababaraan ciidamada dowladda ee ku sugan gobollada Bay iyo Bakool.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/4/2013 12:24 PM EST
Jimco, Jannaayo 04, 2013 (HOL) — Wasiirradda wasaaradda horumarinta adeegga bulshada xukuumadda Soomaaliya, Maryan Qaasim Axmed ayaa ka dalbatay dowladda Turkiga inay Soomaaliya ka hirgeliiyaan jaamacado ay wax ku bartaan dhallinyarada Soomaaliyeed iyo isbitaallo lagu daweeyo bukaannada Soomaaliyeed.

1/4/2013 11:51 AM EST
Jimco, Jannaayo 04, 2013 (HOL) — Ra’iisul wasaaraha Soomaaliya, Cabdi Faarax Shir-doon (Saacid) ayaa maanta saxaafadda u soo bandhigay saddex badmaaxe oo tan iyo dhammaadkii sannadkii 2010 afduub loogu haystay gudaha Soomaaliya, iyadoo ra’iisul wasaaruhu uu sheegay inaysan jirin wax madaxfurasho ah oo lagu soo daayay la-haystayaashan.

1/4/2013 11:50 AM EST
Jimco, Jannaayo 04, 2013 (HOL) — Madaxweynaha Galmudug, Jen. Cabdi Xasan Cawaale (Qaybdiid) ayaa maanta Waqooyiga magaalada Gaalkacyo ee gobolka Mudug kula kulmay madaxweynihii hore ee Puntland, Jen. Cadde Muuse Xirsi iyo mas’uuilyiin ka tirsan maamulka gobolka Mudug ee Puntland, isagoo kala hadlay iskaashi dhexmara labada maamul iyo adkeynta amniga gobolka Mudug, gaar ahaan magaalada Gaalkacyo oo falal ammaan-darro ay ka dhacaan.

1/4/2013 9:23 AM EST
Jimco, Jannaayo 04, 2013 (HOL) — Cudurada haya labadan wiil oo u baahan inay helaan daweyn dibadda ah ayaa keenay inay noloshoodu ay adkaato, iyadoo waalidiintooda oo kasoo jeeda qoysas sabool ah ay awoodi waayeen inay Caruurtoodan u helaan adeeg caafimaad oo dibadda ah.

1/4/2013 7:49 AM EST
Jimco, Jannaayo 04, 2013 (HOL) — Guddiga ganacsatada xaafadda Islii ee magaalada Nairobi ayaa dacwado ka dhan ah ciidamada ammaanka ee Kenya u gudbiyay xildhibaanno iyo wasiirro ka tirsan Kenya kaddib kulan ay maanta ku yeesheen magaalada Nairobi.

1/4/2013 1:29 AM EST
Jimco, Jannaayo 04, 2013 (HOL) — Madaxweynaha Soomaaliya, Xasan Sheekh Maxamuud ayaa ka warbixiyay heshiisyo dhexmaray dowladaha Soomaaliya iyo Suudaan, kaddib booqasho laba maamood ah oo uu dalkaas ku tagay.

1/4/2013 1:09 AM EST
Jimco, Jannaayo 04, 2013 (HOL) — Xoogagga Al-shabaab ee saldhiggoodu yahay buuraha Gollis ayaa xalay weerarro ku qaaday koontaroollo ku yaalla duleedka Koonfureed ee degmada Boosaaso, kuwaasoo dhaliyay khasaare kooban.