2014-04-24
Today from Hiiraan Online:  _
Wararka Maanta- Khamiis, Jan 31, 2013
MADAXWEYNAHA PUNTLAND: "Nidaamka Axsaabta Waalalaheenna Somaliland ayaynu kaga dayannay" (SAWIRRO)


 Khamiis, Jannaayo 31, 2013 (HOL) — Magaalada Garoowe ee xarunta maamulka Puntland waxaa shalay ka furmay shir-weynaha 1-aad ee urur-siyaasadeedka Horseed. Munaasabaddii shirka lagu furayey oo ahayd mid si weyn loo soo agaamisyey, islamarkaana ka dhacday hoolka shirarka ee Jaamacadda PSU, waxaa kasoo qayb galay madaxda sare iyo xubnaha ururka.

Waxaana kamid ahaa madaxweynaha Puntland Cabdiraxmaan Faroole , ku-xigeenkiisa Gen. Cabdisamed, guddoomiyaha Baarlamaanka Cabdirashiid Maxamed Xirsi, golaha wasiirrada iyo qaar badan oo kamid ah mudanayaasha Baarlamaanka.

Madaxweynaha Puntland oo isagu ugu horeyn goobta ka hadlay ayaa ku dheeraaday faa’iidada ka dhalan karta nidaamka axsaabta ee looga guurayo hab-maamulkii qabaliga ahaa ee horay hoggaanka Puntland loogu soo dooran jirey.


Wuxuuna intaas raaciyey in dowladdu ay ku dhawaaqday hannaaka axsaabta, islamarkaana ay diyaar u tahay in ay dhabarka u ridato caqabad kasta oo kasoo food saarta, ayna soo dhoweynayso in siyaasadda lagu tartamo.

“Nin durbaan tumay ilaaq dalbey, anagaa ku dhawaaqnay in la tartamo Anagaana u yeernay waan soo dhoweyneynaa xisbi kasta oo la furo” madaxweynaha Puntland ayaa yiri.

Ugu danbeyntii wuxuu madaxweyne Faroole tilmaamay in nidaamkan ay Puntland ku tallaabsanayso uu yahay mid ay uga dayatay maamulka Somaliland, maadaama ay habboon tahay in waxa fiican laysaga daydo.

“Walaalaheena dhinaca galbeedka inaka xiga Somaliland  baynu kaga dayaney waaya aragnimada ay ka arkeen,  wixii fiican haddii ay cidi samayso waa lagala daydaa, xasad iyo xumaani ma jirto, inaguna wax badan oo laynakaga daydo way jiraan”.


Ururka Horseed ayaa ah kii ugu horeeyey ee Puntland looga dhawaaqay, waxaana ku jira in ka badan 200 oo mas'uul oo xilal ka haya xukuumadda xiligan Puntland ka arimisa, kuwaasoo uu qayb ka yahay madaxweyne Cabdiraxmaan Maxamed Maxamuud Faroole.

Sannadkii lasoo dhaafay waxaa Puntland looga dhawaaqay ku dhowaad 9 urur-siyaasadeed, waxaase shuruudaha guddiga doorashooyinku ay ku xireen soo buuxiyey 6 urur oo kala ah:Horseed(xisbul xaakimka), Hor-cad (horumar iyo cadaalad) , Midnimo, EDP(ururka dimuqraadiyadda Puntland), Wadajir iyo UDAD(ururka dadka Puntland.

Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya




Post your comments

2013-01-31 12:40 PM EST
Khamiis, Jannaayo 31, 2013 (HOL) — Madaxweynaha Soomaaliya, Xasan Sheekh Maxamuud oo ka jawaabayay hadal uu Madaxweynaha Somaliland, Axmed Maxamed Maxamuud (Siilaanyo) ku sheegay in aqoonsigii uu siiyay Mareykanka dowladda Soomaaliya aanu quseyn Somaliland.

2013-01-31 11:47 AM EST
Khamiis, Jannaayo 31, 2013 (HOL) — Hay’adda Qoxootiga Dunida ee UNHCR ayaa sheegtay in qaxootiga Soomaalida ah ee ku nool xeryaha qaxootiga ee dalka Kenya ay doonayaan inay dib ugu laabataan dalkooda, kaddib labaatan sano oo ay xeryahaas ku jireen.

2013-01-31 10:15 AM EST
Khamiis, Jannaayo 31, 2013 (HOL) — Wasiiradda arrimaha dibadda Somalia, Fowziyo Yuusuf Xaaji Aadan ayaa soo dhaweysay dib u soo laabashada xiriirka u dhexeeya dalalka Shiinaha iyo Soomaaliya, kaasoo soo billowday sannadihii lixdameeyada.

2013-01-31 9:07 AM EST
Khamiis, Jannaayo 31, 2013 (HOL) — Guddiga KMG ah ee doorashooyinka Puntland ayaa maanta si rasmi ah ugu dhawaaqay xeerka anshaxa ururada siyaasadda ee ka qayb-gelaya doorashada goleyaasha deegaanka ee Puntland.

2013-01-31 9:00 AM EST
Khamiis, Jannaayo 31, 2013 (HOL) — Dadweynaha Somaliland ayaa qaadan la’ warka ku saabsan amni-darrad ee kasoo baxay dowaldda ingiriiska ee ay shacabkeeda uga digtay in ay kasoo baxaan Somaliland, taasoo dadku badi is-waydiinayaan ujeeddada uu Ingiriisku ka leeyahay inuu ku sheego amn-daro Somaliland, hase yeeshe illaa hadda aanay helin jawaab ay ku qancaan.

2013-01-31 5:57 AM EST
Khamiis, Jannaayo, 31, 2013 (HOL) -- Saraakiisha ciidamada maamulka gobolka Hiiraan ee dowladda Soomaaliya iyo kuwa Jabuuti ee howlgalka midowgga Africa AMISOM ayaa markii ugu horeysay magaalada Baladweyne tababar uga furay haween ka mid noqonaya ciidamada militariga dowladda Soomaaliya.

2013-01-31 5:40 AM EST
Khamiis, Jannaayo 31, 2013 (HOL) —Wafdi uu horkacayo ra’isul wasaaraha dowladda federaalka Soomaaliya Dr. Cabdi Faarax Shirdoon (Saacid) ayaa goordhow gaaray magaalada Marka ee xarunta gobolka shabeelaha hoose.

2013-01-31 1:41 AM EST
Khamiis, Jannaayo 31, 2013 (HOL) — Madaxweynaha dowladda Soomaaliya, Xasan Sheekh Maxamuud oo booqasho ku jooga dalka Belgium ayaa faahfaahin ka bixiyay kulammo uu la yeeshay madaxda Midowga Yurub, kuwaasoo looga hadlay sidii dowladda uu hoggaaminayo gacan looga siin lahaa dib-u-dhiska dalka.