2014-04-21
Today from Hiiraan Online:  _
Wararka Maanta- Isniin, Jan 28, 2013
Wafdi Wasiirro ah oo ka tirsan Xukuumadda Federaalka Soomaaliya oo gaaray Maanta Degmada Baydhabo ee Gobolka Bay

Isniin, Jannaayo 28, 2013 (HOL) — Wasiirro ka tirsan xukuumadda Somalia ayaa maanta gaaray magaalada Baydhabo ee gobolka Bay, iyagoo kulammo la yeeshay waxgaradka gobollada Bay iyo Bakool, iyagoo kala hadlay maamul u smeynta gobolladaas.

Wafdigan ayaa waxaa hoggaaminayay wasiirka arrimaha gudaha Soomaaliya, C/kariin Xuseen Guuleed, waxaana ka mid ahaa wasiirka gaashaandhigga, C/xakiin Maxamuud Xaaji Fiqi iyo wasiir ku xigeennada wasaaradaha warfaafinta iyo arrimaha bulshada.

Odayaasha iyo waxgaradka ay wasiirradu la kulmeen ayaa waxay wasiirrada ku wargeliyeen cabashooyin iyo dhaliilo ay u jeediyeen maamulka gobolka Bay, iyadoo wasiirraduna ay u sheegeen waxgaradkaas inay dowladdu wax ka qaban doonto cabashadooda.

Wasiirka arrimaha gudaha ee Soomaaliya oo kulanka ka hadlay ayaa sheegay in wasaaraddiisu ay waddo qorshe ay maamullo KMG ah ugu sameynaysay gobollada Bay iyo Bakool, inta ay shacabka gobolladaas kasoo dooranayaan maamulladii hoggaamin lahaa.

Sidoo kale, wasiirka gaashaandhigga Soomaaliya ayaa isaguna ugu baaqay shacabka ku nool gobollada Bay iyo Bakool inay gacan ku siiyaan ciidamada dowladda si ammaanka gobolladaas loo sugo.

Wasiirradan ayaa waxay sidoo kale kulan la yeesheen maamulka gobolka Bay iyo xubno ka socday maamulka gobolka Bakool, iyagoo kala hadlay qorshe ay dowladdu ku doonayso inay maamullo ugu sameyso gobolladaas.

Golaha wasiirrada xukuumadda Soomaaliya ayaa dhawaan go’aan ku gaaray in maamullo KMG ah loo sameeyo gobollada dalka, kuwaasoo maamulka ku wareejin doono maamullo ay shacabku soo doortaan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-01-28 8:18 AM EST
Isniin, Jannaayo 28, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta xafiiskiisa ku qaabilay danjiraha Talyaaniga u qaabilsan arrimaha Soomaaliya, Adrea Mazzela isagoo kala hadlay sidii loo xoojin lahaa iskaashiga u dhaxeeya labada dalka.

2013-01-28 8:03 AM EST
Isniin, Jannaayo 28, 2013 (HOL) — Kulankan oo ay soo qaban-qaabiyeen shaqsiyaad ka shaqeeeya arrimaha bulshada Soomaalida ah ee ku dhaqan gobolka Minnesota ayaa waxaa markii labaad lagu marti qaaday prof: Axmed Ismaaciil Samatar iyo Cali Khaliif Galeyr, oo labaduba ka tirsan mudaneyaasha baarlamaanka Soomaaliya. Iyadoona ay madasha kulankan soo xaadireen in ka badan dad lagu qiyaasay sadex boqol oo ruux.

2013-01-28 7:30 AM EST
Isniin, Jannaayo 28, 2013 (HOL) — Ciidmada dowldda Soomaaliya ayaa howgallo ay kusoo qabqabteen xubno ay uga shakisan yihiin Al-shabaab ka sameeyay maanta xaafado ka tirsan degmooyinka Yaaqshiid iyo Huriwaa ee gobolka Banaadir.

2013-01-28 7:28 AM EST
Isniin, Jannaayo 28, 2013 (HOL) — Golaha Wakiiladda Somaliland ayaa dood adag ka yeeshay xeerka takaaliifta (Adeegyada) madaaradda Somaliland, kuwaas oo qaarkood soo bandhigay lacago ay sheegeen in sifo sharci daro loo lunsaday, isla markaana miisaaniyadda Qaranka lagu soo darin.

2013-01-28 6:36 AM EST
Isniin, Jannaayo, 28, 2013 (HOL) – Tan iyo wixii ka danbeeyay markii ay ciidamada Jabuuti ee howlgalka midowgga Africa AMISOM iyo ciidamo si gaar ah loo tababaray oo ka tirsan maamulka gobolka Hiiraan la wareegeen sugida amniga Baladweyne waxaa is badal muuqda ku yimid nabad-galyada magaalada, taasoo keentay in ay dib u shaqo galaan goobihii danta-guud ee mudada dheer aan shaqeyn.

2013-01-28 6:18 AM EST
Isniin, Jannaayo 28, 2013 (HOL) — Xukuumadda Somaliland ayaa sheegtay in ay baadhanayaan cabsida ay ingiriisku ka muujiyey nabadgalyada dalka, waxaaanay xuseen in aanay wax cabsi ah iyo nabadgalyo daro jirin oo ay nabadu ku jirto gacanta ciidamadda amniga.

2013-01-28 2:44 AM EST
Isniin, Jannaayo 28, 2013 (HOL) — Xafiiska arrimaha dibadda ee Britain ayaa ugu baaqay muwaadiniintooda ku sugan Somaliland inay si dhaqso ah uga baxaan halkaas, kaddib markii ay soo baxeen sida warbixinta lagu xusay khataro cusub oo kusoo food leh dadka reer galbeedka ah ee Somaliland ku sugan. Iyadoo naamulka Somaliland uu arrintaas ka hadlay.

2013-01-28 2:10 AM EST
Isniin, Jannaayo 28, 2013 (HOL) — Saraakiisha ciidamada ammaanka dowladda Soomaaliya ayaa shaaca ka qaaday in ay wadaan baaritaanno xooggan oo lagu ogaanayo dadka ka danbeeya dilalka magaalada Muqdisho loogu geeysto wariyeyaasha.

2013-01-28 12:40 AM EST
Isniin, Jannaayo 28, 2013 (HOL) — Madaxweynaha dowladda Soomaaliya, Xasan Sheekh Maxamuud oo khudbad dheer ka jeediyay kulanka Midowga Afrika ee shalay ka furmay magaalada Addis Ababa ee xarunta Itoobiya ayaa ka dalbaday dalalka Afrika inay gacan siiyaan Soomaaliya, isagoo xusay in Soomaaliya ay dib ugu soo laabatay beesha caalamka doorkeedana uu yahay mid aan la yareysan karin.